ବିଧାୟକଙ୍କ ଦ୍ୱାରା ପ୍ରଧାନମନ୍ତ୍ରୀ ଆବାସ ଯୋଜନାର କାର୍ଯ୍ୟାଦେଶ ବଣ୍ଟନ

ରିପୋର୍ଟ: ବିମଳେନ୍ଦୁ ସାହୁ
ଲୋଇସିଂହା(୧୧/୦୭): ବୈଜ୍ଞାନିକରୁ ରାଜନେତା ବନିଥିବା ଲୋଇସିଂହା ବିଧାୟକ ଡା.ମୁକେଶ ମହାଳିଙ୍ଗ ଆଜି ଲୋଇସିଂହା ବ୍ଲକର ବିଭିନ୍ନ ପଂଚାୟତର ହିତାଧିକାରୀଙ୍କୁ ପ୍ରଧାନମନ୍ତ୍ରୀ ଆବାସ ଯୋଜନାର କାର୍ଯ୍ୟାଦେଶ ବଣ୍ଟନ କରିଛନ୍ତି ।

ସ୍ଥାନୀୟ ବ୍ଲକ ପରିସରସ୍ଥିତ ସମ୍ମିଳନୀ କକ୍ଷରେ ବିଡ଼ିଓ ରାମଚନ୍ଦ୍ର ଖାଡ଼ିଆଙ୍କ ସଭାପତିତ୍ୱରେ ଆୟୋଜିତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ବିଧାୟକ ଡା.ମହାଳିଙ୍ଗ ଯୋଗଦେଇ ନିର୍ଦ୍ଧାରିତ ସମୟ ଅବଧି ମଧ୍ୟରେ ପକ୍କାଘର ତିଆରି କରି ଆବାସ ଯୋଜନାରେ ମିଳୁଥିବା ଅତିରିକ୍ତ ବୋନସର ଫାଇଦା ନେବା ସକାଶେ ହିତାଧିକାରୀଙ୍କୁ ପରାମର୍ଶ ଦେଇଥିଲେ । ଏହି ଅବସରରେ ବ୍ଲକର ୧୧୦ ହିତାଧିକାରୀଙ୍କୁ ଏହି ଯୋଜନାରେ କାର୍ଯ୍ୟାଦେଶ ପ୍ରଦାନ କରାଯାଇଥିଲା । ଅନ୍ୟମାନଙ୍କ ମଧ୍ୟରେ ବ୍ଲକ ଉପାଧ୍ୟକ୍ଷ ଯତୀନ୍ଦ୍ର ପଟେଲ, ବାଦୀମୁଣ୍ଡା ପଂଚାୟତ ନିର୍ବାହୀ ଅଧିକାରୀ ସୁଧୀର ପାଢ଼ୀ ପ୍ରମୁଖ ଯୋଗଦେଇଥିବାବେଳେ ବ୍ଲକ ଅଧ୍ୟକ୍ଷ୍ୟାଙ୍କ ଅନୁପସ୍ଥିତି ସାଧାରଣରେ ଚର୍ଚ୍ଚାର ବିଷୟ ହୋଇଛି । ଅନ୍ୟମାନଙ୍କ ମଧ୍ୟରେ ବିଜେପିର ଲୋଇସିଂହା ମଣ୍ଡଳ ସଭାପତି ଜ୍ୟୋତିର୍ମୟ ରାଉତ, ମିଡ଼ିଆ ପ୍ରଭାରୀ ଭୁତନାଥ ନାୟକ, ବାହାଦୂର ନନ୍ଦ, ରାଜୁ ସାହୁ, ଗୌରାଙ୍ଗ ନାୟକଙ୍କ ସମେତ ବହୁ ବିଜେପି କର୍ମୀ ଉପସ୍ଥିତ ଥିଲେ ।

Comments are closed.