ରିପୋର୍ଟ : ଅକ୍ଷୟ କୁମାର ପିଡ଼ିସିକା
କଲ୍ୟାଣସିଂହପୁର, (୧୨/୭) : ରାୟଗଡ଼ା ଜିଲ୍ଲା କଲ୍ୟାଣସିଂହପୁର ବ୍ଲକ ଅନ୍ତର୍ଗତ କରପା ପଞ୍ଚାୟତ ର ସୁଳିପଦର ଗାଁ ର ଶିବ ମାଣ୍ଡାଙ୍ଗ (୫୬) ଙ୍କ ଘର ଲଘୁଚାପ ଜନିତ ପ୍ରବଳ ବର୍ଷା ଯୋଗୁଁ ଘର ଭୁଶୁଡି ପଡିଥିବା ଦେଖିବାକୁ ମିଳିଛି ।
ପ୍ରାୟ ଦୁଇ ଦିନ ଧରି କଲ୍ୟାଣସିଂହପୁର ଅଞ୍ଚଳରେ ଲଘୁଚାପ ଜନିତ ପ୍ରବଳ ବର୍ଷା ଲାଗି ରହିଥିଲା । ଯାହା ଫଳରେ ଶିବ ମାଣ୍ଡାଙ୍ଗ ଙ୍କ ମାଟି ଘର ଆଜି ମଧ୍ୟାହ୍ନରେ ସମ୍ପୂର୍ଣ୍ଣ ଭାବେ ଭୁଶୁଡ଼ି ପଡିଛି । ସେ ରଖିଥିବା ମାଣ୍ଡିଆ, ସାଇକଲ, ଚାଉଳ, ଧାନ, ସବୁ ଲୁଗାପଟା ସମେତ ଆସବାପତ୍ର ନଷ୍ଟ ହୋଇ ଯାଇଛି । ଏହି ପରିବାର ତିନି ଜଣ ପ୍ରାଣୀ ରହୁଛନ୍ତି । ଏହି ମାନେ ଅତ୍ୟନ୍ତ ଗରିବ ଶ୍ରେଣୀ ର ଏମାନଙ୍କୁ ଆବାସ ଯୋଜନାରେ ସାମିଲ କରି ସରକାର ତରଫରୁ ଘର ଖଣ୍ଡିଏ ଯୋଗାଇଦେବାକୁ ଦାବି ହେଉଛି ।
ଏ ବିଷୟରେ ତହସିଲଦାର ସୁଧାକର ରଇତଙ୍କୁ ପଚାରିବାରୁ ସେ କହିଲେ ଉପରସ୍ଥ ଅଧିକାରୀ ଆସିଛନ୍ତି । ଆରାଇ ଙ୍କୁ ଜଣାଇ ଦେଉଛି ବୋଲି କହିଥିଲେ । ଏ ବିଷୟରେ ଆର.ଆଇ. ଅରୁଣ ଦାସ ଙ୍କୁ ପଚାରିବାରୁ ସେ କହିଲେ ଆମେ ମିଟିଂରେ ଅଛୁ । ସେହି ଠାରୁ ଗଲେ ପଲିଥିନ ଯୋଗାଇ ଦେବୁ ବୋଲି କହିଛନ୍ତି ।