ରିପୋର୍ଟ : ସୁଶାନ୍ତ ବେହରା
ବୌଦ୍ଧ, (୧୭/୦୬) : ରାଜ୍ୟ ସରକାର ଓଡିଶାକୁ ଦାଦନ ମୁକ୍ତ ରାଜ୍ୟରେ ଗଡ଼ିବା ପାଇଁ ଡିଣ୍ଡିମ ପିଟୁଥିବା ବେଳେ ବିଭିନ୍ନ ଯୋଜନା ହାତକୁ କେମିତି ନେଇଛନ୍ତି ଆଜି ଏକ ଜ୍ଵଳନ୍ତ ନଗ୍ନ ଚିତ୍ର ଆଜି ହରଭଙ୍ଗା ବ୍ଲକରେ ଦେଖି ବାକୁ ମିଳିଛି l ଓଡ଼ିଆ ଦାଦନ ଶ୍ରମିକଙ୍କ ସଡ଼କ ଦୁର୍ଘଟଣାରେ ସିରିଜ ମୃତ୍ୟୁ ହୋଇଛି l
ଓଡ଼ିଆ ଦାଦନ ଶ୍ରମିକ ପରିବାର ପ୍ରତିପୋଷଣ ପାଇଁ କାମ ଖୋଜି ଦଲାଲ ପାଖରେ ପଡି ତିନି ତିନିଟି ନିରୀହ ମଣିଷ ର ଜୀବନ ଯିବା ଓ ପରିବାର ଉଜାଡି ହେବା ଏହା କ’ଣ ଦାଦନ ମୁକ୍ତ ଯୋଜନା ? ସୂଚନା ଓ ଅଭିଯୋଗ ଅନୁଯାଇ ହରଭଙ୍ଗା ବ୍ଲକ ଲୁଣିବାହାଲ ପଞ୍ଚାୟତ ଅନ୍ତର୍ଗତ ବଘୁଆ କଟା ଗ୍ରାମ ର ଦାଦନ ଦଲାଲ ସୁଶାନ୍ତ ପ୍ରଧାନ ଙ୍କ ପାଇଁ ଆଜି ୩ ଟି ପରିବାର ଉଜାଡି ଯାଇଛି l ଖାଲି ସେତିକି ନୁହେଁ ଏହି ମୃତ ୩ ଜଣଙ୍କ ସମେତ ବୌଦ୍ଧ ଜିଲ୍ଲାରୁ ପ୍ରାୟ ୨୦୦ ଜଣ ବ୍ୟକ୍ତିଙ୍କୁ ବାହାର ରାଜ୍ୟର କମ୍ପାନୀ ଗୁଡିକ ବିକ୍ରି କରିଥିବା ଏଵେ ସୂଚନା ମିଳୁଛି l
ସଡ଼କ ଦୁର୍ଘଟଣାରେ ମୃତ୍ୟୁ ହୋଇଥିବା ଶ୍ରମିକ ମାନଙ୍କୁ ସୁଶାନ୍ତ ପ୍ରଧାନ ତାମିଲନାଡୁ ରାଜ୍ୟର ଚେନାଇ ରୁ ୨୦୦ କିଲୋମିଟର ଦୂର ତୀରଚିନାପଲ୍ଲୀରେ ଥିବା ସୃତି ହାଉସ ପ୍ରାଇଭେଟ ଲିମିଡେଡ଼ ନାମକ ଏକ ଘରୋଇ କମ୍ପାନୀ ର ଟ୍ରାନ୍ସପୋଟିଙ୍ଗ ବିଭାଗରେ ବିକ୍ରି କରିଥିଲେ l ଗତକାଲି କମ୍ପାନୀ ଜିନିଷ ଗାଡ଼ିରେ ଲୋଡ଼ କରି ଏହି ତିନି ଜଣ ଦାଦନ ଶ୍ରମିକ ଯେଉଁମାନେ କି ହରଭଙ୍ଗା ବ୍ଲକ ର ଜିରାଡ଼ ଗ୍ରାମ ର ଅଙ୍ଗଦ ପ୍ରଧାନ, ସାମ୍ପୋଚ ପଞ୍ଚାୟତ ବରଝୁଲି ଗ୍ରାମର ସାନନ୍ଦ ଭୋଇ ଓ ଲୁଣିବାହାଲ ପଞ୍ଚାୟତ ବଘୁଆ କଟା ଗ୍ରାମ ର ଜୟ ଭୋକ୍ତା ଜିନିଷ ଟ୍ରାନ୍ସପୋଟିଙ୍ଗ ପାଇଁ ଯାଇଥିଲେ l
ଯିବା ବାଟରେ ସଡ଼କ ଦୁର୍ଘଟଣାରେ ଘଟଣା ସ୍ଥଳରେ ହିଁ ତିନିଜଣ ଙ୍କ ମୃତ୍ୟୁ ହୋଇଥିବା ଜଣାପଡିଛି l ଏହାକୁ ନେଇ ତାମିଲନାଡୁ ପୋଲିସ ଦଲାଲ ସୁଶାନ୍ତ ପ୍ରଧାନ ଓ ତାଙ୍କ ଭାଇ ନାମରେ ଏକ କେସ ଦାଏର କରି ମୃତ ୩ ଜଣଙ୍କ ଶବକୁ ନେଇ ଆହୁରି ଅନେକ ତଦନ୍ତ ଚଳାଇଛି l ଏହାକୁ ନେଇ ମୃତ ଶରୀର ଗୁଡିକ କିପରି ନିଜ ଭିଟାମାଟିକୁ ଆସିବ ବୌଦ୍ଧ ଜିଲ୍ଲା ପ୍ରଶାସନ କୁ ପରିବାର ଓ ଗ୍ରାମବାସୀ ଦାବି କରିବା ସହିତ ଦଲାଲ ଉପରେ କାର୍ଯ୍ୟାନୁଷ୍ଠାନ ଓ ଆର୍ଥିକ ସହାୟତା ପାଇଁ ଅଭିଯୋଗ ହେଉଛି l