Related Contents

ଗୁଳିମାଡ ଘଟଣାରେ ଯୁବକ ଗୁରୁତର, କୋଟପାଡ଼

କୋଟପାଡ଼,କୋରାପୁଟ(ଓଡିଶା ନ୍ୟୁଜ୨୪): କୋରାପୁଟ ଜିଲ୍ଲା କୋଟପାଡ ବ୍ଲକ ବତାସନା ପଂଚାୟତର କସମଗୁଡା ଗ୍ରାମରେ ଗତକାଲି ରାତିରେ ଏକ ଗୁଳିକାଣ୍ଡ ଘଟଣାରେ ଜଣେ ଯୁବକ ଗୁରୁତର ଆହତ ହୋଇ ଛତିଶଗଡର ରାୟପୁର ମେଡିକାଲ କଲେଜରେ ଚିକିତ୍ସିତ ହେଉଛନ୍ତି ।

ସୂଚନା ଅନୁଯାୟୀ କସମଗୁଡା ଗ୍ରାମର ସତୀଶ ଗୁପ୍ତା ନାମକ ଯୁବକ ଗରମ ଯୋଗୁଁ ରବିବାର ରାତିରେ ଘର ବାରଣ୍ଡାରେ ଏକ ଖଟିଆ ପକାଇ ମୋବାଇଲ ଫୋନରେ ବ୍ୟସ୍ତ ଥିଲେ । ସେତେବେଳକୁ ଏକ ବାଇକରେ ତିନିଜଣ ଯୁବକ ଆସି ସତୀଶଙ୍କୁ ଟଙ୍କା ମାଗିଥିଲେ, ସେ ନ ଦେବାରୁ ପିଠିରେ ଗୁଳି ଚଳାଇ ଚାଲି ଯାଇଥିବା ଅଭିଯୋଗ ହୋଇଛି । ଯୁବକଙ୍କ ଚିକ୍ରାର ଶୁଣି ପରିବାର ଲୋକ ଓ କେତେକ ଗ୍ରାମବାସୀ ଘଟଣା ସ୍ଥଳରେ ପହଂଚି ରକ୍ତ ଜୁଡୁବୁଡୁ ଅବସ୍ଥାରେ ସତୀଶକୁ ଆମ୍ବୁଲାନସ ସାହାଯ୍ୟରେ ପ୍ରଥମେ କୋଟପାଡ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତି କରାଯାଇଥିଲା । ଅବସ୍ଥା ସଙ୍କଟାପନ୍ନ ଥିବାରୁ କୋଟପାଡରୁ ଛତିଶଗଡର ଜଗଦଲପୁର ନିକଟ ଡୁମରାପାଲ ମେଡିକାଲ କଲେଜ ଓ ହସ୍ପିଟାଲକୁ ସ୍ଥାନାନ୍ତର କରାଯାଇଥିଲା ।

Comments are closed.