ବାହୁଡିଗଲେ ବନ ସାର୍

ରିପୋର୍ଟ: ସତ୍ୟଜିତ ବାରିକ
ଯାଜପୁର(୨୫/୦୭): ଯାଜପୁର ଜିଲ୍ଲା ବରୀ ବ୍ଲକ ମୁଖ୍ୟ ବଜାର ନିକଟସ୍ଥ ସର୍ବପୁରାତନ କୃପାସିନ୍ଧୁ ବିଦ୍ୟା ଭବନର ଅବସର ପ୍ରାପ୍ତ କ୍ରୀଡା ଶିକ୍ଷକ ଶ୍ରୀଯୁକ୍ତ ବନ ବିହାରି ମହାନ୍ତିଙ୍କ ହୃଦଘାତରେ ପରଲୋକ ଘଟିଛି । କେନ୍ଦ୍ରାପଡ଼ା ଜିଲ୍ଲାରେ ଜନ୍ମ ଗ୍ରହଣ କରିଥିଲେ ଶ୍ରୀଯୁକ୍ତ ମହାନ୍ତି |

୧୯୮୭ ମସିହାରେ କ୍ରୀଡା ଶିକ୍ଷକ ଭାବରେ କୃପାସିନ୍ଧୁ ବିଦ୍ୟା ଭବନରେ ଯୋଗଦେଇ ୨୦୧୮ ମସିହାରେ ଅବସର ଗ୍ରହଣ କରିଥିଲେ ।ଅବସର ପରେ ବରୀରେ ରହୁଥିଲେ ହଠାତ୍ ତାଙ୍କର ହୃଦଘାତରେ ମୃତ୍ୟୁ ଘଟଣା ବରୀ ଅଞ୍ଚଳରେ ଶୋକାକୁଳ ପରିବେଶ ସୃଷ୍ଟି କରିଥିଲା । ଅତ୍ୟନ୍ତ ନମ୍ର ଭଦ୍ର ଓ ନିଆରା ବ୍ୟକ୍ତିତ୍ଵ ଥିଲେ ସାର୍ । ଶିକ୍ଷକତା ଜୀବନରେ ସେ ଥିଲେ ନିଆରା ବ୍ୟକ୍ତି | ବରୀ ଅଞ୍ଚଳର ପିଲାଠୁ ବୃଦ୍ଧା ପର୍ଯ୍ୟନ୍ତ ସମସ୍ତେ ସାର୍ ଙ୍କୁ ଅତି ନିକଟରୁ ଜାଣିଥିଲେ । ତାଙ୍କର ମର ଶରୀରକୁ କୃପାସିନ୍ଧୁ ବିଦ୍ୟା ଭବନ ପରିସରରେ ପ୍ରଧାନ ଶିକ୍ଷକ ଓ ଶିକ୍ଷକ ଶିକ୍ଷୟିତ୍ରୀଙ୍କ ସହ ଛାତ୍ରଛାତ୍ରୀ ମାନେ ଗଭିର ଶ୍ରଦ୍ଧାଞ୍ଜଳି ଜ୍ଞାପନ କରିଥିଲେ । ପରେ ଗ୍ରାମ ମଶାଣିରେ ଶେଷ କୃତ ସମ୍ପନ୍ନ କରାଯାଇ ଥିଲା | ବଡ଼ ପୁଅ ମୁଖାଗ୍ନି ଦେଇଥିଲେ ।

Comments are closed.