ଲଗାତାର ବର୍ଷା ଯୋଗୁଁ ଭାଙ୍ଗିଲା ଘର କାନ୍ଥ

ରିପୋର୍ଟ: କୈଳାସ ମାଳବିଶୋୟୀ
ଚନ୍ଦ୍ରପୁର(୦୪/୦୮): ରାୟଗଡା ଜିଲ୍ଲା ଚନ୍ଦ୍ରପୁର ବ୍ଲକ ସଦର ମହକୁମାର ଢେପସାହିରେ ଲଗାତାର ବର୍ଷା ଯୋଗୁଁ ଶ୍ରୀ ଗଙ୍ଗା କ୍ରିଟାଙ୍ଗ ଭିଙ୍କର ଶୁକ୍ରବାର ଦିନ ୪ଘଣ୍ଟା ସମୟରେ କାନ୍ଥ ଭୁଶୁଡି ପଡି ଯାଇଥିବା ଅଭିଯୋଗ ହୋଇଛି ।

ଆଜକୁ ୪ଦିନ ହୋଇଗଲାଣି ତାଙ୍କ ପ୍ରତି କୌଣସି ପ୍ରକାରରେ ପ୍ରଶାସନ ତରଫରୁ ସାହାଯ୍ୟ କିଛି ମିଳିନାହିଁ । ଯାହାରି ଫଳରେ ସେ ସେହି ଭଙ୍ଗା କାନ୍ଥ ଭିତରେ ୬ପ୍ରାଣୀକୁ ଧରି ଚଳୁଛନ୍ତି । ମା ଟିଏ ଅନ୍ଧୁଣି, ପୁଅ ଗୋଟେ, ଝିଅ ଦୁଇଟି ଓ ସ୍ୱାମୀ ସ୍ତ୍ରୀ ଦୁଇଜଣ । ଏହି ଛ ପ୍ରାଣୀ କିଭଳି ଭାବରେ ଚଳୁଛନ୍ତି ତାହା ତହସିଲଦାର ଏବେ ପର୍ଯ୍ୟନ୍ତ ଦେଖିବାକୁ ଯାଇନାହାନ୍ତି ବୋଲି ଗଙ୍ଗା ପ୍ରକାଶ କରିଛନ୍ତି । ପ୍ରଶାସନ ଗରିବ ନିରୀହ ଲୋକଙ୍କ ପ୍ରତି ଏହିଭଳି ଯଦି ସାହାଯ୍ୟ କରିବ ତେବେ ସେ କାହାକୁ ଗୁହାରି କରିବ । ଚନ୍ଦ୍ରପୁର ଏକ ଅଧ୍ୟୁଷିତ ଅଂଚଳ ବୋଲି ଏହି ଭଳି ନିମ୍ନ ମାନର କାର୍ଯ୍ୟ ହୋଉଛି । ଘର ଭାଙ୍ଗିଲେ ମଧ୍ୟ କୌଣସି ପ୍ରକାରର ନିରୀହ ଲୋକଙ୍କୁ ଜରି ଖଣ୍ଡେ ଦେବାପାଇଁ ସରକାରୀ କର୍ମଚାରୀ ନ ଥାନ୍ତି |

Comments are closed.