ରିପୋର୍ଟ : ଗୋପୀନାଥ ଗୌଡ଼
ରାୟଗଡ଼ା, (୨୫/୦୬) : ଶନିବାର ଟ୍ରାନ୍ସ ଜେଣ୍ଡର ବ୍ୟକ୍ତିଙ୍କ ଅଧିକାର ତଥା ଶିକ୍ଷାଗତ ଅଧିକାର, ସ୍ୱାସ୍ଥ୍ୟ, ନିଯୁକ୍ତି, ଆତ୍ମ ସମ୍ମାନ ର ସହ ଜୀବନ ଯାପନ କରିବା ତଥା ଅନ୍ୟାନ୍ୟ ବର୍ଗକୁ ବାର୍ତ୍ତା ଦେବା ଉଦ୍ଦେଶ୍ୟରେ ରେନ୍ବ ସ୍ୱାଭିମାନ ପଦଯାତ୍ରାକୁ ଜିଲ୍ଲାପାଳ, ରାୟଗଡ଼ା ଶ୍ରୀମତୀ ସ୍ୱଧା ଦେବ ସିଂ ଶୁଭାରମ୍ଭ କରିଥିଲେ ।
ରେନ୍ବ ସ୍ୱାଭିମାନ ପଦଯାତ୍ରା ର ଶୁଭାରମ୍ଭ ରାୟଗଡ଼ା ଜିଲ୍ଲାପାଳଙ୍କ ଦ୍ୱାରା ହୋଇଯାଇଛି । ବିଶ୍ୱ ବିଦ୍ୟାଳୟ ଅନୁଦାନ ଆୟୋଗ ର ଆଣ୍ଟି ଉଇଙ୍ଗି ନୀୟମାବଳୀ ର ତୃତୀୟ ସଂଶୋଧନ (୨୦୧୬) ଜଣେ ବ୍ୟକ୍ତି ର ଲିଙ୍ଗଗତ ପରିଚୟ ଏବଂ ଯୌନଗତ ଆଭି ମୁଖ୍ୟକୁ ଆଧାର କରି ମହାବିଦ୍ୟାଳୟ ଏବଂ ବିଶ୍ୱ ବିଦ୍ୟାଳୟ ପରିସରରେ କୌଣସି ପ୍ରକାର ଧମକ ଚମକ ବା ଭେଦଭାବ କରାଯାଇ ପାରିବ ନାହିଁ । ସାମାଜିକ ସୁରକ୍ଷା ପଦକ୍ଷେପ- ଟ୍ରାନ୍ସ ଜେଣ୍ଡର ବ୍ୟକ୍ତିମାନଙ୍କ ସାମାଜିକ କଲ୍ୟାଣ ଏବଂ ଅଧିକାର ସୁରକ୍ଷା ନିମନ୍ତେ ଓଡିଶା ସରକାର ତରଫରୁ ସ୍ୱୀକୃତୀ ଯୋଜନା କାର୍ଯ୍ୟକାରୀ ହେଉଛି ଏବଂ ସମ୍ପ୍ରତି ଭାରତ ସରକାରଙ୍କ ଦ୍ୱାରା ସ୍ମାଇଲ୍ ଯୋଜନା ର ଘୋଷଣା କରାଯାଇଛି ।
ସାମାଜିକ ଅତ୍ୟାଚାରରୁ ଟ୍ରାନ୍ସ ଜେଣ୍ଡର ମାନଙ୍କୁ ରକ୍ଷା କରିବା, ସେମାନଙ୍କୁ ଭଲ ପାଇବା, ମାନବ ସମାଜ ର ମାନ୍ୟତା ଦେବା, ଚାକିରୀ କ୍ଷେତ୍ରରେ ସୁବିଧା ଦେବା ଉଦ୍ଦେଶ୍ୟରେ ରେନ୍ବ ସ୍ୱାଭିମାନ ପଦଯାତ୍ରା କୋରାପୁଟ ସ୍କୁଏର୍ ଠାରୁ କପିଳାସ ସ୍କୁଏର ପର୍ଯ୍ୟନ୍ତ ହୋଇଥିଲା । ଏହି ପଦଯାତ୍ରା ର ଶୁଭାରମ୍ଭ ଜିଲ୍ଲାପାଳ ସମେତ ଏଥିରେ ଜିଲ୍ଲା ସାମାଜିକ ସୁରକ୍ଷା ଅଧିକାରୀ ଭିକ୍ଟରିଆ କୁଲୁ, ଶାରୀରିକ ଶିକ୍ଷା ନିରୀକ୍ଷକ ଶତ୍ରୁଘ୍ନ ମଲ୍ଲିକ ଆଦି ଉପସ୍ଥିତ ଥିଲେ ।