Related Contents

ବିଶ୍ୱ ସ୍ତନ୍ୟପାନ ସପ୍ତାହ ପାଳନ

ରିପୋର୍ଟ: ଏନ.ସନ୍ତୋଷ କୁମାର
ବୈପାରୀଗୁଡା(୦୨/୦୮): ବୈପାରୀଗୁଡା ବ୍ଲକ ମଠପୋଡା ପଞ୍ଚାୟତ ଅନ୍ତର୍ଗତ ଧଳପୁର ସପ୍ତାହିକ ହାଟରେ ସ୍ଥାନୀୟ ସ୍ପ୍ରେଡ଼ ଅନୁଷ୍ଠାନ ପକ୍ଷରୁ ବିଶ୍ୱ ସ୍ତନ୍ୟପାନ ଦିବସ ପାଳିତ ହୋଇଯାଇଛି |

ଏହି କାର୍ଯ୍ୟକ୍ରମରେ ଧଳପୁର ସେକ୍ଟର ଅଙ୍ଗନବାଡ଼ି ସୁପରଭାଇଜର ତୁଳସୀ ଦେବି ଯୋଗ ଦେଇ ବିଶ୍ୱ ସ୍ତନ୍ୟପାନ ଦିବସ ବିଷୟରେ ଉପସ୍ଥିତ ଅଙ୍ଗନବାଡି କର୍ମୀ, ବେପାରୀ ଓ ଗ୍ରାହକଙ୍କୁ ବୁଝାଇଥିଲେ | ପରେ ଧଳପୁର ସେକ୍ଟରର ସମସ୍ତ ଅଙ୍ଗନବାଡି କର୍ମୀଙ୍କୁ ନେଇ ଏକ ରାଲି କରାଯାଇଥିଲା | ଏହି ରାଲି ସପ୍ତାହିକ ହାଟ ଠାରୁ ଆରମ୍ବ କରି ଗ୍ରାମର ମୁଖ୍ୟ ରାସ୍ତା ଦେଇ ନଗର ଭ୍ରମଣ କରିଥିବା ଦେଖିବାକୁ ମିଳିଛି | ଅଙ୍ଗନବାଡିର କିଛି କର୍ମୀ ହାତରେ ଫ୍ଲାଗକାଡ଼ରେ ବିଭିନ୍ନ ସ୍ଲୋଗାନ ଧରି ଚାଲିଚାଲି ଯାଉଥିବା ବେଳେ କିଛି କର୍ମୀ “ଜନ୍ମ ପରେ ଶିଶୁକୁ ଦିଅ ମାଁ କ୍ଷୀର ମାଁ କ୍ଷୀର ରୋକି ଥାଏ ଶିଶୁ ମୃତ୍ୟୁ ହାର” ପରି ବିଭିନ୍ନ ସ୍ଲୋଗାନ ନାରା ଦେଇ ନଗର ଭ୍ରମଣ କରି ଲୋକଙ୍କୁ ସଚେତନ କରିଥିବା ଦେଖିବାକୁ ମିଳିଛି | ଉକ୍ତ ଗ୍ରାମର ଗର୍ଵବତି, ପ୍ରସୂତି ସହ ଯୁବକ ଯୁବତୀ, ହାଟ ବେପାରୀ ଓ ଗ୍ରାମବାସିଙ୍କୁ ମାଁ କ୍ଷୀରର ମୋହତ୍ବ ବିଷୟରେ ସଚେତନ କରିବା ଦ୍ୱାରା ଶିଶୁ ମୃତ୍ୟୁ ହାର କମିବ ବୋଲି ଆୟୋଜକ ପକ୍ଷରୁ ପ୍ରକାଶ କରିଥିବା ବେଳେ ଏହି କାର୍ଯ୍ୟକ୍ରମରେ ସ୍ପ୍ରେଡ ଅନୁଷ୍ଠାନର ସମସ୍ତ କର୍ମୀ ଉପସ୍ଥିତ ଥିଲେ |

Comments are closed.