ବଂଶଧାରା ନଦୀର ଜଳସ୍ତର ବୃଦ୍ଧି, ଜିଲ୍ଲା ପ୍ରଶାସନ ପକ୍ଷରୁ ସ୍ଥିତିର ମୁକାବିଲା ଓ ସମୀକ୍ଷା ଜାରି

ରିପୋର୍ଟ: ଜ଼ିଲ୍ଲା ପ୍ରତିନିଧି ଅମୁଲ୍ୟ ନିଶଙ୍କ
ରାୟଗଡ଼(୦୭/୦୮): ରାୟଗଡ ଜିଲ୍ଲା ଗୁଣପୁର ବଂଶଧାରା ନଦୀର ଜଳ ବିପଦ ସଙ୍କେତ ସ୍ତର ଉପରେ ପ୍ରବାହିତ ହେଉଛି । ଗତ ଦିନରୁ ପ୍ରବଳରୁ ଅତି ପ୍ରବଳ ବର୍ଷା ଲାଗି ରହିଥିବାରୁ ବଂଶଧାରା ନଦୀର ଜଳ ବୃଦ୍ଧି ପାଇଥିବା ଦେଖାଯାଇଛି ।

ବଂଶଧାରା ନଦୀର ବିପଦ ସଙ୍କେତ ୮୪.୦୦ ମିଟର ରହିଥିବା ବେଳେ ଦିନ ୧୦ଘଣ୍ଟା ସୁଦ୍ଧା ନଦୀର ଜଳସ୍ତର ୮୫.୦୫ ମିଟର ଥିବା ବେଳେ ଦିନ ୧୧ ଘଣ୍ଟା ସୁଦ୍ଧା ତାହା ବୃଦ୍ଧି ପାଇ ୮୫.୬୬ ମିଟର ହେବାର ସମ୍ଭାବନା ରହିଥିବା ସୁଚନା ମିଳିଛି । ବର୍ତ୍ତମାନ ପର୍ଯ୍ୟନ୍ତ ବର୍ଷା ଲାଗି ରହିଥିବାରୁ ରାୟଗଡ଼ା–ଗୁମୁଡାକୁ ଯୋଗାଯୋଗ ବିଛିନ୍ନ ହୋଇଯାଇଥିବା ଦେଖିବାକୁ ମିଳିଛି । ନଦୀର ଜଳ ୮୭.୦୦ ମିଟର ରୁ ଉପରେ ପ୍ରବାହିତ ହେଲେ ବନ୍ୟାର ଆଶଙ୍କା ରହିଛି ବୋଲି ସୁଚନା ମିଳିଛି । ପରିସ୍ଥିତି ଉପରେ ନିୟନ୍ତ୍ରଣ ପାଈଁ ଗୁଡାରୀ ଠାରେ ଗୁଣପୁର ଉପଜିଲ୍ଲାପାଳ ଶ୍ରୀ ସିଦ୍ଧେଶ୍ବର ବଳିରାମ ଉପସ୍ଥିତ ରହି ସମୀକ୍ଷା କରୁଛନ୍ତି ଏବଂ ବନ୍ୟାର ଆଶଙ୍କା ଥିବା ଖବର ପାଇ ରାୟଗଡ ଜିଲ୍ଲାପାଳ ଶ୍ରୀ ପ୍ରମୋଦ କୁମାର ବେହେରା, ଜିଲ୍ଲା ପ୍ରକଳ୍ପ ନିର୍ଦ୍ଧେଶକ ଶ୍ରୀ ଅମ୍ରିତ୍ ଋତୁରାଜ ପରିସ୍ଥିତିର କିଭଳି ମୁକାବିଲା କରାଯିବ ତା ନେଇ ସମୀକ୍ଷା ପାଈଁ ଗୁଣପୁର–ଗୁଡାରୀ ଅଭିମୁଖେ ଆସୁଥିବା ଖବର ମିଳିଛି ।

Comments are closed.