Related Contents

ଖାଉଟି କଲ୍ୟାଣ (ଯୋଗାଣ) ବିଭାଗରୁ ଓଡିଶା ବିଧାନସଭା

ରାୟଗଡ଼ ଜ଼ିଲ୍ଲା ପ୍ରତିନିଧି (ଅମୁଲ୍ୟ ନିଶଙ୍କ): ରାଜ୍ୟ ରାଜନୀତିରେ କୋରାପୁଟ ଲୋକସଭା କ୍ଷେତ୍ରର ଗୁଣୁପୁର ବିଧାନସଭା କ୍ଷେତ୍ର ପ୍ରାର୍ଥୀ ଚୟନକୁ ନେଇ ଚର୍ଚ୍ଚାରେ ରହିଅଛି | ଗତ ୮ ଗୋଟି ନିର୍ବାଚନରେ ୮ଟି ନୁଆଁ ମୁହଁ ଦେଖିବାକୁ ମିଳିଛି | ଗତ ୨୦୧୯ ନିର୍ବାଚନ ମଧ୍ୟ୍ୟ ଏଥିରୁ ବାଦ ପଡ଼ିନାହିଁ |

ବିଜେଡି ତରଫରୁ ନୂଆ ଚେହେରା ରଘୁନାଥ ଗମାଙ୍ଗ ବିଜେପି ତରଫରୁ ଶିଶିର ଗମାଙ୍ଗ ଙ୍କୁ ଦଳୀୟ ପ୍ରାର୍ଥୀ ରୂପେ ଟିକେଟ ଦିଆଯାଇଥିଲା | ବିଜେଡି ବିଧାୟକ ତ୍ରିନାଥ ଗମାଙ୍ଗ ସ୍ୱାଧୀନ ଭାବେ ବିଜେଡି ବିଦ୍ରୋହୀ ରୂପେ ଠିକ ସେହିପରି ବିଜେପିର ଟାଣୁଆ ନେତା ରାମମୂର୍ତ୍ତି ମୁଁଟୁକା ସ୍ୱାଧୀନ ଭାବେ ବିଜେପି ବିଦ୍ରୋହୀ ରୂପେ ଲଢ଼ିଥିଲେ | ଯଦ୍ୱାରା ଉଭୟ ଦଳର ଭୋଟ ବିଭାଜନ ହୋଇଥିଲେ ମଧ୍ୟ୍ୟ ଗୁଣୁପୁର ଭୋଟରଙ୍କ ମଧ୍ୟରେ କିଛିପ୍ରଭାଵ ପଡ଼ିନାହିଁ | ଅପର ପକ୍ଷେ ପ୍ରତି ନିର୍ବାଚନରେ ନୂଆ ମୂହଁ ଦେଖୁଥିବା ଗୁଣୁପୁର ଭୋଟରଙ୍କ ଉପରେ ବିରୋଧୀଙ୍କ ରଣକୌଶଳ ଫେଲ ମାରି ଶେଷରେ ଭୋଟ ଯାଇଥିଲା ଯୋଗାଣ ବିଭାଗରୁ ଆସି ବିଧାୟକ ଲଢ଼ୁଥିବା ପ୍ରାର୍ଥୀ ରଘୁନାଥ ଗମାଙ୍ଗଙ୍କ ସପକ୍ଷରେ | ପରିଶେଷରେ ବିଜେଡି ପ୍ରାର୍ଥୀ ରଘୁନାଥ କଂଗ୍ରେସ ପ୍ରାର୍ଥୀ ପୁରୁଷୋତ୍ତମ ଗମାଙ୍ଗଙ୍କୁ ପରାସ୍ତ କରି ବିଜୟ ହାସଲ କରିଥିଲେ | ବିଜେଡିର ରଘୁନାଥ ୪୮୭୬୫, କଂଗ୍ରେସର ପୁରୁଷୋତ୍ତମ ୪୨୫୨୨ ଓ ସ୍ୱାଧୀନ ପ୍ରାର୍ଥୀ ତ୍ରିନାଥଙ୍କୁ ୨୬୨୮୨ଖଣ୍ଡ ଭୋଟ ମିଳିଥିଲା | ବିଜେଡି ପ୍ରାର୍ଥୀ ୬୨୪୩ ଖଣ୍ଡ ଭିତରେ କଂଗ୍ରେସ ପ୍ରାର୍ଥୀଙ୍କୁ ପରାସ୍ତ କରିଥିଲେ | ଚାକିରୀ ଛାଡି ପ୍ରଥମ ଥର ରାଜନୀତିରେ ଭାଗ ନେଇ ଶ୍ରୀ ରଘୁନାଥ ବିଜୟ ହାସଲ କରି ବିଧାନସଭାକୁ ନିର୍ବାଚିତ ହୋଇଛନ୍ତି | ଏଥି ପୂର୍ବରୁ ସେ ଯୋଗାଣ ବିଭାଗରେ ଯୋଗାଣ ନିରୀକ୍ଷକ ଭାବେ ଚାକରି ଆରମ୍ଭ କରି ଜ଼ିଲ୍ଲା ଯୋଗାଣ ଅଧିକାରୀ ଭାବେ ମାଲକାନଗିରି ଜଗତସିଂପୁର ବଲାଙ୍ଗୀର ଓ ଶେଷରେ ଗଜପିତି ଜ଼ିଲ୍ଲାର ଜ଼ିଲ୍ଲା ଯୋଗାଣ ଅଧିକାରୀ ରୂପେ କାର୍ଯ୍ୟ କରିଆସୁଥିଲେ |

Comments are closed.