Related Contents

ଆନ୍ଧ୍ର ପ୍ରଦେଶ ଚାଷୀଙ୍କ ଗୁଣୁପୁର ଅଂଚଳରେ ସରକାରୀ ଜମି ଅକ୍ତିଆର

ରିପୋର୍ଟ: ଜିଲ୍ଲା ପ୍ରତିନିଧି ଅମୁଲ୍ୟ ନିସଙ୍କ
ରାୟଗଡା(୧୦/୦୬): ରାୟଗଡ଼ ଜ଼ିଲ୍ଲାର ଗୁଣୁପୁର ଉପଖଣ୍ଡରେ ଆନ୍ଧ୍ର ପ୍ରଦେଶର ଚାଷୀମାନେ ନିଜର କାୟା ବିସ୍ତାର କରିବାରେ ଲାଗିଛନ୍ତି | ଏହି ଅଂଚଳରେ ସେମାନେ ପ୍ରଥମେ ଲିଜ ସୂତ୍ରରେ କପାଚାଷ ପରେ ପାମ ଅଏଲ ଚାଷ ଆରମ୍ଭ କରି ପର ମୁହୂର୍ତ୍ତରେ ଅଂଚଳ ବାସୀଙ୍କ ଠାରୁ କମ ଦରରେ ଜମି ଖରିଦ କରି ବ୍ୟବସାୟ କରି ବେଶ ଲାଭବାନ ହଉଛନ୍ତି |

କିନ୍ତୁ ବର୍ତ୍ତମାନ ଏକ ଅପ୍ରତିକର ପରିସ୍ଥିତି ସୃଷ୍ଟି କରିଛନ୍ତି ରାମନାଗୁଡ଼ା ବ୍ଲକ ଅଧିନସ୍ଥ ଭାମିନି ପଂଚାୟତର ଲିମାପଦର ଗ୍ରାମର ଏକ ଆନ୍ଧ୍ର ଚାଷୀ | ପୋଖରୀ ହୁଡ଼ାରେ ଥିବା ଶତାଧିକ ତାଳ ଗଛ ସହିତ ବହୁ ଅଶ୍ୱତ୍ଥ ଗଛ କାଟି ଦେଇଛନ୍ତି | ପୋଖରୀ ନିକଟରେ ଥିବା ସରକାରୀ ଜମିକୁ ଜେସିବି ଲଗାଇ ସମତଳ କରିଦେଇଛି | ଲିମାପଦର ଗ୍ରାମବାସୀଙ୍କ ଅଭିଯୋଗ ପରେ ଉପଜ଼ିଲ୍ଲାପାଳ ଘଟଣା ସ୍ଥଳରେ ଏହି କାମକୁ ବନ୍ଦ କରିଦେଇଛନ୍ତି | ଏହାର ତଦନ୍ତ କରି ସଠିକ ତଦନ୍ତ କରିବାକୁ ପଂଚାୟତ ଅଧିକାରୀ ଓ ରାଜସ୍ୱ ବିଭାଗକୁ ନିର୍ଦେଶ ଦେଇଛନ୍ତି | ଆନ୍ଧ୍ର ଚାଷୀ ଜଣକ ଏହି ପୋଖରୀରେ ଦୀର୍ଘ ୨୦୦ବର୍ଷରୁ ଉର୍ଧ୍ଵ ଧରି ରହିଥିବା ତାଳ ଓ ଅଶ୍ୱତ ଗଛକୁ କାଟି ଦେଇଥିଲେ ଓ ସରକାରୀ ଜମି ସମତୁଲ କରିଥିଲେ | ଏ ବିଷୟ ନେଇ ଭାମିନି ସରପଞ୍ଚ ରାମମୂର୍ତ୍ତି ବିଡ଼ିକ ଉପଜ଼ିଲ୍ଲାପାଳ ବି ଏସ ବଳିରାମଙ୍କ ସହ କଥାବାର୍ତା କରିଥିଲେ ଓ ଉପଜ଼ିଲ୍ଲାପାଳ କହିଛନ୍ତି ବିନା ଅନୁମତିରେ ଗଛ କାଟିବା ସହ ସରକାରୀ ଜମି ସମତୁଲ କରିବା ବ୍ୟକ୍ତିଙ୍କ ବିରୋଧରେ ଆଇନ ଅନୁଯାଇ କାର୍ଯ୍ୟନୁଷ୍ଠାନ ଗ୍ରହଣ କରାଯିବ | ଏହି ଅଂଚଳରେ ବ୍ୟପକ ଭାବେ ଏହିପରି କାର୍ଯ୍ୟମାନ ଘଟୁଥିବାର ରାଜସ୍ୱ ବିଭାଗ ଜାଣି ମଧ୍ୟ୍ୟ ନିଦା ବିଷ୍ଣୁ ସାଜିଥିବା ଅଂଚଳବାସି ଅଭିଯୋଗ କରୁଛନ୍ତି |

Comments are closed.