Related Contents

ସାବେରି ନଦୀରେ ମାଛ ଧରିବାକୁ ଯାଇ ଯୁବକ ଭାସିଗସଲେ

ରିପୋର୍ଟ: ନୟମି ଖରା
ପଡିଆ, ମାଲକାନଗିରି(୦୮/୦୭): ମାଲକାନଗିରି ଜ଼ିଲ୍ଲା ଅନ୍ତର୍ଗତ ଓଡିଶା ଛତିଶଗଡ ସୀମାନ୍ତ ରର ଅବସ୍ଥିତ ସାବେରି ନଦୀରେ ମାଛ ଧରିବାକୁ ଯାଇଥିବା ଜଣେ ଯୁବକ ନଦୀରେ ଭାସିଯାଇ ନିଖୋଜ ଅଛନ୍ତି | ଖବର ପାଇ ପଡିସ ଅଗ୍ନିଶମ ବିଭାଗ ପୋଲିସ କର୍ମଚାରୀ ଓ ସ୍ଥାନୀୟ ଲୋକମାନେ ଦୀର୍ଘ ସମୟ ଫଂହାରୀ ନଦୀରେ ଖୋଜାଖୋଜି କରିଥିଲେ ମଧ୍ୟ୍ୟ ଯୁବକଙ୍କ ସନ୍ଧାନ ମିଳିନାହିଁ |

ଘଟଣାରୁ ପ୍ରକାଶ ଯେ ପଡିଆ ବ୍ଲକ ଅନ୍ତର୍ଗତ ସିଙ୍ଗାଣିଗୁଡା ଗ୍ରାମର ପୋଡ଼ିଆମୀ, ଦୁଲା ପୋଡ଼ିଆମୀ ଓ ମଙ୍ଗୁଲୁ କାବାସୀ ଗତକାଲି ଅପରାହ୍ନରେ ପଡିଆ ଏମଭି ୬୬ ରାସ୍ତାର ସଂତୋଷୀ ମା ମନ୍ଦିର ନିକଟସ୍ଥ ସାବେରି ନଦୀକୁ ମାଛ ଧରିବା ପାଇଁ ଯାଇଥିଲେ | ମାଛ ଧରିବା ପରେ ଦୁଲା ଓ ମଙ୍ଗୁଲୁନଦୀରୁ କୁଳକୁ ଫେରିଥିଲେ | ଦୁର୍ଭାଗ୍ୟ ବଶତଃ ଲାକା କୁଳକୁ ଫେରିବା ସମୟରେ ହଠାତ ନଦୀରେ ଜଳସ୍ଥର ବୃଦ୍ଧି ପାଇବାରୁ ଲାକା ନଦୀରେ ଭାସିଯାଇ ନିଖୋଜ ହୋଇଯାଇଥିଲା | ଏହି ଖବର ପ୍ରଚାର ହେବା ପରେ ସ୍ଥାନୀୟ ଲୋକମାନେ ନଦୀ କୁଳକୁ ଆସି ଭିଡ଼ ଜମାଇଥିଲେ | ଏନେଇ ଗ୍ରାମବାସୀ ପଡିଆ ଅଗ୍ନିଶମ ବିଭାଗକୁ ଖବର ଦେବା ପରେ ଅଗ୍ନିଶମ ଅଧିକାରୀ ବୀରେନ୍ଦ୍ର ସିଂଘଙ୍କ ନେତୃତ୍ୱରେ ଟିମ ଘଟଣା ସ୍ଥଳରେ ପହଂଚିଥିଲେ ଓ ଉଦ୍ଧାର କାର୍ଯ୍ୟ ଆରମ୍ଭ କରିଥିଲେ | କିନ୍ତୁ ନିଖୋଜ ବ୍ୟକ୍ତିକୁ ଉଦ୍ଧାର କରାଯାଇ ପାରିନାହିଁ | ଏହି ସମ୍ପର୍କରେ ଏରାବରା ମୋଟୁ ଓ ଖୁଣ୍ଟା ପୋଲିସକୁ ସୂଚନା ଦିଆଯାଇ ଉଦ୍ଧାର କାର୍ଯ୍ୟ ଜାରି ରହିଛି | ନଦୀରେ ଭାସି ଯାଇଥିବା ଯୁବକ ଲାକା ର ପରିବାର ଦୁଃଖରେ ଭାଙ୍ଗି ପଡିଛନ୍ତି |

Leave a Reply

This site uses Akismet to reduce spam. Learn how your comment data is processed.