ରିପୋର୍ଟ : ସୁଶାନ୍ତ ବେହେରା
ହରଭଙ୍ଗା, (୨୬/୦୭) : ସ୍ୱାସ୍ଥ୍ୟ ସେବା ର ଉନ୍ନତି ଆଣିବା ପାଇଁ ଆଜି ଧଳପୁର PHC ଠାରେ ଜିଲ୍ଲା ସ୍ୱାସ୍ଥ୍ୟ ବିଭାଗ ପକ୍ଷରୁ ଏକ ରୋଗୀ ଚିହ୍ନଟ ଏବଂ ଚିକିତ୍ସା କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।
ଉକ୍ତ କାର୍ଯ୍ୟକ୍ରମରେ ୩୦ ଜଣ ମାନସିକ ରୋଗୀଙ୍କୁ ମାନସିକ ରୋଗ ବିଶେଷଜ୍ଞ ଡ. ସ୍ଵାତି ମିଶ୍ର ମାନସିକ ଅସୁସ୍ଥ ବ୍ୟକ୍ତି ଙ୍କୁ ଚିକିତ୍ସିତ କରିଥିଲେ । ଉକ୍ତ କାର୍ଯ୍ୟକ୍ରମ କୁ ସଫଳତା ର ସହ ଆୟୋଜନ କରିବା ପାଇଁ YCDA ସ୍ଵେଚ୍ଛାସେବୀ ଅନୁଷ୍ଠାନ ବୌଦ୍ଧ ପକ୍ଷ ରୁ ମାନସିକ ସ୍ୱାସ୍ଥ୍ୟ କାର୍ଯ୍ୟକ୍ରମ ର କାର୍ଯ୍ୟରତ ୯ ଜଣ ସ୍ଵେଚ୍ଛାସେବୀ ଙ୍କ ସମେତ କାର୍ଯ୍ୟକ୍ରମ ସଂଯୋଜକ ରଞ୍ଜିତ ସିଂହ ଯୋଗ ଦେଇ ମାନସିକ ଅସୁସ୍ଥ ବ୍ୟକ୍ତିଙ୍କ ଉପଯୁକ୍ତ ସେବା ପ୍ରଦାନ ପାଇଁ ରୋଗୀ ମାନଙ୍କୁ ସହଯୋଗ କରିଥିଲେ । ଧଳପୁର PHC ରେ ଔଷଧ ପର୍ଯ୍ୟାପ୍ତ ପରିମାଣରେ ନ ରହୁଥିବାରୁ ରୋଗୀ ମାନେ ଅନେକ ସମୟରେ ଉପଯୁକ୍ତ ଚିକିତ୍ସା ରୁ ବଞ୍ଚିତ ହେଉଛନ୍ତି । ଏହାକୁ ଆଖିଆଗରେ ରଖି PHC ରେ ନିୟମିତ ସେବା ଜାରି ରଖିବା ଏବଂ ମାନସିକ ରୋଗୀ ର ସମସ୍ତ ଔଷଧ ଗଚ୍ଛିତ ରଖିବା ନିମନ୍ତେ ରୋଗୀ ପରିବାର ଏବଂ ସ୍ଵେଚ୍ଛାସେବୀ ମାନେ ମତ ରଖିଥିଲେ ।