Related Contents

ଭାରସାମ୍ୟ ହରାଇ ଆମ୍ବୁଲାନ୍ସ ଓଲଟିଲା, ଦୁଇଜଣ ଆହତ

ରିପୋର୍ଟ: ଗୋପୀନାଥ କୋଂଡଗିରି
କୋଲନରା(୧୮/୦୬): କୋଲନରା ବ୍ଲକ ଅନ୍ତର୍ଗତ ଲିଙ୍ଗାଗୁଡା ଗ୍ରାମ ନିକଟସ୍ଥ ବୁଲାଣିରେ ଏକ ଆମ୍ବୁଲାନ୍ସ ଭାରସାମ୍ୟ ହରାଇ ଦୁର୍ଘଟଣା ଗ୍ରସ୍ତ ହେବାରୁ ଦୁଇଜଣ ଆହତ ହୋଇଛନ୍ତି ।

ସୂଚନା ଅନୁଯାୟୀ, ପଦ୍ମପୁର ଗ୍ରାମର ଆମ୍ବୁଲାନ୍ସ (ଓଆର ୦୨ ବିଆର୍ ୬୦୯୦) ରାୟଗଡା ରେଲୱେ ଷ୍ଟେସନକୁ କିଛି ଯୁବକଙ୍କୁ ଛାଡିବାକୁ ଯାଇ ଫେରୁଥିବା ସମୟରେ ମୁକୁନ୍ଦପୁର ଗ୍ରାମ ନିକଟସ୍ଥ ଲିଙ୍ଗାଗୁଡା ଗ୍ରାମ ନିକଟ ବୁଲାଣିରେ ଗାଡିର ଷ୍ଟେରିଂ ଜାମ ହୋଇଯାଇଥିଲା ଫଳରେ ଗାଡିଟି ଭାରସାମ୍ୟ ହରାଇ ରାସ୍ତା କଡରେ ଓଲଟି ପଡ଼ିଥିଲା ।

ଫଳରେ ଗାଡ଼ିରେ ଥିବା ଡ୍ରାଇଭର ସଦାନନ୍ଦ ଶବର(୨୫) ଓ ଭଗବାନ ଶବର(୨୧) ସାମାନ୍ୟ ଆହତ ହୋଇଥିବା ବେଳେ ନରସିଂଗ ନାଥ ପଣ୍ଡା(୩୬),ବନ୍ଧୁ ଶବର(୨୦) ଅଳ୍ପକେ ବର୍ତି ଯାଇଛନ୍ତି । ଘଟଣା ସମ୍ପର୍କରେ ଖବର ପାଇ ମୁକୁନ୍ଦପୁର ଫାଣ୍ଡିର ଧିରୁ ମହାପାତ୍ର ଘଟଣା ସ୍ଥଳକୁ ଯାଇ ଅଧିକ ତଦନ୍ତ କରିଛନ୍ତି ।

Comments are closed.