Related Contents

୨୦୦ରୁ ଉର୍ଦ୍ଧ ଡିଟୋନେଟର ନିଷ୍କ୍ରିୟ କଲେ ବିଏସଏଫ ଯବାନ

ରିପୋର୍ଟ: ନୟମି ଖରା
ପଡିଆ, ମାଲକାନଗିରି(୦୩.୦୬.୨୦୧୯): ମାଓବାଦୀ ପ୍ରବଣ ମାଲକାନଗିରି ଜ଼ିଲ୍ଲାର କାଲିମେଳା ସ୍ଥିତ ମାଛ ଯାଆଁଳା ଉତ୍ପାଦନ କେନ୍ଦ୍ର ନିଜସ୍ୱ ପୋଖରୀ ରହିଆସିଛି ଦୀର୍ଘ ଦିନ ହେଲା | ଏହି ପୋଖରୀର ପୁନରୁଉଦ୍ଧାର ହୋଇଥିବା ଯୋଗୁଁ ଏହି ପୋଖରୀ ଧୀରେ ଧୀରେ ସୁଖିବାରେ ଲାଗିଥିଲା | ବିଭାଗୀୟ ନିଷ୍ପତି କ୍ରମେ ଏହି ବର୍ଷ ପୋଖରୀ ସଫା କରି ମାଛ ଯାଆଁଳା ଛାଡିବା ପାଇଁ ସ୍ଥିର କରାଯାଇ ପୋଖରୀ କାମ ଚାଲିଥିବା ସମୟରେ ଉତ୍ତମ ବିଶ୍ୱାସ ନାମକ ଏକ ଶ୍ରମିକ ଏକ ଧଳା ପଲିଥିନି ବସ୍ତା ବାହାରିବା ଦେଖିଥିଲେ |

ଠିକ ଏହିପରି ଅନ୍ୟତିନୋଟି ସ୍ଥାନରେ ଖୋଲାଯାଗାରେ ୨୦୦ରୁ ଉର୍ଧ୍ଵ ଡିଟୋନେଟର ପଡ଼ିଥିବା ଦେଖି ଏହା ଏକ ବିସ୍ପୋରକ ସାମଗ୍ରୀ ଜାଣି ସନ୍ଧେହ କରି ମତ୍ସ୍ୟ ସମ୍ପ୍ରସାରଣ ଅଧିକାରୀ ସମୀର ଦାସଙ୍କୁ ଜଣାଇଥିଲେ | ପରବର୍ତୀ ସମୟରେ ପୋଲିସକୁ ଜଣାଇଥିଲେ | ଥାନା ଅଧିକାରୀ ଚନ୍ଦ୍ର ଶେଖର ଶବର ଓ ତାଙ୍କ ଟିମ ପହଂଚି ଘଟଣାର ପ୍ରାଥମିକ ତଦନ୍ତ କରି ଏମଭି ୭୯ସ୍ଥିତ ୧୨୨ବିଏସଏଫ ବାଟାଲିୟନକୁ ଜଣାଇଥିଲେ | ବିଏସଏଫ ଡେପୁଟି କୋମାଣ୍ଡେଣ୍ଟ ବିଜୟ କୁମାର, ଇନ୍ସପେକ୍ଟର ଆର ସି ଯାଦବ, ଏସ ପାତ୍ର ସନ୍ଧାନୀ କୁକୁର ଓ ବୋମା ନିଷ୍କ୍ରିୟ ଦଳଙ୍କ ସହିତ ଘଟଣା ସ୍ଥାନରେ ପହଂଚଥିଲେ | ବାହାରେ ଖୋଲାରେ ପଡ଼ିଥିବା ଡିଟୋନେଟର ଗୁଡିକୁ ଜବତ କରିଥିଲେ ମାତ୍ର ବସ୍ତା ମଧ୍ୟରେ ଥିବା ଡିଟୋନେଟର ଗୁଡିକୁ ବାହାରକୁ ଆଣିଲେ ବିସ୍ପୋରଣ ଆଶଙ୍କା କରି ପୋଖରୀ ଭିତରେ ଗାତ ଖୋଲି ପୋତି ବିସ୍ପୋରଣ କରିଦେଇଥିଲେ |

ବର୍ତମାନ ଗୋଟିଏ ପ୍ରଶ୍ନ ଉଠିଛି କିଏ କେଉଁ ଉଦେଶ୍ୟରେ ଆଣି ଏହିଠାରେ ରଖିଥିଲେ ତାହାସ୍ପଷ୍ଟ ହୋଇପାରିନାହିଁ | ପ୍ରଥମ ପ୍ରଶ୍ନ ମାଓବାଦୀ ହିଁ ଏହାକୁ କୌଣସି ବ୍ୟକ୍ତିଙ୍କ ଜରିଆରେ ଆଣିଥିଲେ କିନ୍ତୁ ନେଇ ନ ପାରିବାରୁ ଏହିଠାରେ ଛାଡି ଚାଲିଗଲେ ନା ପାହାଡ଼ର ପଥର କୁଆଁରୀରେ ବିସ୍ପୋରଣ କରି ପଥର ସଂଗ୍ରହ କରି ନେବା ପାଇଁ ଏହି ଡିଟୋନେଟର ଆଣିଥିଲେ ତାହା ତଦନ୍ତ ସାପେକ୍ଷ ବୋଲି ପୋଲିସ କହୁଛି |

Comments are closed.