ଶ୍ରୀବିରଖମ୍ବ ଦିଶାରୀ, ପୂଜାରୀ ସଙ୍ଘ ପକ୍ଷରୁ ବିଶାଳ ସମାବେଶ

ରିପୋର୍ଟ: ଏନ.ସନ୍ତୋଷ କୁମାର
ବୈପାରୀଗୁଡା(୧୩/୦୬): ଶ୍ରୀବିରଖମ୍ବ ଗୁରୁମାଇ, ବୈଦ୍ୟ, ଦିଶାରୀ, ଶିରା ଓ ପୂଜାରୀ ସଙ୍ଘ ପକ୍ଷରୁ ଆଜି ସ୍ଥାନୀୟ ଗୁମ୍ମା ଗାଁ ନିକଟରେ ଥିବା ପଡିଆରେ ଏକ ବିଶାଳ ସମାବେଶ ଅନୁଷ୍ଠିତ ହୋଇଯାଇଛି |

ଏହି କାର୍ଯ୍ୟକ୍ରମର ମୁଖ୍ୟ ଅତିଥି ଭାବେ କୋରାପୁଟ ବିଧାୟକ ରାଘୁରାମ ପୋଡାଲ ଓ ମୁଖ୍ୟ ବକ୍ତା ଭାବେ କୋରାପୁଟ ସହକାରୀ ଜିଲ୍ଲାପାଳ ଆଲୋକ କୁମାର ଅନୁଗୁଳିଆ ଯୋଗଦେଇ ଆଜିର ବିଜ୍ଞାନ ଯୁଗରେ ମଧ୍ୟ ଚେରମୂଳ ଔଷଧର ଆବଶ୍ୟକତାକୁ ନେଇ ଆଲୋଚନା ହୋଇଥିଲା | ସେହିପରି ଉପସ୍ଥିତ ଦିଶାରୀ, ଗୁରୁମାଇ,ବୈଦ୍ୟ, ଶିରା ଓ ପୂଜାରୀ ମାନଙ୍କ ବୈଦିକ ପଦ୍ଧତିରେ କରୁଥିବା ପ୍ରାଥମିକ ଚିକିତ୍ସାକୁ ସ୍ବାଗତ କରିଥିବାବେଳେ ଜରୁରୀ ପରିସ୍ଥିତିରେ ରୋଗୀକୁ ମେଡିକାଲକୁ ଯିବା ପାଇଁ ଉପଦେଶ ଦିଆଯାଉ ବୋଲି ବୁଝାଇଥିଲେ | ଅନ୍ୟ ଅତିଥି ମଧ୍ୟରୁ ବୈପାରୀଗୁଡା ବ୍ଲକ ଅଧ୍ୟକ୍ଷା ସରୋଜିନୀ କାଣ୍ଡିକି, ସ୍ୱତନ୍ତ୍ର ଆଦିବାସୀ ଉନ୍ନୟନ ପରିଷଦ ଅଧକ୍ଷ କମୁଲୁ ଜାନି, ବୈପାରୀଗୁଡା ସରପଞ୍ଚ ସଙ୍ଘର ସଭାପତି ଭାଗିରଥି ମୁରଜିଆ, କେନ୍ଦ୍ରୀୟ ଆଦିବାସୀ ସଙ୍ଘର ସଭ୍ୟ କ୍ଷୀରୋଦ ସିଂଦେବ, ସ୍ୱତନ୍ତ୍ର ଆଦିବାସୀ ଉନ୍ନୟନ ବ୍ଲକ ସଭାପତି ନାରାୟଣ କଦମ୍ବଗୁଡ଼ିଆ ଯୋଗଦେଇଥିଲେ | ସଭା ପୂର୍ବରୁ ଆସିଥିବା ଦୁଇ ହଜାରରୁ ଉର୍ଦ୍ଧ ମହିଳା ପୁରୁଷ ଦିଶାରୀ, ପୂଜାରୀ, ଶିରା, ଗୁରୁମାଇ, ବୈଦ୍ୟ ଓ ପୂଜାରୀମାନଙ୍କୁ ନେଇ ସ୍ଥାନୀୟ ବିରଖମ୍ବ ପୋଲ ଠାରୁ ଗୁମ୍ମା ଗାଁ ପର୍ଯ୍ୟନ୍ତ ଏକ ଶୋଭାଯାତ୍ରା ଅନୁଷ୍ଠିତ ହୋଇଥିବା ଦେଖିବାକୁ ମିଳିଥିଲା | ଏହି ଶୋଭାଯାତ୍ରାରେ ବେନର ଓ ସ୍ଲୋଗାନ ମଧ୍ୟ୍ୟମରେ ବିଭିନ୍ନ ଦାବୀ କରୁଥିବା ଦେଖିବାକୁ ମିଳିଥିଲା | ଏହି ଦାବୀ ଗୁଡିକ ହେଲା ପୂଜାରୀ ମାନଙ୍କ ଭତା, ସାମାଜିକ ସୁରକ୍ଷା ଅନୁଯାୟୀ ସମସ୍ତ ସାହାଯ୍ୟ ଯୋଗାଇବା, ସ୍ଥାନୀୟ ପ୍ରସିଦ୍ଧ ବିରଖମ୍ବ ପିଠକୁ ରାସ୍ତା ମରାମତି ଆଦି ରହିଛି | ଏହି କାର୍ଯ୍ୟକ୍ରମକୁ ରାଜ୍ୟ ଆଦିବାସୀ ସଙ୍ଘର ସଭ୍ୟ ହଳଧର ପୂଜାରୀ ପରିଚାଳନା କରିଥିଲେ |

Comments are closed.