Advertisements
Saturday, July 4, 2020
Home Cultural & Festival ରାୟଗଡାରେ ଚତୁର୍ଦ୍ଧାମୂର୍ତ୍ତିଙ୍କ ସ୍ନାନଯାତ୍ରା ରୀତିନୀତିରେ ସମ୍ପନ୍ନ

ରାୟଗଡାରେ ଚତୁର୍ଦ୍ଧାମୂର୍ତ୍ତିଙ୍କ ସ୍ନାନଯାତ୍ରା ରୀତିନୀତିରେ ସମ୍ପନ୍ନ

ରିପୋର୍ଟ: ଗୋପୀନାଥ ଗୌଡ଼
ରାୟଗଡା (୧୭/୦୬ ): ରାୟଗଡାର ଶ୍ରଦ୍ଧା ଶ୍ରୀକ୍ଷେତ୍ରରେ ମଧ୍ୟ ଚତୁର୍ଦ୍ଧାମୂର୍ତ୍ତିଙ୍କ ସ୍ନାନଯାତ୍ରା ସମସ୍ତ ରୀତିନୀତିରେ ସମ୍ପନ୍ନ ହୋଇଯାଇଛି | ଭୋରରୁ ମନ୍ଦିର ଖୋଲାଯାଇ ମଙ୍ଗଳ ଆଳତି, ପହିଲି ଭୋଗ ପରେ ରତ୍ନମଣ୍ଡପରେ ଶ୍ରୀଜୀଉଙ୍କ ସାଧାରଣ ଦର୍ଶନ ସକାଳ ୭ଟା ପର୍ଯ୍ୟନ୍ତ ହୋଇଥିଲା |

ପରେ ସେବାୟତ ମାନେ ଗୋଟି ପହଣ୍ଡିରେ ବଡ଼ ଠାକୁର ବଳଭଦ୍ର, ଭଉଣୀ ସୁଭଦ୍ରା ଓ ପତିତପାବନ ଶ୍ରୀ ଜଗନ୍ନାଥ ଙ୍କୁ ସ୍ନାନମଣ୍ଡପକୁ ନେଇଥିଲେ | ସ୍ନାନ ମଣ୍ଡପରେ ସର୍ବ ପ୍ରଥମେ ବିଜେ ହୋଇଥିଲେ ପ୍ରଭୁ ଚକ୍ରନାରାୟଣ, ତାପରେ ତିନି ବିଗ୍ରହଙ୍କୁ ମଣ୍ଡପକୁ ଅଣାଯାଇ ସୁବାସିତ ୧୦୮ଗରା ଜଳରେ ଶ୍ରୀଜିଉ ମାନଙ୍କୁ ସ୍ନାନ କରାଯାଇଥିଲା | ଗଙ୍ଗାଜଳ, ପଇଡ଼ଜଳ, କର୍ପୁର ମିଶ୍ରିତ ସୁବାସିତ ଜଳରେ ଶ୍ରୀଜିଉ ମାନଙ୍କ ସ୍ନାନପରେ ଆରତୀ ଓ ଭୋଗଲାଗି କରାଯାଇଥିଲା | ଏହାପରେ ଅନୁଷ୍ଠିତ ହୋଇଥିଲା ଦୁଇଦିଅଁଙ୍କ ଗଜାନନ ବେଶ | ପ୍ରଭୁ ବଳଭଦ୍ରଙ୍କୁ ଧବଳ ଗଣପତି ଓ ଶ୍ରୀ ଜଗନ୍ନାଥଙ୍କୁ କୃଷ୍ଣ ଗଣପତି ବେଶରେ ସଜ୍ଜିତ କରାଯାଇଥିଲା | ଶ୍ରଦ୍ଧା ଶ୍ରୀକ୍ଷେତ୍ରରେ ମୁଖତଃ ପରମ୍ପରା ଅନୁଯାୟୀ ରାୟଗଡା ବ୍ରାହ୍ମଣ ସାହିର ସେବକମାନେ ରାଜପୁରୋହିତ ଶ୍ରୀ ବାଲୁଙ୍କେଶ୍ୱର ଦାସଙ୍କ ନେତୃତ୍ୱରେ ସ୍ନାନ ପୁର୍ଣିମାର ସମସ୍ତ ନୀତିକାନ୍ତି ସମ୍ପନ୍ନ କରିଥିଲେ | ସେହିଭଳି ପାଇକପଡା, ଜେକେପୁର, କାଶୀପୁର, ଦୁର୍ଗୀ, ଅଣ୍ଟାମୋଡା, ଗୁମୁଡା, ଗୁଣୁପୁର ସ୍ଥିତ ଜଗନ୍ନାଥ ମନ୍ଦିରରେ ମଧ୍ୟ ସମସ୍ତ ପାରମ୍ପରିକ ରୀତିନୀତି ଅନୁଯାୟୀ ସମାପନ ହୋଇଥିଲା | ସ୍ନାନମଣ୍ଡପରେ ଚତୁର୍ଦ୍ଧାମୂର୍ତିଙ୍କୁ ଦର୍ଶନ ପାଇଁ ଶ୍ରଦ୍ଧାଳୁଙ୍କ ସୁଅ ଛୁଟିଥିଲା | ପୁଣି ଆଜି ରାତିଠାରୁ ଶ୍ରୀ ଦିଅଁ ଜ୍ଵରରେ ପଡି଼ବା ଯୋଗୁଁ ଦୀର୍ଘ ପନ୍ଦରଦିନ ପାଇଁ ଠାକୁର ମାନେ ଅଣସର ଘରେ ରହିବାଯୋଗୁଁ ପଟିଦିଅଁ ଦର୍ଶନର ବ୍ୟବସ୍ଥା ରହିଛି | ଏହି ପରମ୍ପରା ପାଇଁ ସମସ୍ତ ଜଗନ୍ନାଥ ମନ୍ଦିର ମାନଙ୍କରେ ପୂର୍ବରୁ ସମସ୍ତ ପ୍ରସ୍ତୁତି ସରିଥିବା ପୂଜକ ମାନେ କହିଛନ୍ତି | ଏହାକୁ ନବଗୁଞ୍ଜର ପୂଜା ମଧ୍ୟ କୁହାଯାଇଥାଏ |

Advertisements
Odisha News24 Bureauhttp://www.odishanews24.in
A WEB TV Channel Network in Western Odisha

Most Popular

ଜାମସେଠ ଠାରେ କରୋନା ଯୋଦ୍ଧା ଙ୍କୁ ସମ୍ବର୍ଦ୍ଧନା

ରିପୋର୍ଟ: ନିରୋଜ କୁମାର ପାଣି //ପଦ୍ମପୁର (୦୩/୦୭): ବରଗଡ଼ ଜିଲ୍ଲା ପଦ୍ମପୁର ଉପଖଣ୍ଡ ପାଇକମାଲ ବ୍ଲକ ଅନ୍ତର୍ଗତ ଜାମ ସେଠ ହସପିଟାଲ ଠାରେ ଝାରବନ୍ଧ ଓ ଜାମ ସେଠ...

ଦୁଇ ଗୋଷ୍ଠୀ ମଧ୍ୟରେ ଜଙ୍ଗଲ ଜମି କୁ ନେଇ ବିବାଦ ହୋଇ ତହସିଲଦାର ଙ୍କୁ ଦାବୀ ପତ୍ର ପ୍ରଦାନ

ରିପୋର୍ଟ, ଅକ୍ଷୟ କୁମାର ପିଡ଼ିସିକା //କଲ୍ୟାଣସିଂହପୁର (ତା ୪/୭): ରାୟଗଡ଼ା ଜିଲ୍ଲା କଲ୍ୟାଣ ସିଂହପୁର ବ୍ଳକ ଅନ୍ତର୍ଗତ ପୂଜାରୀଗୁଡା ଗ୍ରାମ ପଞ୍ଚାୟତ ର କନ୍ଧ ପରିଦିଗୁଡା ଓ ସାନ...

ବିଦ୍ୟୁତ କାଟ ଯୋଗୁଁ ଗ୍ରାହକ ହନ୍ତସନ୍ତ

କର୍ଲାମୁଣ୍ଡା (୦୪ /୦୭): କର୍ଲାମୁଣ୍ଡା ବ୍ଲକ ସଦର ଠାରେ ୩୩ /୧୧ କେଭି ର ବିଦ୍ୟୁତ ଯୋଗାଣ କେନ୍ଦ୍ର ପ୍ରାୟ ୮ବର୍ଷ ତଳେ ନିର୍ମାଣ କରାଯାଇଥିଲା I ଗତ...

ଉତ୍କଳ ଆଲୁମିନା ଇନ୍ଟରନ୍ୟାସନାଲ ଲିମିଟେଡ଼ ର ସାମୁହିକ ସିଏସଆର କାର୍ଯ୍ୟକ୍ରମ

ରିପୋର୍ଟ: ଜିଲ୍ଲାପ୍ରତିନିଧି ଗୋପୀନାଥ ଗୌଡ଼ //ରାୟଗଡା /ଟିକିରି (୦୪/୦୭): ଅବିଭକ୍ତ କୋରାପୁଟ ଜିଲ୍ଲାର ଟିକିରି ଅଞ୍ଚଳ ଦିନେ ପରିତ୍ୟକ୍ତ ଅବସ୍ଥାରେ ପଡିରହିଥିଲା l କିନ୍ତୁ, ଉତ୍କଳ ଆଲୁମିନା ପ୍ରତିଷ୍ଠିତ...

Recent Comments

%d bloggers like this: