ମୁରିବାହାଲରେ ବର୍ଷା ହେବାରୁ ଲୋକେ ଆଶ୍ୱସ୍ତ

ରିପୋର୍ଟ:ଭଗବାନ ମହାନ୍ତି
ମୁରିବାହାଲ(୧୭/୦୬): ମୁରିବାହାଲ ବ୍ଲକ ଆଖପାଖ ରେ ଗତ ରବିବାରଦିନ ସନ୍ଧ୍ୟାରେ ପ୍ରବଳ ବର୍ଷା ହେବାରୁ ଲୋକେ ଟାଣ ଖରା ଓ ଝାଂଜି ପବନରୁ ଆଶ୍ବସ୍ତି ଲାଭ କରିଛନ୍ତି |

ରବିବାର ସକାଳୁ ପ୍ରବଳ ଖରା ସହିତ ଗୁଳୁଗୁଳି ଅନୁଭୂତ ହୋଇଥିଲା ଓ ସନ୍ଧ୍ୟାରେ ହୋଇଥିବା ବର୍ଷା ରବିବାର ରାତିସାରା ବର୍ଷିଥିଲା ଫଳରେ ଖରା ଦାଉରୁ ଟିକିଏ ଶାନ୍ତି ପାଇଛନ୍ତି ସାଧାରଣ ଜନତା | ଅନ୍ୟ ପକ୍ଷରେ ଘଡଘଡି ସହ ବର୍ଷା ପବନ ଯୋଗୁଁ ଗ୍ରାମାଞ୍ଚଳର ବିଭିନ୍ନ ସ୍ଥାନରେ ଗଛ ଗୁଡିକ ଭାଙ୍ଗି ଯାଇଥିବାରୁ ବିଦ୍ୟୁତ ସେବା ବନ୍ଦ ହୋଇଯାଇଛି | ବର୍ଷା ହେବ ଦ୍ୱାରା ଚାଷୀ ମାନେ ସେମାନଙ୍କ ଜମି ମାନଙ୍କରେ ହଳ ଲଙ୍ଗଳ କରୁଥିବା ଦେଖିବାକୁ ମିଳିଛି | ଏହି ହଳ ଲଙ୍ଗଳ ଦ୍ୱାରା ଜମିରେ ଥିବା ଅନାବନା ଘାସ ସବୁ ନଷ୍ଟ ହୋଇଯିବ ସହ ମାଟି ଉର୍ବର ହୋଇଥାଏ ବୋଲି ଚାଷୀ ମାନଙ୍କ ବିଶ୍ୱାସ ରହିଥିବାରୁ ଗ୍ରାମାଞ୍ଚଳ ଚାଷୀ ଖରା ମାସରେ ସାମାନ୍ୟ ବର୍ଷରେ ମଧ୍ୟ ଚାଷ ଜମିକୁ ଚଷିଥାନ୍ତି | ଏହି ବର୍ଷକୁ ଦେଖି ଚାଷୀମାନେ ଆଗତୁରା ସାର,ବିହନ ସଂଗ୍ରହ କରିବା ପାଇଁ ଆଜି ସାର ଦୋକାନ ମାନଙ୍କରେ ପ୍ରବଳ ଭିଡ ଦେଖିବାକୁ ମିଳିଛି |

Comments are closed.