ରିପୋର୍ଟ : ବିରଞ୍ଚି ପ୍ରସାଦ ଶତପଥୀ
ଗୁଣୁପୁର, ତା-(୨୧/୬) : ଆଜି ସ୍ଥାନୀୟ ଗୁଣୁପୁର ଜିଆଇଇଟି ବିଶ୍ୱବିଦ୍ୟାଳୟ ଜାତୀୟ ସେବା ଯୋଜନା ପକ୍ଷରୁ ଆଜି ଅନୁଷ୍ଠାନ ପରିସର ରେ ବିଶ୍ୱ ଯୋଗ ଦିବସ ପାଳିତ ହୋଇଯାଇଛି ।
ଏହି ଅବସରରେ ଯୋଗ ଗୁରୁ ଦୁର୍ଗା ପ୍ରସାଦ ପାଣିଗ୍ରାହୀ ଯୋଗ ଦେଇ ଯୋଗ ର ପ୍ରାଧ୍ୟାନ୍ୟତା ଓ ଶରୀର ପ୍ରତି ଏହାର ଆବଶ୍ୟକତା ବିଷୟରେ କହିବା ସହ ବିଭିନ୍ନ ଯୋଗ ଯଥା ସୂର୍ଯ୍ୟ ନମସ୍କାର, ଭ୍ରମରି, ଅନୁଲୋମ ବିଲୋମ ଆଦି କରାଇ ଥିଲେ । ଗୁଣୁପୁର ଜିଆଇଇଟି ଅନୁଷ୍ଠାନ ର କମ୍ପୁଟର ସାଇନ୍ସ ବିଭାଗ ର ମୁଖ୍ୟ ଡ଼ଃ ସଞ୍ଜୟ କୁମାର କୁଁଅର, ଏମ ବି ଏ ବିଭାଗ ର ଡ଼ିନ ଡ଼ଃ ଜଗଦୀଶ ଏମ, ପ୍ରଫେସର ସତ୍ୟ ନାରାୟଣ ଦାସ, ପ୍ରଫେସର ବ୍ରଜ କିଶୋର ମିଶ୍ର ଯୋଗ ଦେଇଥିଲେ ।
ଜାତୀୟ ସେବା ଯୋଜନା ର ଆବାହକ ଡ଼.ପ୍ରେମାନଶୁ ଶେଖର ରଥ, କ୍ରୀଡା ଅଧିକାରୀ ରବୀନ୍ଦ୍ର କୁମାର ପଣ୍ଡା ପ୍ରମୁଖ ଏହି ଶିବିର କୁ ପରିଚାଳନା କରିଥିଲେ । ଏଥିରେ ଅନୁଷ୍ଠାନ ର ଅଧ୍ୟାପକ, ଛାତ୍ରଛାତ୍ରୀ ବହୁମାତ୍ରାରେ ଅଂଶଗ୍ରହଣ କରି ଯୋଗ ଶିବିରକୁ ସାଫଲ୍ୟ ମଣ୍ଡିତ କରିଥିଲେ ।