ରିପୋର୍ଟ : ଧ୍ରୁବରାଜ ମିଶ୍ର
ବିନିକା, (୨୨/୮) : ବିନିକା ସବରେଜେଷ୍ଟ୍ରି କାର୍ଯ୍ୟାଳୟ ସମେତ ତହସିଲ କ୍ଵାଟର ସମ୍ମୁଖରେ ବର୍ଷା ପାଣି ଜମି ରହୁଥିବାରୁ ଲୋକେ ଯିବା ଆସିବାରେ ଅସୁବିଧା ହେଉଥିବା ବେଳେ ମଶାଙ୍କ ବଂଶ ବିସ୍ତାର ବୃଦ୍ଧି ପାଉଛି ।
ଯାହା ଫଳରେ ଏଠାକୁ ଆସୁଥିବା ଓ କ୍ଵାଟରରେ ରହୁଥିବା ଲୋକେ ମଶାଙ୍କ ପ୍ରାଦୁର୍ଭାବ ଯୋଗୁଁ ରହି ପାରୁନାହାଁନ୍ତି । ଅପର ପକ୍ଷ୍ୟରେ ଏଥି ଯୋଗୁଁ ଏଠାରେ ଅସ୍ୱାସ୍ଥ୍ୟକର ପରିବେଶ ସୃଷ୍ଟି ହୋଉଛି । ସବରେଜେଷ୍ଟ୍ରି କାର୍ଯ୍ୟାଳୟ ପାଇଁ ସ୍ଥାୟୀ ଗୃହ ନ ଥିବାରୁ ଅତିରିକ୍ତ ତହସିଲଦାର ଙ୍କ ସରକାରୀ କ୍ଵାଟରରେ ସବ ରେଜେଷ୍ଟ୍ରି ଆଫିସ ଚାଲୁଛି । ଦୀର୍ଘ ଦିନ ହେଲାଣି କ୍ଵାଟର ଗୁଡିକର ମରାମତି ଅଭାବରୁ ବର୍ଷା ହେଲେ ପାଣି ଗଲୁଥିବା ଅଭିଯୋଗ ହେଉଛି । ପ୍ରବଳ ବର୍ଷା ହେଲେ ଡ୍ରେନ ପାଣି ମଧ୍ୟ ଏଠାକୁ ବାହାରି ଆସିଥାଏ ତେଣୁ ଏଥିପ୍ରତି ଜିଲ୍ଲା ପ୍ରଶାସନ ଓ ବିଭାଗୀୟ ଉଚ୍ଚ କର୍ତ୍ତୃପକ୍ଷ ଦୃଷ୍ଟି ଦେବାକୁ ଦାବୀ ହେଉଛି ।