ଗୋଚର ଜମିର ଦେଖା ନାହିଁ, ଗାଇ ବାଛୁରୀ ଖାଉଛନ୍ତି ପଲିଥିନ

ରିପୋର୍ଟ: ଜ଼ିଲ୍ଲା ପ୍ରତିନିଧି ଅମୁଲ୍ୟ ନିଶଙ୍କ
ରାୟଗଡ଼(୨୮/୦୭): ରାୟଗଡା ଜିଲ୍ଲା କୋଲନରା ବ୍ଲକ କୋଲନରା ତହସିଲ ଅଞ୍ଚଳରେ ଗୋଚର ଜମିର ଦେଖିବାକୁ ମିଳୁନି । ଯେଉଁ ସବୁ ଗୋଚର ଜମି ଅଛି ଲୋକମାନେ ଘୋର ଦ୍ଵାର କରି ବିକ୍ରି କରିବା ସହ ଗୋଚର ଜମିକୁ ଜମି ମାଫିଆ ମାନେ ନିଜ ଦଖଲରେ ରଖିଥିବା ବାହାରେ ଚର୍ଚ୍ଚା ଜୋର ଧରିଥିବା ଶୁଣିବାକୁ ମିଳୁଛି । ଗୋଚର ଜମି ଯଦି ଚିହ୍ନଟ କରି ଫଳକ ଲଗା ନ ଯାଏ ଗୋଚର ଜମିର ଛିହ୍ନ ଆଉ ରହିବ ନାହିଁ ।

ବର୍ତ୍ତମାନ ଗୋଚର ଜମି ନ ଥିବାରୁ ଗୃହ ପାଳିତ ପଶୁ ରଖି ଥିବା ଚାଷୀମାନେ ଚିନ୍ତାରେ । ଫସଲ ଅମଳ ପାଇଁ କରିଥିବା ଚାଷବାସ ଗାଈ ଗୋରୁ ଫସଲ ଖାଇ ଦେଉଛନ୍ତି । ତେଣୁ ଫସଲ ଠିକରେ କରି ପାରୁ ନାହାଁନ୍ତି । ଗାଈ ଗୋରୁ ଚରେଇବା ପାଇଁ ବହୁତ ଅସୁବିଧାର ସମ୍ମୁଖିନ ହେଉଥିବା ବେଳେ ସ୍ଥାନୀୟ ସରପଞ୍ଚ ମାନଙ୍କୁ ଗୋଚର ଚିହ୍ନଟ କରିବା ପାଇଁ ତହସିଲଦାର କୋଲନରାଙ୍କୁ ଜଣେଇବା ପାଇଁ କହିଥିଲେ । ଗାଈ ଚରେଇବାକୁ ଘାସ ଟିକିଏ ମିଳୁ ନ ଥିବା ବେଳେ ଗାଈ ଓ ଗାଈ ବାଛୁରୀ ପଲିଥିନ ଜରି ଖାଉଥିବା ନଜରକୁ ଆସିଛି । ପଲିଥିନ ଜରି ଖାଇଲେ ଗୃହ ପାଳିତ ପଶୁ ମରିବେ ବୋଲି ସବୁ ଜାଣି ଶୁଣି ନିରବ ହୋଇପଡୁଛନ୍ତି । ଗୋଚର ଜମି କ୍ଷମତାଶାଳୀ ଏବଂ ପୁଞ୍ଜି ପତିଙ୍କ ଦଖଲରେ ଥିବା ଯୋଗୁଁ ରାଜସ୍ଵ ବିଭାଗ ମଧ୍ୟ ଚୁପ ଚାପ ବସିଥିବା ଅଞ୍ଚଳର ଚାଷୀମାନେ କହିଛନ୍ତି । ଜିଲ୍ଲା ପ୍ରଶାସନ ତରଫରୁ ଏହାର ତଦନ୍ତ କରି ଗୋଚର ଜମି ଚିହ୍ନଟ କରି ଫଳକ ଲଗେଇ ଚାଷୀ ମାନଙ୍କୁ ଗୋଚର ଜମି ଦେଖେଇଲେ ପ୍ରଶାସନ ପାଖରେ ୠଣୀ ରହିବୁ କହିଛନ୍ତି ଚାଷୀ | ଯଦି ଜିଲ୍ଲା ପ୍ରଶାସନ କୌଣସି ପଦକ୍ଷେପ ନ ନିଏ ଚାଷୀ ମାନେ ରାଜ ରାସ୍ତାକୁ ଓଲ୍ଲେଇବା ପାଇଁ ଚେତାବନୀ ଦେଇଛନ୍ତି ।

Comments are closed.