ସମ୍ଭାବ୍ୟ ବନ୍ୟା,ବାତ୍ୟା ଓ ବିପର୍ଯ୍ୟୟର ମୁକାବିଲା ନିମନ୍ତେ ମକଡ୍ରିଲ ୨୦୧୯ ଅନୁଷ୍ଠିତ

ରିପୋର୍ଟ:ପ୍ରଦୀପ କୁମାର ପାତ୍ର
ଗୁଣୁପୁର(୧୯/୦୬): ଗୁଣୁପୁର ପୌରପରିସଦ ଓ ବ୍ଲକ ଦ୍ୱାରା ସମ୍ଭାବ୍ୟ ବନ୍ୟା,ବାତ୍ୟା ଓ ବିପର୍ଯ୍ୟୟର ମୁକାବିଲା ନିମନ୍ତେ ମକଡ୍ରିଲ ୨୦୧୯ ବିକ୍ରମପୁର ସ୍ଥିତ ବନ୍ୟା ଆଶ୍ରୟସ୍ଥଳୀରେ ଅନୁଷ୍ଠିତ ହୋଇଛି ।

ଏହି କାର୍ଯ୍ୟକ୍ରମକୁ ପ୍ରଦୀପ ଦୋରାଙ୍କ ନେତ୍ରୁତ୍ୱରେ ଓଡ୍ରାଫ ଟିମ ଦ୍ୱିତୀୟ ଆଈ ଆର ବି ବାଟାଲିୟନର ସିପାହୀ ମାନେ ମକଡ୍ରିଲ କରି ଲୋକମାନଙ୍କୁ ବୁଝାଇଥିଲେ । ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଗୁଣୁପୁର ଉପଜିଲ୍ଲାପାଳ ଡ଼ଃ ବି ଏସ ବଳୀର।ମ ଓ ଗୁଣୁପୁର ତହସିଲଦାର ନମ୍ରୋତା ମୋଦି, ଉପଖଣ୍ଡସ୍ତରୀୟ ଲୋକ ସମ୍ପର୍କ ଅଧିକାରୀ ରଶ୍ମି ରାଣୀ ନିମ।କା ଓ ପୌର ପରିଷଦର ଓ ବ୍ଲକର କର୍ମଚାରୀ ମାନେ ଉପସ୍ଥିତ ରହିଥିଲେ । ଓଡ୍ରାଫ ଟିମର ସିପାହୀ ମାନେ ଜରୁରୀ ସମୟରେ ତଥା ରନ୍ଧନ ଗ୍ୟାସରେ ନିଆଁ ଲାଗିଲେ କିପରି ଆୟତ୍ତ କରିବା, କୌଣସି ଦୁର୍ଘଟଣାରେ ଗୁରୁତର ଆହତ ବ୍ୟକ୍ତିକୁ କିପରି ଭାବରେ ଉଦ୍ଧାର କରି ଆମ୍ବୁଲାନ୍ସରେ ପହଞ୍ଚାଇବା ଓ ବିଭିନ୍ନ ଜରୁରୀକାଳୀନ କୌଶଳ ପଦ୍ଧତି ଗୁଡିକକୁ ମକଡ୍ରିଲ କରି ଦେଖାଇଥିଲେ ଓ ବୁଝାଇଥିଲେ । ଏହି କାର୍ଯ୍ୟକ୍ରମରେ ସହସ୍ରାଧିକ ଆଖପାଖ ଅଞ୍ଚଳର ଲୋକମାନେ ଯୋଗଦେଇଥିଲେ ଓ ଏପରି କାର୍ଯ୍ୟକ୍ରମ ଦ୍ୱାରା ଲୋକ ସଚେତନ ହୋଇ ଧନଜୀବନକୁ ବଞ୍ଚାଇ ହେବ ବୋଲି ମତ ଦେଇଥିଲେ ଓ ଏପରି କାର୍ଯ୍ୟକ୍ରମକୁ ଆଗାମୀ ଦିନରେ ବିଭିନ୍ନ ସମୟରେ କରିବାକୁ ନିବେଦନ କରିଥିଲେ।

Comments are closed.