Related Contents

ଗୋଟିଏ କିଡ଼ନୀ ଥିବା ଅସ୍ଥିମଜ୍ଜା ରୋଗରେ ପୀଡିତ ଶିଶୁକୁ ସହାୟତା ପାଇଁ ଅନୁରୋଧ

ରିପୋର୍ଟ: ମାଧବ ସାହୁ
ହରଭଂଗା (୧୯\୦୭): ଗରିବ ଉପରେ ସବୁବେଳେ ଦାଉ ସାଧେ ଭଗବାନ ବୋଲି କୁହାଯାଏ ହେଲେ ଏପରି ଏକ ଗରିବ ପରିବାର ଅଛନ୍ତି ତାଂକ ଗରିବ ଉପରେ ଏକ ନଳିତା ବିଡା ପରି ନିଜ ପୁଅର ଚିକିତ୍ସା ପାଇଁ ବାର ଦୁଆର ହେଉଛନ୍ତି ବାପା ମା | ସେ ହେଉଛନ୍ତି ବଲାଙ୍ଗୀର ଜିଲ୍ଲା ଆଗଲପୁର ବ୍ଲକ ହରଭଂଗା ଗ୍ରାମର ବେଣୁଧର ବିଶ୍ୱାଳ |

ତାଂକ ପୁଅ ମାନସ ବିଶ୍ୱାଳ ଜଣେ ବୋନମେରୋ ବା ଅସ୍ଥିମଜ୍ଜା ରୋଗରେ ପୀଡିତ | ତାଂକ ରକ୍ତ ତିଆରି ଠିକ ଭାବେ ହେଉ ପାରୁ ନ ଥିବାରୁ ତାଂକ ଶାରୀରିକ ଓ ମାନସିକ ବିକାଶ ଠିକ ଭାବେ ହେଉନାହିଁ | ତାର ବୟସ ମାତ୍ର ୭ ବର୍ଷ ଓଜନ ୧୦ କିଲୋଗ୍ରାମ | ହେଲେ ଜନ୍ମ ସମୟରେ ସାଧାରଣ ଶିଶୁ ପରି ଜନ୍ମ ହୋଇଥିଲା ମାନସ | ଜନ୍ମ ସମୟରେ ୨.୯ କିଲୋଗ୍ରାମ ଥିବା ବେଳେ ଏବେ ତାର ଓଜନ ହ୍ରାସ ହେଉଥିବା ପରିଲକ୍ଷିତ ହେଉଛି |

ମାନସ ର ଗୋଟିଏ କିଡ୍ନୀ ଅଛି ବୋଲି ଜଣାପଡିଛି | ମାନସ କୁ ତାର ବାପା ମା ବଲାଙ୍ଗୀର, ବୁର୍ଲା, ଏମ୍ସ ଭୁବନେଶ୍ୱର ଚିକିତ୍ସା ପାଇଁ ଦେଖେଇ ସାରି ଅନେକ ଖର୍ଚ୍ଚାନ୍ତ ମଧ୍ୟ ହୋଇସାରିଲେଣି | ତା ସହିତ ସେ ଜଣେ ନାମ ମାତ୍ର ଚାଷୀ | ଗତ ୧୬ତାରିଖ ଦିନ ବଲାଙ୍ଗୀର ଜିଲ୍ଲାପାଳଙ୍କୁ ଦେଖା କରିଥିଲେ ହେଲେ ଆସନ୍ତା ୨୩ ତାରିଖ ରେ ଦେଖା ଯୋଗାଯୋଗ କରିବାକୁ ଆଶ୍ୱାସନା ଦେଇଛନ୍ତି ଜିଲ୍ଲାପାଳ ମହୋଦୟ | ମାନସର ଚିକିତ୍ସା ପାଇଁ ପ୍ରାୟ ୧୨ ରୁ ୧୫ ଲକ୍ଷ ଟଙ୍କା ଖର୍ଚ୍ଚ ହେବ ବୋଲି ଡାକ୍ତର ମାନେ କହିଛନ୍ତି |

ଏବେ ଯଦି ସରକାରୀ ସହାୟତା ଠିକ ସମୟରେ ଶିଶୁଟିକୁ ଦିଆଯାଏ ତାହା ହେଲେ ଗୋଟିଏ ଜୀବନ ଲିଭିଯିବା ଆଗରୁ ବଞ୍ଚା ଯାଇପାରିବ | ଆମ ଚ୍ୟାନେଲ ମାଧ୍ୟମରେ ଆମେ ଜଣେଇଦେଉଛୁଁ କି କେହି ସହୃଦୟ ବ୍ୟକ୍ତି ସହାୟତା ପାଇଁ ହାତ ବଢାଇବାକୁ ଚାହିଁଲେ ମାନସର ବାପା ମା ଙ୍କୁ ଯୋଗାଯୋଗ କରିବାକୁ ଅନୁରୋଧ |

Comments are closed.