Related Contents

ମୁରିବାହାଲ ସରପଞ୍ଚ ସଂଘର ବିଭିନ୍ନ ସମସ୍ୟାକୁ ନେଇ ବିଡିଓଙ୍କୁ ଦାବିପତ୍ର

ରିପୋର୍ଟ: ଭଗବାନ ମହାନ୍ତି/ନିମାଇଁ ବଘାର
ମୁରିବାହାଲ (୨୨/୦୭): ବଲାଙ୍ଗୀର ଜିଲ୍ଲା ମୁରିବାହାଲ ବ୍ଲକ ୨୨ ଗୋଟି ପଂଚାୟତ ର ସରପଞ୍ଚ ହଳଦୀ ସରପଞ୍ଚ ଗୋପୀନାଥ ପାଣିଗ୍ରାହୀଙ୍କ ସଭାପତିତ୍ୱରେ ଗ୍ରାମ ପଂଚାୟତରେ ହେଉଥିବା ସମସ୍ୟାକୁ ନେଇ ବିଡ଼ିଓ ଙ୍କ ମନମୁଖୀ କାର୍ଯ୍ୟକଳାପ ତଥା ଏକ ଛତ୍ରବାଦ ଶାସନକୁ ନେଇ ଏକ ଦାବିପତ୍ର ପ୍ରଦାନ କରିଛନ୍ତି |

ଦାବି ଅନୁସାରେ ବିଭିନ୍ନ ହିତାଧିକାରୀଙ୍କୁ ଜମା ଖଟରେ ଟଙ୍କା ପୈଠ ହୋଇ ସାରିଛି କିନ୍ତୁ କାର୍ଯ୍ୟାଦେଶ ବଣ୍ଟନ କରାଯାଇନାହିଁ ଯାହାଦ୍ୱାରା ଭବିଷ୍ୟତରେ ହିତାଧିକାରୀମାନେ ସରକାରଙ୍କ ପ୍ରୋତ୍ସାହନ ରାଶି ପାଇବାରୁ ବଂଚିତ ହେବାର ଆଶଙ୍କା ରହିଛି | ଯେଉଁ ହିତାଧିକାରୀ ମାନଙ୍କୁ କାର୍ଯ୍ୟାଦେଶ ଓ ଘର ତିଆରି କିସ୍ତି ଟଙ୍କା ପ୍ରଦାନ କରିବା ପରେ ମଧ୍ୟ ଫାଇଲ ପୁନର୍ବାର ତଦାରଖ କରିବା ସହିତ ହିତାଧିକାରୀଙ୍କୁ ହଇରାଣ କରାଯାଉଛି | ପ୍ରଧାନମନ୍ତ୍ରୀ ଆବାସ ଯୋଜନାର ନୋଡାଲ ଅଫିସରଙ୍କ ତଦାରଖ ପରେ ମଧ୍ୟ ପଂଚାୟତର ଈଓ , ଜିଆରଏସ ଓ ଜିଓଟେଗ ମାନଙ୍କୁ ବ୍ଲକ ଅଫିସ ଡାକି ଦିନ ଦିନ ବସାଇ କିସ୍ତି ପ୍ରଦାନ କରାଯିବ ଯଦ୍ୱାରା ଗ୍ରାମ ପଂଚାୟତ ର ବିଭିନ୍ନ କାର୍ଯ୍ୟରେ ବ୍ୟାଘାତ ସୃଷ୍ଟି ହେଉଛି | ମନ ରେଗା ଯୋଜନାର ସମ୍ପୂର୍ଣ୍ଣ ହୋଇଥିବା କାର୍ଯ୍ୟର ମଧ୍ୟ ବିଲ ପୈଠ କରାଯାଉନାହିଁ ଓ ଚାଲୁଥିବା ଫାଇଲ ମାନଙ୍କୁ ବିନା ସରପଞ୍ଚ, ଈଓ , ଜିଆରଏସ ଙ୍କ ପରାମର୍ଶ ରେ ବନ୍ଦ କରି ଦିଆଯାଉଛି | ସରପଞ୍ଚ ମାନେ ବିଭିନ୍ନ ସମସ୍ୟାରେ ସମାଧାନ ପାଇଗଲେ ସେମାନଙ୍କ କଥାରେ କୌଣସି ପ୍ରକାର ଗୁରୁତ୍ୱ ଦିଆଯାଉନାହିଁ ବୋଲି ମଧ୍ୟ ଅଭିଯୋଗ ହୋଇଛି | ସାମୁହିକ ପ୍ରକଳ୍ପ କୁ ବନ୍ଦ କରି ବ୍ୟକ୍ତିଗତ ପ୍ରକଳ୍ପ ଚାଲୁ ରହିବ ଦ୍ୱାରା ଶ୍ରମଜୀବୀ ତଥା ଶ୍ରମିକ ମାନେ ବେରୋଜଗାର ହେବ ସମ୍ଭାବନା ରହିଛି |

ବଲାଙ୍ଗୀର ଜିଲ୍ଲା ମୁରିବାହାଲ ବ୍ଲକ ଆଗରୁ ମଧ୍ୟ ଦାଦନ ଯିବାର ନଜିର ରହିଛି | ବର୍ତ୍ତମାନ ପରିସ୍ଥିତିରେ ଶ୍ରମିକ ଦାଦନ ଖଟିଗଲେ ମୁରିବାହାଲ ବିଡ଼ିଓ ଦାୟୀ ରହିବେ ବୋଲି ସରପଞ୍ଚ ସଂଘ ଅଭିଯୋଗ କରିଛି | ଏହିପରି ବିଭିନ୍ନ ପ୍ରକାର ସମସ୍ୟାକୁ ନେଇ ତଥା ବ୍ଲକ ଉନୟନ ଅଧିକାରଙ୍କ ମନମୁଖୀ କାର୍ଯ୍ୟକଳାପକୁ ନେଇ ବିଡ଼ିଓ ସୀପକ ପାତ୍ରଙ୍କୁ ଏହି ଦାବିପତ୍ର ପ୍ରଦାନ କରିଥିଲେ ଏବଂ ତତ୍ସଂଗେ ଉଚିତ ବ୍ୟବହାର ନ ମିଳିଲେ ସମସ୍ତ ଉନ୍ନତି ମୂଳକ କାର୍ଯ୍ୟ ସମ୍ପାଦନ ନ ହେଲେ ସରପଞ୍ଚ ସଂଘ ବିଡ଼ିଓଙ୍କ ବିପକ୍ଷରେ ବ୍ଲକ କାର୍ଯ୍ୟାଳୟ ସମ୍ମୁଖରେ ଆମରଣ ଅନଶନ ଦେବାପାଇଁ ବାଧ୍ୟ ହେବେ ବୋଲି ସଭାପତି ଗୋପୀନାଥ ପାଣିଗ୍ରାହୀ କହିଥିଲେ | ଏ ବିଷୟରେ ବିଡିଓଙ୍କୁ ପଚାରିବାରୁ ୨୪ତାରିଖ ବୁଧବାର ଦିନ ଏହି ଅଭିଯୋଗ ବିଷୟରେ ବୈଠକ କରିବେ ବୋଲି କହିଥିଲେ |

Comments are closed.