ରିପୋର୍ଟ : ସୁଶାନ୍ତ ବେହେରା
ବୌଦ୍ଧ, (୨୪/୦୭) : ବୌଦ୍ଧ କ୍ଷୁଦ୍ର ଜଳସେଚନ ବିଭାଗ ଅଧୀନରେ ଥିବା ଶଗଡ଼ିଆ କ୍ଷୁଦ୍ର ଜଳସେଚନ ଡେମ୍ ରୁ ଆଜି ପୂଜା ଅର୍ଚ୍ଚନା କରାଯାଇ ଚଳିତ ଖରିଫ ଚାଷ ପାଇଁ ଆଜି ଡେମ୍ ରୁ ୨ଟି ଗେଟ୍ ଖୋଲାଯାଇ କେନାଲ ମାଧ୍ୟମରେ ପାଣି ଛଡ଼ାଯାଇଛି ।
ଏହି ପ୍ରକଳ୍ପ ଦ୍ୱାରା ୫ ଶହ ଏକର ଚାଷ ଜମିକୁ ପାଣି ଯୋଗାଇ ଦିଆଯିବା ଫଳରେ ହରଭଙ୍ଗା, ବୁକେସିଙ୍ଗା, ଡିଆଁଘାଟ, କୁଡାସିଙ୍ଗା ଓ ସୁରୁଣ୍ଡି ଗ୍ରାମ ର ଚାଷୀ ମାନେ ଉପକୃତ ହେବେ । ବ୍ରହ୍ମପୁର କ୍ଷୁଦ୍ର ଜଳସେଚନ ବିଭାଗ ର ଅଧିକ୍ଷଣ ଯନ୍ତ୍ରୀ ଇଂ ଗୁରୁପ୍ରସାଦ ପୃଷ୍ଟି ଙ୍କ ପରାମର୍ଶ କ୍ରମେ ବୌଦ୍ଧ ଜଳସେଚନ ବିଭାଗ ର ନିର୍ବାହୀ ଯନ୍ତ୍ରୀ ଇଂ ସରୋଜ କୁମାର ସାଥୁଆ, ସହକାରୀ ଯନ୍ତ୍ରୀ ଇଂ ବିଭୁତି ପ୍ରସାଦ ମାଝୀ, ଇଂ ଭଗବାନ ବେହେରା ପ୍ରମୁଖ ଉପସ୍ଥିତ ରହି ଡେମ୍ ରୁ ଜଳ ନିଷ୍କାସନ କରିଥିଲେ । ଉପର ମୁଣ୍ଡରେ ବର୍ଷା ଯୋଗୁଁ ଏବେ ଶଗଡ଼ିଆ ଜଳସେଚନ ଡେମରେ ଜଳସ୍ତର ବୃଦ୍ଧି ପାଉଛି । ପାଣି ଛଡ଼ାଯିବ ଫଳରେ ଏବେ ଚାଷକାର୍ଯ୍ୟ ଆଗେଇ ଚାଲିଛି ।