ରିପୋର୍ଟ : ବିରଞ୍ଚି ପ୍ରସାଦ ଶତପଥୀ
ରାୟଗଡ଼ା, (୨୮/୦୭) : ଚଳିତ ମାସ ଜୁଲାଇ ୨୮ ତାରିଖରେ ରାୟଗଡ଼ା ଜିଲ୍ଲା ର ଗୁଣପୁର ବ୍ଲକ଼ ଅନ୍ତର୍ଗତ ଜଲତାର ପଞ୍ଚାୟତ ଲୁଗୁଂରୁ ତାଲ ଗାଁ ଠାରେ ସି ପି ଆଇ (ଏମ.ଏଲ.) ଲିବରେସନ ର ସାଧାରଣ ସମ୍ପାଦକ କମ୍ରେଡ଼ ଚାରୁ ମଜୁମଦାରଙ୍କ ୫୦ ତମ ଶହୀଦ ଦିବସ ପାଳନ କରାଯାଇଥିଲା ।
ଗରିବ, ଖଟିଖିଆ, ମଜୁରିଆ, ମେହନତି ମଣିଷ ମାନଙ୍କ ପାଇଁ କମ୍ରେଡ଼ ଚାରୁ ମଜୁମଦାର ବର୍ଷ ବର୍ଷ ଧରି କୃଷକ ଆନ୍ଦୋଳନ ଓ ତେଭାଗା -ଆନ୍ଦୋଳନ ର ସଙ୍ଗଠକ ଭାବରେ କାର୍ଯ୍ୟ କରୁଥିଲେ । କମ୍ରେଡ ଚାରୁ ମଜୁମଦାର ସହିଦ ହେବାର ୫୦ ବର୍ଷ ପରେ ଦେଶର ଲୋକ ମାନଙ୍କ ଜୀବନ ଜୀବିକା ଏକ ପ୍ରକାର ସଙ୍କଟରେ ରହିଛି । ଗଣତନ୍ତ୍ର କୁ ଫାସିଷ୍ଟ ହିନ୍ଦୁ ରାଷ୍ଟ୍ର ର ଗୁମ୍ପାରେ ବନ୍ଦ କରି ଧର୍ମ ନିରପେକ୍ଷତା ଗଣତନ୍ତ୍ର ଓ ସମ୍ବିଧାନ ଏକ ବିପଦରେ ରହିଥିବା ସ୍ଥଳେ ସି ପି ଆଇ (ଏମଏଲ) ଲିବରେସନ ଏକ ଗୁରୁତ୍ୱପୂର୍ଣ୍ଣ ଦାୟିତ୍ୱ ଭାବେ କାମ କରିବା ପାଇଁ ସପଥ ନେଇଛି ।
ଏ ପରିପ୍ରେକ୍ଷୀରେ ସି ପି ଆଇ (ଏମଏଲ) ଲିବରେସନ ର ୨୦୨୩ ଫେବୃଆରୀ ମାସ ରେ ସର୍ବଭାରତୀୟ ସମ୍ମିଳନୀ ସଫଳ କରିବା ପାଇଁ ଆହ୍ୱାନ ଦିଆଯାଇଥିଲା । ଆଜିର ଏହି କାର୍ଯ୍ୟକ୍ରମକୁ ତ୍ରିପତି ଗମାଙ୍ଗ ପରିଚାଳନା କରିଥିବା ବେଳେ ଅନାସିମ ଶବର, ରାଇନା ଶବର, କୈଳାସ ଶବର, ମୋଜେଶ ଶବର ପ୍ରମୁଖ ସହଯୋଗ କରିଥିଲେ ।