ରିପୋର୍ଟ : ଧ୍ରୁବରଜ ମିଶ୍ର
ସୁବର୍ଣ୍ଣପୁର, (୧୮/୭) : ଭାରତ ସ୍ୱାଧିନତା ର ୭୫ ବର୍ଷ ପାଳନ ପରିପ୍ରେକ୍ଷୀରେ ଭାରତ ସରକାର ଓ ରାଜ୍ୟ ସରକାର ଙ୍କ ମିଳିତ ସହଯୋଗରେ ଜିଲ୍ଲାସ୍ତରୀୟ ଉଜ୍ଜଳ ଭାରତ ତଥା ଭଜ୍ଜଳ ଭବିଷ୍ୟତ ପାୱାର @ ୨୦୪୭ ଉତ୍ସବ ପାଳନ ନିମନ୍ତେ ପ୍ରଶାସନିକ ସ୍ତରରେ ଏକ ପ୍ରସ୍ତୁତି ବୈଠକ ମୂଖ୍ୟ ଉନ୍ନୟନ ଅଧିକାରୀ ତଥା କାର୍ଯ୍ୟ ନିର୍ବାହୀ ଅଧିକାରୀ ଜିଲ୍ଲା ପରିଷଦ ନିହାର ରଞନ କଁହର ଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି ।
ମୁଖ୍ୟ ଉନ୍ନୟନ ଅଧିକାରୀ ତଥା କାର୍ଯ୍ୟ ନିର୍ବାହୀ ଅଧିକାରୀ ଜିଲ୍ଲା ପରିଷଦ ଙ୍କ କାର୍ଯ୍ୟାଳୟ କକ୍ଷରେ ଅନୁଷ୍ଠିତ ଉଜ୍ଜଳ ଭାରତ ତଥା ଉଜ୍ଜଳ ଭବିଷ୍ୟତ ପାୱାର @ ୨୦୪୭ ର ପ୍ରସ୍ତୁତି ବୈଠକରେ ଡେପୁଟି କଲେକ୍ଟର ପ୍ରୟାଶୀ ପ୍ରଧାନ ସମସ୍ତ ଙ୍କୁ ସ୍ୱାଗତ କରିବା ସହ ବୈଠକ ର ଆଭିମୂଖ୍ୟ ଉପରେ ଆଲୋକପାତ କରିଥିଲେ । ପରେ ପରେ ଏନ.ଟି.ପି.ସି. ଅତିରିକ୍ତ ନିର୍ଦ୍ଦେଶକ ଏସ.ଜେ. ପ୍ରଧାନ ଜିଲ୍ଲାସ୍ତରୀୟ ଏହି ଉତ୍ସବ ପାଳନ ନିମନ୍ତେ ହେବାକୁ ଥିବା ବିଭିନ୍ନ କ୍ରମ ର କାର୍ଯ୍ୟ ଖସଡା ବୈଠକରେ ଉପସ୍ଥାପନ କରିଥିଲେ ।
ବୈଠକ ର ନିଷ୍ପତ୍ତି ଅନୁଯାୟୀ ଏହି ଉତ୍ସବ ଜିଲ୍ଲା ର ସୋନପୁର ସହର ଏବଂ ବୀରମାହାରାଜପୁର ଠାରେ ଯଥାକ୍ରମେ ୨୦୨୨ ଜୁଲାଇ ୨୬ ଓ ୨୮ ତାରିଖରେ ରେ ଅନୁଷ୍ଠିତ କରାଯିବାକୁ ସ୍ଥିର କରାଯାଇଛି । କାର୍ଯ୍ୟକ୍ରମକୁ ସରସ ସୁନ୍ଦର ତଥା ସୁବ୍ୟବସ୍ଥତି ଭାବେ ଅନୁଷ୍ଠିତ କରିବା ନିମନ୍ତେ ବୈଠକ ର ଅଧ୍ୟକ୍ଷ ଶ୍ରୀ କଁହର ସମ୍ପୃକ୍ତ ଅଧିକାରୀ ଙ୍କୁ ଦାୟିତ୍ୱ ପ୍ରଦାନ କରିବା ସହ ସମୟ ଅବଧି ପୁର୍ବରୁ ସମସ୍ତ ଆନୁସାଙ୍ଗିକ ବ୍ୟବସ୍ଥାକୁ ସୁନିଶ୍ଚିତ କରିବା ଉପରେ ପରାମର୍ଶ ଦେଇଛନ୍ତି ।
ଏହି ଉତ୍ସବରେ କେନ୍ଦ୍ର ସରକାର ଙ୍କ ଶକ୍ତି ମନ୍ତ୍ରଣାଳୟ ଦ୍ୱାରା କାର୍ଯ୍ୟକାରୀ ବିଭିନ୍ନ ଜନକଲ୍ୟାଣ କାର୍ଯ୍ୟକ୍ରମ ସହିତ ରାଜ୍ୟ ସରକାରଙ୍କ ଶକ୍ତି ବିଭାଗର ବିଭିନ୍ନ ଜନ କଲ୍ୟାଣ କାର୍ଯ୍ୟକ୍ରମକୁ ଦୃଶ୍ୟଶ୍ରାବ୍ୟ ମାଧ୍ୟମରେ ପ୍ରଦର୍ଶନ କରାଯିବ ।
ଅଦ୍ୟ ପ୍ରସ୍ତୁତି ବୈଠକ ରେ ଡିଜିଏମ୍ ଓପିଟିସିଏଲ, ନିରଞ୍ଜନ ପଣ୍ଡା, କାର୍ଯ୍ୟନିର୍ବାହୀ ଯନ୍ତ୍ରୀ ଟି ପି ଓ ଡବ୍ଲୁ ଡି ଏଲ, ସତ୍ୟ ରଞ୍ଜନ ସାହୁ, ଏସ ଡି ଓ ଓ ପି ଟି ସି ଏଲ ସୁଜିତ କୁମାର ବେହେରା, ଇଓ ମ୍ୟୁନିସିପାଲିଟି ସୂର୍ଯ୍ୟଂଶୁ ରୁଟ, ବିଡିଓ ବୀରମହାରାଜପୁର ମୋତିଲାଲ ସୁଲିଆ, ଇଲେକ୍ଟ୍ରିକଲ ପରାମର୍ଶଦାତା ଧନଞ୍ଜୟ ଦୋରା, ସଂସ୍କୃତି ଅଧିକାରୀ ଯମୁନା ପ୍ରଧାନ, ସୂଚନା ଓ ଲୋକ ସମ୍ପର୍କ ଅଧିକାରୀ ଅଶ୍ୱିନୀ କୁମାର ଭୋଇ ପ୍ରମୁଖ ଉପସ୍ଥିତ ରହି ଆଲୋଚନାରେ ଅଂଶ ଗ୍ରହଣ କରିଥିଲେ l