ପାଞ୍ଚଲକ୍ଷ ଟଙ୍କା ପୋଖରୀରେ ବର୍ଷା ଦିନେବି ପାଣି ନାହିଁ

ରିପୋର୍ଟ: ଏନ.ସନ୍ତୋଷ କୁମାର
ବୈପାରୀଗୁଡା(୨୧/୦୭): ଗ୍ରାମାଞ୍ଚଳରେ ଚାଷୀଙ୍କ ବିକାଶ ସହ ଗରିବ ଲୋକଙ୍କୁ କର୍ମ ନିଯୁକ୍ତି ଯୋଗାଇବା ଦିଗକୁ ଦୃଷ୍ଟିରେ ରଖି କେନ୍ଦ୍ର ସରକାରଙ୍କ ଚତୁର୍ଦ୍ଧଶ କେନ୍ଦ୍ର ଅର୍ଥ କମିଶନ ଅନୁଦାନରେ ବିଭିନ୍ନ ପ୍ରକଳ୍ପ ନିର୍ମାଣ ହେଉଛି ହେଲେ ଏହା ବାସ୍ତବରେ ଲୋକଙ୍କୁ କାମରେ ଲାଗୁନଥିବା ଜଣାପଡିଛି | ଏହି ପରି ଏକ ନଗ୍ନଦୃଶ୍ୟ ଦେଖିବାକୁ ମିଳିଛି ବୈପାରୀଗୁଡା ବ୍ଲକ ମହୁଲି ପଂଚାୟତ ଅନ୍ତର୍ଗତ ବେବର୍ତ୍ତା ଗୁଡାରେ |

ଏହି ଗ୍ରାମରେ ଗତ ଆର୍ଥିକ ବର୍ଷ ୨୦୧୭-୧୮ଚତୁର୍ଦ୍ଧଶ କେନ୍ଦ୍ର ଅର୍ଥ କମିଶନର ପାଞ୍ଚ ଲକ୍ଷ ଅନୁଦାନରେ ନିର୍ମାଣ ହୋଇଥିଲା ଗୋଟିଏ ପୋଖରୀ | ନିର୍ମାଣ କାର୍ଯ୍ୟ ଶେଷ ହୋଇଥିବା ବେଳେ ପୋଖରୀରେ ଆଜି ପର୍ଯ୍ୟନ୍ତ ପାଣି ନ ଥିବା ଯୋଗୁଁ ଗ୍ରାମବାସୀ ବ୍ୟବହାର କରିପାରୁନାହାନ୍ତି | ବୈପାରୀଗୁଡା ବ୍ଲକ ସଦର ମହକୁମା ଠାରୁ ମାତ୍ର ୯ କିଲୋମିଟର ଦୂରରେ ଥିବା ବେବର୍ତ୍ତା ଗୁଡାର ଏହି ପୋଖରୀ ସିଏଫସି ଯୋଜନାରେ ନିର୍ମିତ ହୋଇଥିଲା | ପାଞ୍ଚ ଲକ୍ଷ ଟଙ୍କା ବ୍ୟୟରେ ଏହି ପୋଖରୀ ଗରିବ ଚାଷୀଙ୍କ କାମରେ ଲାଗୁନଥିବା ଗ୍ରାମବାସି ପ୍ରକାଶ କରିଛନ୍ତି | ସରକାରଙ୍କ ଯୋଜନାରେ ଚାଷୀ କିମ୍ବା ଗରିବ ଲୋକେ ଉପକୃତ ହେବା ବଦଳରେ ଭିଭାଗୀୟ ଅଧିକାରୀ ଓ ଠିକାଦାର ମାଲାମାଲ ହେଉଛନ୍ତି | ଏଣୁ ଉଚ୍ଚ ସ୍ତରୀୟ ତଦନ୍ତ କରି ଲୋକଙ୍କ ସମସ୍ୟା ସମାଧାନ ପାଇଁ ଗ୍ରାମବାସି ଦାବି କରିଛନ୍ତି |

Comments are closed.