ଭାରତୀୟ ରିଜର୍ଭ ବ୍ୟାଙ୍କ ତରଫରୁ ବିତ୍ତିୟ ସମାବେଶ ଅନୁଷ୍ଠିତ

ରିପୋର୍ଟ: ତ୍ରିନାଥ ଧୁରୁଆ
ଝରିଗାଁ(୨୧/୦୬): ଭାରତୀୟ ରିଜର୍ଭ ବ୍ୟାଙ୍କ ଭୁବନେଶ୍ୱର ଅନୁକୂଲ୍ୟରେ ଆଜି ନବରଙ୍ଗପୁର ଜିଲ୍ଲା ଝରିଗାଁ ବ୍ଲକ ସଦର ମହକୁମାଠାରେ ସ୍ଥାନୀୟ କୃଷକ, ସ୍ୱୟଂସହାୟକ ଗୋଷ୍ଟି, ବ୍ୟବସାୟୀ ଏବଂ ଯୁବଗୋଷ୍ଠୀ ପ୍ରମୁଖକୁ ନେଇ ଏକ ବିତ୍ତିୟ ସାକ୍ଷରତା ମେଳା ଅନୁଷ୍ଠିତ ହୋଇଯାଇଛି ।

ଝରିଗାଁ ବିଡ଼ିଓ ଦେବେନ୍ଦ୍ର ବହାଦୁରସିଂ ଧୁରୁଆଙ୍କ ସଭାପତିତ୍ୱ ବୈଠକ ମୁଖ୍ୟ ଅତିଥି ଭାବେ ସ୍ଥାନୀୟ ବିଧାୟକ ଇଂ.ପ୍ରକାଶ ଚନ୍ଦ୍ର ମାଝୀ ଏବଂ ମୁଖ୍ୟ ବକ୍ତା ଭାବରେ ଆରବିଆଇ ଡେ଼ପୁଟି ଜେନେରାଲ ପ୍ରିୟରଞ୍ଜନ, ସମ୍ମାନିତ ଅତିଥି ଭାବେ ଏ ଜି ଏମ ଆରବିଆଇ ନିର୍ମଳ ଚନ୍ଦ୍ର ପଟ୍ଟନାୟକ, ମ୍ୟାନେଜର ଆରବିଆଇ ସନ୍ତୋଷ କୁମାର ବେହେରା, ଆର ଏମ ଓ ଜି ବି ଶ୍ରୀ ଅସୀମ ପାତ୍ର ପ୍ରମୁଖ ଉପସ୍ଥିତ ରହି ଜନସାଧାରଣଙ୍କୁ ବ୍ୟାଙ୍କ ସହ ଯୋଡି ରହି କିପରି ଲାଭବାନ ହୋଇ ପାରିବେ ତାହା ବିଷୟ କହିଥିଲେ । କୃଷକମାନେ କିପରି ଲୋନ କରି ଲାଭବାନ ହେବେ, ସରକାରଙ୍କ ପକ୍ଷରୁ ଦେଉଥିବା ବିଭିନ୍ନ ଆର୍ଥିକ ଯୋଜନା ସୁବିଧା କିପରି ପାଇପାରିବେ ଏବଂ ଠକାମି ମାନଙ୍କ ଠାରୁ କିପରି ଠକାମୀର ଶିକାର ହେବେ ନାହିଁ | ଏହି ସବୁ ବିଷୟକୁ ନେଇ ଜନସାଧାରଣଙ୍କୁ ସଚେତନ କରିଥିଲେ । ଏହା ପରେ ଉପସ୍ଥିତ ଜନସାଧାରଣ ନିଜସ୍ଵ ଅଭିଯୋଗ ନେଇ ଦୃଷ୍ଟି ଆକର୍ଷଣ କରି ସମାଧାନ ପନ୍ଥା ପାଇଥିଲେ । ଏହି କାର୍ଯ୍ୟକ୍ରମରେ ଅନ୍ୟ ମାନଙ୍କ ମଧ୍ୟରେ ଝରିଗାଁ ଏବିଡିଓ ପ୍ରଫୁଲ୍ଲ କୁମାର କହଁର, ପ୍ରିୟରଞ୍ଜନ ଦାସ, ଜିଲ୍ଲାପରିଷଦ ସଭ୍ୟ ମୋହନ ନାୟକ, ଜିପିଓ ପ୍ରଦୀପ କୁମାର ପଟ୍ଟନାୟକ ଯୋଗ ଦେଇଥିବା ବେଳେ ପଞ୍ଚାୟତ ଅଧିକାରୀ ସଂଗ୍ରାମ ପଟ୍ଟନାୟକ ମଞ୍ଚ ପରିଚାଳନା କରିଥିଲେ ।

Comments are closed.