Related Contents

୨.୫ ଲକ୍ଷ ଟଙ୍କାର ଗଂଜେଇ ଜବତ, ଦୁଇ ଗିରଫ

ରିପୋର୍ଟ: ନୟମି ଖରା
ପଡିଆ, ମାଲକାନଗିରି(୦୮/୦୭): କାଲିମେଳା ପୋଲିସ ଏକ ବଡ଼ଧରଣର ଗଂଜେଇ ଚାଲାଣ କାରୀଙ୍କୁ ଧରିଛି ଓ ଦୁଇ ବ୍ୟକ୍ତିଙ୍କୁ ଗିରଫ କରିଛି ହେଲେ ମାଷ୍ଟେର ମାଇଣ୍ଡ ଘଟଣା ସ୍ଥଳରୁ ଫେରାର ହୋଇଯାଇଛି |

ଘଟଣାରୁ ପ୍ରକାଶ ଯେ କାଲିମେଳା ଥାନା ସବ ଇନ୍ସପେକ୍ଟର ସୋମନାଥ ଦଳବେହେରା ଏ ଏସ ଆଇ ଗୋବିନ୍ଦ ପାତ୍ର ଓ ମନୋହର ସାହୁ ଦିନ ବେଳେ ପେଟ୍ରୋଲିଙ୍ଗ କରୁଥିବା ସମୟରେ ମାଲକାନଗିରି ପଟୁ ଏକ ମେକ୍ସି ପିକ ଅପ ଗାଡି ବହୁ ଦ୍ରୁତ ଗତିରେ କାଲିମେଳା ଆସୁଥିବା ସମୟରେ ପୋଲିସ ଅଟକାଇ ଯାଞ୍ଚ କରୁଥିଲେ | ଗାଡ଼ିରେ ବସିଥିବା ବ୍ୟକ୍ତି ହଠାତ ଦୌଡ଼ି ଚାଲି ଯାଉଥିଲେ | ଗାଡି ଯାଞ୍ଚ ସମୟରେ କିଛି ପୋଲିସ ପାଇଁ ନ ଥିଲେ | ଉକ୍ତ ବ୍ୟକ୍ତିଙ୍କୁ କାବୁକରି ପୁଣି ଗାଡି ଯାଞ୍ଚ କରିଥଲେ ଓ ଏଥିରେ ଗଂଜେଇ ଥିବା ଜଣା ପଡିଥିଲା | ଗାଡିର ଉପର ଛାତ ଓ ପଛ ସିଟ ଭିତରେ ଏକ ସ୍ୱତନ୍ତ୍ର କେବିନ ବନାଇ ସେଥିରେ ଗଂଜେଇ ରଖି ନେଉଥିଲେ | ସେଥିରୁ ୧୭୩କିଲୋ ଗଂଜେଇ ସହ ଦୁଇ ବ୍ୟକ୍ତିଙ୍କୁ ପୋଲିସ ଗିରଫ କରିଛି | ଗିରଫ ବ୍ୟକ୍ତି ହେଲେ ଡ୍ରାଇଭର ଗୁମା ବ୍ଲକ ସୋମନାଥପୁର ଗ୍ରାମର ବିଶ୍ୱଜିତ ପଡେ ଓ ଅନ୍ୟ ଜଣେ ହେଲେ ପଡିଆ ବ୍ଲକ କଲାଦାପେଲି ପଂଚାୟତର ଏମପିଭି ୫୯ଗ୍ରାମର ରଂଜିତ ବିଶ୍ୱାସ | ଏମାନେ ବାଲିମେଳା ଏମ୍ପିଭି ୧୨୧ଗ୍ରାମର ବୁଷ୍ଣୁ ନାମକ ବ୍ୟକ୍ତିଙ୍କ ଠାରୁ ଗଂଜେଇ ଆଣି ଛତିଶଗଡ଼ କୁ ଚାଲାଣ ଜାରିଥିବା କଥା ମାନିଛନ୍ତି | ଜବତ ଗଂଜେଇର ଆନୁମାନିକ ମୂଲ୍ୟ ୨.୫ଲକ୍ଷ ଓ କାଲିମେଳା ଥାନା କେସ ନ ୧୦୮ ଅନୁଯାଇ ଏନ୍ଡ଼ିପିଏସ ମାମଲା ରଜୁ କରି ଆସାମୀଙ୍କୁ କୋର୍ଟ ଚାଲାଣ କରଯାଇଥିବା ଥାନା ଅଧିକରୀ ଚନ୍ଦ୍ର ଶେଖର ଶବର କହିଛନ୍ତି |

Comments are closed.