Related Contents

ବିଷପିଇ ଦିଅର ଭାଉଜଙ୍କ ଆତ୍ମହତ୍ୟା

ରିପୋର୍ଟ: ବିମଳେନ୍ଦୁ ସାହୁ
ଲୋଇସିଂହା (୧୧/୦୬): ବିଷ ପିଇ ଦିଅର ଭାଉଜ ଆତ୍ମହତ୍ୟା କରିବା ଘଟଣା ସାଧାରଣରେ ଆଲୋଡନ ସୃଷ୍ଟି କରିଛି ।

ସୂଚନା ମତେ ଲୋଇସିଂହା ଥାନା ବୁର୍ଡା ପଂଚାୟତ ସିଆଲବାହାଲି ଗ୍ରାମର ଲତିରାମ ଧରୁଆଙ୍କ ଦୁଇ ପୁଅ ଭକ୍ତ ଧରୁଆ(୩୨) ଓ ମାଗି ଧରୁଆ । ଉଭୟ ଜନ୍ମରୁ ବାକ ଶକ୍ତିହୀନ ଥିବାରୁ କଥା କହି ପାରନ୍ତି ନାହିଁ । ଆଜି ସକାଳେ ଭକ୍ତ ଏବଂ ମାଗିଙ୍କ ସ୍ତ୍ରୀ ତଥା ଭକ୍ତଙ୍କ ଭାଉଜ ସରସ୍ୱତୀ (୨୫) କୌଣସି କାରଣରୁ ବିଷ ପିଇ ଦେଇଥିଲେ । ପରିବାର ଲୋକେ ଏହା ଜାଣିପାରି ଉଭୟଙ୍କୁ ବଲାଙ୍ଗୀର ଡାକ୍ତରଖାନାରେ ଭର୍ତ୍ତି କରିଥିଲେ ହେଁ ମାତ୍ରାଧିକ ବିଷକ୍ରିୟା ଯୋଗୁଁ ଉଭୟଙ୍କ ମୃତ୍ୟୁ ହୋଇ ଯାଇଥିଲା । ଲୋଇସିଂହା ପୋଲିସ ଶବ ଜବତ କରି ବ୍ୟବଚ୍ଛେଦ ପାଇଁ ପଠାଇ ଥିବା ବେଳେ ପୃଥକ ପୃଥକ ଭାବେ ଦୁଇଟି ଅପମୃତ୍ୟୁ ମାମଲା ରୁଜୁ କରିଛି । ପାରିବାରିକ କଳହ ଅଥବା ଅବୈଧ ପ୍ରେମ ସମ୍ପର୍କ ଯୋଗୁଁ ଉଭୟେ ଆତ୍ମହତ୍ୟା କରିଥିବା ସନ୍ଦେହ କରାଯାଉଥିବା ବେଳେ ଅଧିକ ତଦନ୍ତ ଜାରି ରହିଥିବା ତଦନ୍ତ ଅଧିକାରୀ ଏଏସଆଇ ପିକେ ପୁରୋହିତ ପ୍ରକାଶ କରିଛନ୍ତି ।

Leave a Reply

This site uses Akismet to reduce spam. Learn how your comment data is processed.