ମାଲକାନଗିରି ସଦରମହକୁମାରେ ରଥଯାତ୍ରା ପାଳିତ

ରିପୋର୍ଟ: ଜିଲ୍ଲା ପ୍ରତିନିଧି ଅସୀମ ବିଶ୍ୱାସ
ମାଲକାନଗିରି(୦୪/୦୭): ମାଲକାନଗିରି ଜିଲ୍ଲା ସଦର ମହକୁମାରେ ରଥଯାତ୍ରା ଅନୁଷ୍ଠିତ ହୋଇଯାଇଛି । ଜଗନ୍ନାଥ ମନ୍ଦିର ଠାରୁ ପ୍ରଥମେ ଜଗନ୍ନାଥ, ବଳଭଦ୍ର ଓ ମାତା ସୁଭଦ୍ରାଙ୍କୁ ପହଣ୍ଡି ବିଜେ କରି ରଥରେ ବସା ଯାଇଥିଲା ।

ଜିଲ୍ଲାପାଳ ଶ୍ରୀ ମୁନିଷ ଅଗ୍ରୱାଲ ଛେରାପହଁରା କରିବା ପରେ ରଥଟଣା ଆରମ୍ଭ ହୋଇଥିଲା । ଜିଲ୍ଲା ପୋଲିସ ପ୍ରଶାସନ ପକ୍ଷରୁ ମଧ୍ୟ ସୁରକ୍ଷା କଡାକଡି କରାଯାଇଥିଲା । ଜଗନ୍ନାଥଙ୍କ ଦର୍ଶନ କରିବା କୁ ପ୍ରାୟ ୩ ରୁ ୪ ହଜାର ଭକ୍ତଙ୍କ ଭିଡ଼ ଲାଗିଥିଲା । ରଥ ମାଉସୀ ମା ମନ୍ଦିର ନିକଟରେ ପହଞ୍ଚାଇବା ପାଇଁ ଭକ୍ତମାନେ ଅତି ଆନନ୍ଦର ସହିତ ଟାଣି ପହଞ୍ଚିଥିଲେ । ଅନ୍ୟ ଏକ ରଥ ଫରେଷ୍ଟ ଅଫିସ ଠାରୁ ବାହାରି ଥିଲା । ଏହି ରଥକୁ ଜିଲ୍ଲା ଫରେଷ୍ଟ ଅଫିସର ଛେରା ପହଁରା କରିଥିଲେ ।

Comments are closed.