ଗୋହତ୍ୟା ଓ ଗୋ ମାଂସ ବିକ୍ରି ଆଧାରରେ ଜଣେ ଅଟକ

ରିପୋର୍ଟ: ଜ଼ିଲ୍ଲା ପ୍ରତିନିଧି ଅମୁଲ୍ୟ ନିଶଙ୍କ
ରାୟଗଡା(୦୬/୦୭): ରାୟଗଡା ଜ଼ିଲ୍ଲା ଅନ୍ତର୍ଗତ ଗୁଡାରି ବ୍ଲକର ସମ୍ପିନି ଗ୍ରାମ ନିକଟରେ ଏକ ଗାଈକୁ ହତ୍ୟା କରି ଗୋ ମାଂସ ବିକ୍ରି କରୁଥିବା ଅଭିଯୋଗ ଆଧାରରେ ପୋଲିସ ଜଣକୁ ଥାନାରେ ଅଟକ ରଖିଛି |

ସୂଚନା ମୁତାବକ ପ୍ରାଣୀ ସଂଗଠନର କର୍ମକର୍ତା ଶ୍ରୀ ରବୀନ୍ଦ୍ର ଅଚାରୀ କୌଣସି ସୂତ୍ରରୁ ସାମ୍ପନି ଗ୍ରାମରେ ଏକ ଗାଈକୁ ମାରି ଗୋ ମାଂସ ବିକ୍ରି କରୁଥିବା ଖବର ପାଇ ଗୁଣୁପୁର ଥାନାରେ ଲିଖିତ ଅଭିଯୋଗ କରିଥିଲେ | ଠିକ ଏହି ସମୟରେ ପ୍ରାଣୀ ମଙ୍ଗଳ ସଂଗଠନ ପକ୍ଷରୁ ଏହି ସାମ୍ପନି ଗ୍ରାମକୁ ଯାଇ ଚଢ଼ାଉ କରି ଏକ ଯୁବକକୁ ଧରି ଥାନାରେ ଜିମା ଦେବା ସହିତ ଘଟଣାର ତଦନ୍ତ ନିମନ୍ତେ ଦାବି କରିଥିଲେ | ନିୟମିତ ଭାବେ ଲୁଚାଛୁପାରେ ଏହି ଅଂଚଳରେ ଗୋ ହତ୍ୟା କରି ଗୋ ମାଂସ ବିକ୍ରି କରାଯାଉଛି ଓ କିଛି ବ୍ୟକ୍ତି ଏଜେଣ୍ଟ ଭାବେ କାମ କରୁଥିବା ସଂଗଠନ ପକ୍ଷରୁ କୁହାଯାଉଛି |

Comments are closed.