ରିପୋର୍ଟ : ରବିଶଙ୍କର ମହାପାତ୍ର
କୋରାପୁଟ, (୨୮/୬) : କୋରାପୁଟ ସମନ୍ୱିତ ଆଦିବାସୀ ଉନ୍ନୟନ ସଂସ୍ଥା କାର୍ଯ୍ୟାଳୟ ପରିସରରେ କୋରାପୁଟ ଜିଲ୍ଲାପାଳ ଅବ୍ଦୁଲ ଏମ୍ ଅଖତାରଙ୍କ ଦ୍ୱାରା ଗତକାଲି ଅପରାହ୍ନରେ ଜିଲ୍ଲାର ବିଭିନ୍ନ ବ୍ଲକ ର ୬ଟି ସ୍ୱୟଂ ସହାୟକ ସମୁହକୁ ତେନ୍ତୁଳି ପ୍ରକ୍ରିୟା କରଣ ଯନ୍ତ୍ର ପ୍ରଦାନ କରାଯାଇଛି ।
କେନ୍ଦ୍ର ସରକାରଙ୍କ ଗ୍ରାମୋଦ୍ୟୋଗ ବିକାଶ ଯୋଜନା ଅନ୍ତର୍ଗତ ୬ ଗୋଟି ତେନ୍ତୁଳି ପ୍ରକ୍ରିୟା କରଣ କମ୍ପ୍ରେସର ମସିନ୍ ଓ ଅନ୍ୟାନ୍ୟ ଉପକରଣ ମଧ୍ୟରୁ ବୋରିଗୁମ୍ମା ବ୍ଳକ ର ୨ଟି, ପଟ୍ଟାଙ୍ଗି ବ୍ଲକ ର ୨ଟି ଓ ନାରାୟଣ ପାଟଣା ବ୍ଲକ ର ୨ଟି ଲେଖାଏଁ ସ୍ୱୟଂ ସହାୟକ ଗୋଷ୍ଠୀକୁ କୋରାପୁଟ ଜିଲ୍ଲାପାଳ ଙ୍କ ଦ୍ୱାରା ପ୍ରଦାନ କରାଯାଇଛି । ଖଦି ଓ ଗ୍ରାମୋଦ୍ୟୋଗ କମିଶନ ଦ୍ୱାରା ଏହି ଉପକରଣ ଗୁଡିକ ପ୍ରଦାନ କରାଯାଇଛି । ଏଥିସହ କମିଶନ ଦ୍ୱାରା ଦକ୍ଷତା ବିକାଶ ତାଲିମ ମଧ୍ୟ ପ୍ରଦାନ କରାଯାଉଛି ।
ଏହି କାର୍ଯ୍ୟକ୍ରମରେ ଜିଲ୍ଲା ଗ୍ରାମ୍ୟ ଉନ୍ନୟନ ସଂସ୍ଥା ର ପ୍ରକଳ୍ପ ନିର୍ଦ୍ଦେଶକ, ଜିଲ୍ଲା ଆଦିବାସୀ ଉନ୍ନୟନ ସଂସ୍ଥା ର ପ୍ରକଳ୍ପ ପ୍ରଶାସକ, ଓରମାସ ର ଡେପୁଟି ସି .ଇ .ଓ ତଥା କର୍ମଚାରୀ ମାନେ ଉପସ୍ଥିତ ଥିଲେ । କେନ୍ଦ୍ର ସରକାରଙ୍କ ଏହି ଗ୍ରାମୋଦ୍ୟୋଗ ବିକାଶ ଯୋଜନାରେ ଗ୍ରାମୀଣ କାରିଗର ମାନଙ୍କୁ ଉପକରଣ ସହ ତାଲିମ ପ୍ରଦାନ କରାଯାଉଛି । ନବରଙ୍ଗପୁର, ଗଞ୍ଜାମ ଓ କେଉଁଝର ଜିଲ୍ଲାର ୮ଟି ସ୍ୱୟଂ ସହାୟକ ଗୋଷ୍ଠୀକୁ ମଧ୍ୟ ଏହି ଯୋଜନା ଅନ୍ତର୍ଗତ ଉପକରଣ ବଣ୍ଟନ ପାଇଁ ନିଷ୍ପତ୍ତି ହୋଇଥିବା ଜଣାପଡିଛି ।