୭ଟି ରାଷ୍ଟ୍ରାୟତ୍ତ ବ୍ୟାଙ୍କ ଉପରେ ୧୧କୋଟି ଟଙ୍କା ଜରିମାନା ପରେ ଷ୍ଟେଟ ବ୍ୟାଙ୍କ ଉପରେ ୫୦ଲକ୍ଷ ଜରିମାନା

ଭୁବନେଶ୍ୱର(୦୩/୦୮): ଗତକାଲି ୭ଟି ବ୍ୟାଙ୍କ ଉପରେ ଭାରତୀୟ ରିଜର୍ଭ ବ୍ୟାଙ୍କ (ଆରବିଆଇ) ଜରିମାନା ଲଗାଇବା ପରେ ଆଜି ଭାରତୀୟ ଷ୍ଟେଟ୍ ବ୍ୟାଙ୍କ୍ (ଏସବିଆଇ) ଉପରେ ମଧ୍ୟ ଜରିମାନା ବସାଇଛି । ବ୍ୟାଙ୍କ୍ ଠକେଇ ସମ୍ପର୍କିତ ସୂଚନା ପ୍ରଦାନ କରି ନ ଥିବାରୁ ଆରବିଆଇ ପକ୍ଷରୁ ଷ୍ଟେଟ୍ ବ୍ୟାଙ୍କ ଉପରେ ୫୦ଲକ୍ଷ ଟଙ୍କାର ଜରିମାନା ବସାଯାଇଥିବା ସୂଚନା ମିଳିଛି ।

ବ୍ୟାଙ୍କିଂ ରେଗୁଲେସନ ଆକ୍ଟ ଅନୁସାରେ ନିୟମ ଉଲ୍ଲଂଘନ କରିଥିବାରୁ ଏହି ଜରିମାନା ବସାଯାଇଥିବା ଆରବିଆଇ ପକ୍ଷରୁ ସୂଚନା ଦିଆଯାଇଛି । ଗତକାଲି ବିଭିନ୍ନ ନିୟମ ଉଲ୍ଲଂଘନ କରିଥିବାରୁ ଆରବିଆଇ ପକ୍ଷରୁ ଭାରତର ୭ଟି ରାଷ୍ଟ୍ରାୟତ୍ତ ବ୍ୟାଙ୍କ ଉପରେ ମୋଟ୍ ୧୧କୋଟି ଟଙ୍କାର ଜରିମାନା ଲଗାଯାଇଥିଲା । ଏହି ୭ଟି ବ୍ୟାଙ୍କ ହେଲେ ବ୍ୟାଙ୍କ୍ ଅଫ୍ ବରୋଦା, ବ୍ୟାଙ୍କ୍ ଅଫ୍ ଇଣ୍ଡିଆ, ଇଣ୍ଡିଆନ୍ ଓଭରସିଜ୍ ବ୍ୟାଙ୍କ୍, ୟୁନିୟନ ବ୍ୟାଙ୍କ୍ ଅଫ୍ ଇଣ୍ଡିଆ, ବ୍ୟାଙ୍କ୍ ଅଫ୍ ମହାରାଷ୍ଟ୍ର, ଆହ୍ଲାବାଦ ବ୍ୟାଙ୍କ ଏବଂ ଓରିଏଣ୍ଟାଲ ବ୍ୟାଙ୍କ୍ ଅଫ୍ କମର୍ସ ।

Comments are closed.