ବରିଷ୍ଠ ନାଗରିକଙ୍କୁ ପରିଚୟ ପତ୍ର ବଣ୍ଟନ ଓ ସୁରକ୍ଷା ପ୍ରଦାନ ପାଇଁ ପୋଲିସର ନିଷ୍ପତି

ରିପୋର୍ଟ: ଜ଼ିଲ୍ଲା ପ୍ରତିନିଧି ଅମୁଲ୍ୟ ନିଶଙ୍କ
ରାୟଗଡା(୩୦/୦୭): ରାୟଗଡ଼ ଜ଼ିଲ୍ଲା ପୋଲିସ ଆରକ୍ଷୀ ଅଧକ୍ଷ ଡାକ୍ତର ଶର୍ବଣ ବିବେକ ଏମ ଏକ ସ୍ୱତନ୍ତ୍ର କାର୍ଯ୍ୟକ୍ରମରେ ୬୦ଜଣ ବରିଷ୍ଠ ନାଗରିକଙ୍କୁ ପରିଚୟ ପତ୍ର ପ୍ରଦାନ କରିଛନ୍ତି ଓ ତାଙ୍କରି ସୁରକ୍ଷା ପାଇଁ ବିଭିନ୍ନ ଥାନାରେ ସୁରକ୍ଷା ସେଲ ଗଠନ କରାଯାଇଥିବା ପ୍ରକାଶ କରିଥିଲେ |

ଗାୟତ୍ରୀ ନଗର ସ୍ଥିତ ବରିଷ୍ଠ ନାଗରିକଙ୍କ କାର୍ଯ୍ୟାଳୟ ଠାରେ ଆୟୋଜିତ ଏକ କାର୍ଯ୍ୟକ୍ରମରେ ଯୋଗ ଦେଇ ଆରକ୍ଷୀ ଅଧିକ୍ଷକ ପରିଚୟ ପତ୍ର ପ୍ରଦାନ ସାଙ୍ଗକୁ ବରିଷ୍ଠ ନାଗରିକ ମାନେ କୌଣସି ଅସୁବିଧାର ସମ୍ମୁଖୀନ ହେଲେ ପୋଲିସ ହେଲପ ଲାଇନକୁ ଫୋନ କଲେ ପୋଲିସ ତୁରନ୍ତ ପହଂଚି ସାହାଯ୍ୟ କରିବ ବୋଲି କହିଥିଲେ | ବରିଷ୍ଠ ନାଗରିକ କଣ କରିବେ କଣ ନ କରିବେ ସେ ସମ୍ପର୍କରେ ଏକ ଲିଫଲେଟ ବଣ୍ଟା ଯାଇଥିଲା | ରାୟଗଡା ପୌରାଞ୍ଚଳରେ ପାଞ୍ଚ ଗୋଟି କେନ୍ଦ୍ର ମାଧ୍ୟମରେ ସୁରକ୍ଷା ପ୍ରଦାନ ପାଇଁ ସୁବନ୍ଦୋବ୍ୟସ୍ଥ କରାଯାଇଛି ବୋଲି କହିଥିଲେ | ଆଜିର ଏହି କାର୍ଯ୍ୟକ୍ରମରେ ଅତିରିକ୍ତ ଏସ ପି ଭି. ଆର. ରାଓ, ଏସ ଡି ପି ଓ ତପନ ରଥ, ରାୟଗଡା ଥାନା ଆଇ ଆଇ ସି ନିହାର ରଞ୍ଜନ ପ୍ରଧାନ ଉପସ୍ଥିତ ରହିଥିଲେ | ବରିଷ୍ଠ ନାଗରିକ ସଂଘ ସଭାପତି ବିନୋଦ ଚନ୍ଦ୍ର ପଣ୍ଡା କାର୍ଯ୍ୟକ୍ରମରେ ଅଧକ୍ଷତା କରିଥିଲେ | ସମ୍ମାନିତ ଅତିଥି ରୂପେ ଉପଦେଷ୍ଟା ଏନ୍ ଏନ୍ ପାଢ଼ୀ ମଂଚାସୀନ ଥିଲେ | ଅନ୍ୟ ମାନଙ୍କ ମଧ୍ୟରେ ବରିଷ୍ଠ ନାଗରିକ ସଂଘର ଉପସଭାପତି ବି କେ ବେହେରା ସତ୍ୟବାଦୀ ପତି ଭାସ୍କର ରାଓ କୁମୁନ୍ଦ ସାମନ୍ତରାୟ ଚନ୍ଦ୍ର ଶେଖର ପାତ୍ର ଯୋଗ ଦେଇଥିଲେ |

Comments are closed.