Related Contents

ପ୍ରାକ-ମୋକଦ୍ଦମା ମଧ୍ୟସ୍ଥିତା କେନ୍ଦ୍ର ଉତଘାଟିତ

ରିପୋର୍ଟ: ଅସୀମ ବିଶ୍ୱାସ
ମାଲକାନଗିରି (୧୯/୬):- ମାଲକାନଗିରି ଜିଲ୍ଲା ଆଇନ ସେବା ପ୍ରାଧିକରଣ ତରଫରୁ ଆଜି ପ୍ରାକମକଧ୍ୟମା ମଧ୍ୟସ୍ଥିତା କେନ୍ଦ୍ର ଉଦଘାଟିତ ହୋଇ ଯାଇଅଛି । ଜିଲ୍ଲା ଆଇନ ସେବା ପ୍ରାଧିକରଣ ସଚିବ ଶ୍ରୀଯୁକ୍ତ ଅମରେଶ ନାୟକ ଏହି କେନ୍ଦ୍ରକୁ ବିଧିବଦ୍ଧ ଭାବେ ଉଦଘାଟନ କରିଥିଲେ । ଅନ୍ୟ ମାନଙ୍କ ମଧ୍ୟରେ ଆଇନଜୀବୀ ତଥା ତାଲିମ ପ୍ରାପ୍ତ ମଧ୍ୟସ୍ଥି ଶ୍ରୀଯୁକ୍ତ ବିଷ୍ଣୁପ୍ରସାଦ ନାଲ୍ଲା ,ଅମିୟ କୁମାର ରଥ, ଏବଂ ଅଧ୍ୟାପକ ଡ଼.ରଞ୍ଜନ କୁମାର ସ୍ୱାଇଁ ଏବଂ ଜିଲ୍ଲା ଆଇନ ସେବା ପ୍ରାଧିକାରଣର ସମସ୍ତ କର୍ମକର୍ତା ପ୍ରମୂଖ ଉପସ୍ଥିତ ଥିଲେ ।

ଏହି ପ୍ରାକ ମୋକଦ୍ଦମା ମଧ୍ୟସ୍ଥିତ କେନ୍ଦ୍ରରେ ମୋକଦ୍ଦମା ହେବା ପୂର୍ବରୁ ବିଭିନ୍ନ ପ୍ରକାର ମାମଲା ଯେପରି ବୈବାହିକ, ଜମିଜମା, ବାଣିଜ୍ୟକ ଆଦି ଭଳି ମାମଲା ମାନଙ୍କରେ ଥାନାରେ ଏତଲା କିମ୍ବା କୋର୍ଟରେ କେସ ଦାୟର କରିବା ପୂର୍ବରୁ ଏହି ପ୍ରାକ ମୋକଦ୍ଦମା ମଧ୍ୟସ୍ଥିତା କେନ୍ଦ୍ର ଠାରେ ଉପଲବ୍ଧ ନିର୍ଦ୍ଦିଷ୍ଟ ଫର୍ମ ଜରୀଆରେ ମଧ୍ୟସ୍ଥିତା କେନ୍ଦ୍ରର ସଞ୍ଚାଳକ ତଥା ଜିଲ୍ଲା ଆଇନସେବା ପ୍ରାଧିକାରଣ ମାଲକାନଗିରିର ସଚିବଙ୍କ ପାଖରେ ଦାଖଲ କଲେ ଏହି ମାମଲା ଗୁଡ଼ିକ ତାଲିମ ପ୍ରାପ୍ତ ମଧ୍ଯସ୍ଥିଙ୍କ ମାଧ୍ୟମରେ ସମାଧାନ କରିବା ସକାଶେ ପ୍ରଚେଷ୍ଟା କରାଯାଇଥାଏ । ବିନା ଖର୍ଚ୍ଚ ଓ ସ୍ଵଳ୍ପ ସମୟ ମଧ୍ୟରେ ଏଠାରେ ଏହିସବୁ ସୁବିଧା ପାଇଥିବାରୁ ସାଧାରଣରେ ଏହି କେନ୍ଦ୍ରର ସୁଯୋଗ ନେବା ପାଇଁ ଉତ୍ସାହ ଦେଖା ଦେଇଛି |

Comments are closed.