Related Contents

ମାଲକାନଗିରି ଜିଲ୍ଲାରେ ଆନ୍ତରାଜ୍ୟ ଗଞ୍ଜେଇ ମାଫିଆ ସକ୍ରିୟ

ରିପୋର୍ଟ: ଜିଲ୍ଲା ପ୍ରତିନିଧି-ଅସୀମ ବିଶ୍ୱାସ
ମାଲକାନଗିରି(୦୧/୦୬/୨୦୧୯): ମାଲକାନଗିରି ଜିଲ୍ଲା ପୋଲିସ ବିଭାଗକୁ ୧୦୯କିଲୋଗ୍ରାମ ଗଂଜେଇ ସହ ଦୁଇ ଜଣ ଆସମୀକୁ ଗିରଫ କରିବାରେ ସଫଳ ହୋଇଛି ।

ପୂର୍ବରୁ ସୂଚନା ଆଧାରରେ ପୋଲିସ ବିଭାଗ ଆଇ ଆଇ ସି ରଞ୍ଜନ କୁମାର ସାହୁଙ୍କ ନେତୃତ୍ୱରେ ସତର୍କତା ସହ ଯାଞ୍ଚ କରିଥିଲେ । ଗୋଟିଏ ପିକ୍ପଭ୍ୟାନ CG18CH6341 ଛତିଶଗଡ଼ ନମ୍ବର ଥିବା ଗାଡି ଯାଞ୍ଚ ସମୟରେ ପ୍ରାୟ୨୦ଲକ୍ଷରୁ ଅଧିକ ମୂଲ୍ୟର ଗଞ୍ଜେଇ ଜିଲ୍ଲା ପୋଲିସ ଜବତ କରିଥିଲେ । ଆହୁରି ଅଧିକ ଜେରା ସମୟରେ ପଡୋଶୀ ଛତିଶଗଡ଼, ତେଲେଙ୍ଗନା ଓ ଆନ୍ଧ୍ରପ୍ରଦେଶର କିଛି ଅସାଧୁ ବ୍ୟବସାୟୀ ଜିଲ୍ଲାରେ ହେଉଥିବା ଗଂଜେଇ କାରବାରରେ ସମ୍ପୃକ୍ତ ଥିବା ଜଣାପଡିଛି । ଆଦିବାସୀ ଅଧ୍ୟୁଷିତ ଓ ନକ୍ସଲ ପ୍ରଭାବିତ ମାଲକାନଗିରି ଜିଲ୍ଲାରେ ନିରୀହ ଆଦିବାସୀ ଓ ଗରିବ ଲୋକଙ୍କୁ ଟଙ୍କା ପଇସାର ଲୋଭ ଦେଖାଇ ଗଞ୍ଜେଇ ଚାଷରେ ନିୟୋଜିତ କରାଇଥାନ୍ତି । ଏ ବାବଦରେ ଆଜି ଏକ ପୋଲିସ ତରଫରୁ ସାମ୍ବାଦିକ ସମ୍ମିଳନୀରେ ଏସ ଡ଼ି ପି ଓ ଶ୍ରୀ ଋଷିକେଶ ଡ଼ି. ଖିଲାରି କହିଥିଲେ ଯେ ଜିଲ୍ଲାରେ ହେଉଥିବା ଗଞ୍ଜେଇ କାରବାରରେ ଅନ୍ତରାଜ୍ୟ ମାଫିଆଙ୍କ ସମ୍ପୃକ୍ତ ରହିଛି ।

ଜିଲ୍ଲାର ପରିସୀମା ଅଧିକାଂଶ ତିନୋଟି ରାଜ୍ୟସହ ଲାଗିଥିବାରୁ ପଡୋଶୀ ରାଜ୍ୟରୁ କିଛି ଲୋକ ଗିରଫ ପରେ ଗଂଜେଇ କାରବାରର ଗୁମର ଫିଟିଛି । ବିଗତ ଏକ ବର୍ଷ ମଧ୍ୟରେ ପାଖାପାଖି ୨୩ଟି ଗାଡି, ୬୪ଜଣ ଅଭିଯୁକ୍ତ ସହ ପ୍ରାୟ ୮୨୦୦ କିଲୋ ଗଂଜେଇ ଜବତ ହୋଇଥିବା ପ୍ରକାଶ କରିଛନ୍ତି ।

Comments are closed.