Related Contents

ବ୍ୟାଙ୍କ ସମ୍ମୁଖରୁ ଡିକି ଭାଙ୍ଗି ଦୁଇ ଲକ୍ଷ ଟଙ୍କା ଚୋରି

ପଦ୍ମପୁର (ଜଗବନ୍ଧୁ ସାହୁ) : ପଦ୍ମପୁର ସହର ସ୍ଥିତ ଏସ୍. ଡି.ସି.ସି. ବ୍ୟାଙ୍କ ସମ୍ମୁଖରେ ଗୁରୁବାର ଦିନଦ୍ବିପ୍ରହରରେ (୧ଟା ସମୟରେ) ମୋଟରସାଇକେଲ ଡିକି ଭାଙ୍ଗି ୨ଲକ୍ଷ ଟଙ୍କା ଚୋରି କରିବାରେ ଦୁର୍ବୃତ୍ତ ମାନେ ସଫଳ ହୋଇଛନ୍ତି ।

ପ୍ରାପ୍ତ ସୂଚନା ଅନୁଯାୟୀ ଗାଈସିଲାଟ ବ୍ଲକ ଅନ୍ତର୍ଗତ ଜଡ଼ାଗଞ୍ଜା ଗ୍ରାମର ଶ୍ରୀ ପ୍ରଫୁଲ୍ଲ କୁମାର ସାହୁ ଏସ୍.ଡି.ସି.ସି. ବ୍ୟାଙ୍କ କୁ ଯାଇ ଦୁଇ ଲକ୍ଷ ଟଙ୍କା ଉଠାଣ କରି ତାଙ୍କ ମୋଟରସାଇକେଲ ଡିକି ରେ ରଖି କୌଣସି କାମ ପାଇଁ ଅନ୍ୟତ୍ର ଯାଆନ୍ତେ ସେହି ସମୟରେ ଚୋର ମାନେ ମୋଟରସାଇକେଲ ର ଡିକି ଭାଙ୍ଗି ଦୁଇଲକ୍ଷ ଟଙ୍କା ଚୋରି କରି ନେଇଥିଲେ । ପରେ ଶ୍ରୀ ସାହୁ ପଦ୍ମପୁର ଥାନା କୁ ଯାଇ ଅଭିଯୋଗ ପତ୍ର ଦାଖଲ କରିଥିଲେ । ଅଭିଯୋଗ କ୍ରମେ ପଦ୍ମପୁର ପୋଲିସ ଘଟଣା ସ୍ଥଳକୁ ଯାଇ ସି ସି ଟିଭି ଫୁଟେଜ ସହାୟତା ରେ ଯାଞ୍ଚ କରିଥିବା ବେଳେ ଏନେଇ ଏକ ମାମଲା ରୁଜୁ କରି ଥାନାଧିକାରୀ ଶ୍ରୀ ମାନସରଞ୍ଜନ ପ୍ରଧାନ ନିଜେ ଏ ମାମଲା ର ତଦନ୍ତ କରୁଥିବାର କହିଛନ୍ତି ।

Comments are closed.