Related Contents

ବିଦ୍ୟୁତ ତାର ସଂସ୍ପର୍ଶରେ ଆସି ୩ଗାଈ ସମେତ ବଳଦ ମୃତ

ବୋଡେ଼ନ(ଓଡିଶା ନ୍ୟୁଜ୨୪): ନୂଆପଡ଼ା ଜିଲ୍ଲା ବୋଡ଼େନ ଥାନା ଅଧୀନରେ ଥିବା କରଙ୍ଗାମାଲ ଠାରେ ବିଦ୍ୟୁତ୍ ସଂସ୍ପର୍ଶରେ ଆସି ୩ଗାଈ ସମେତ ଗୋଟିଏ ବଳଦର ମୃତ୍ୟୁ ହୋଇଛି ।

ସୂଚନା ଅନୁସାରେ ସିନାପାଲି, ବାବେବିର୍ ଦେଇ କରଙ୍ଗାମାଲ ଆସିଥିବା ୩୩କେଭି ତାର ତଳକୁ ଓହଳି ରହିଥିଲା | ଏନେଇ ଗ୍ରାମବାସୀ ବିଦ୍ୟୁତ୍ ବିଭାଗକୁ ମରାମତି ପାଇଁ ବାରମ୍ବାର ଜଣାଇଥିଲେ କିନ୍ତୁ ବିଦ୍ୟୁତ୍ ବିଭାଗ ପକ୍ଷରୁ ମରାମତି ପାଇଁ କୌଣସି ପଦକ୍ଷେପ ନଆଯାଇ ନ ଥିଲା । ଗତ ଗୁରୁବାର ଦିନ କାଳବୈଶାଖୀ ବର୍ଷା ସହ ଝଡ ତୋଫାନ ହେବା ଦ୍ୱାରା ବିଦ୍ୟୁତ୍ ଖୁଣ୍ଟରୁ ଉଚ୍ଚ କ୍ଷମତା ସମ୍ପନ୍ନ ବିଦ୍ୟୁତ୍ ତାର ଛିଣ୍ଡି ତଳେ ପଡ଼ିଥିଲା । ଶନିବାର ସକାଳୁ ସକାଳୁ ସୁବାସ ଚନ୍ଦ୍ର ପଣ୍ଡାଙ୍କ ବଳଦ ଚରିବାକୁ ଯାଇଥିବା ସମୟରେ ବିଦ୍ୟୁତ୍ ତାର ସଂସ୍ପର୍ଶରେ ଆସିବାରୁ ଘଟଣା ସ୍ଥଳରେ ହିଁ ମୃତ୍ୟୁ ହୋଇଯାଇଥିଲା । ସେହିପରି ଅମର ସିଂ ବାଗ, ଲୋକନାଥ ପଣ୍ଡା ଓ ମଙ୍ଗଳମୟ ପଣ୍ଡାଙ୍କ ଆସନ୍ନ ପ୍ରସବା ଥିବା ୩ଟି ଗାଈ ମଧ୍ୟ ବିଦ୍ୟୁତ୍ ସଂସ୍ପର୍ଶରେ ଆସି ମୃତ୍ୟୁ ବରଣ କରିଛନ୍ତି । ପ୍ରକାଶ ଯେ ବିଦ୍ୟୁତ୍ ବିଭାଗ ଦୀର୍ଘ ୩୫ବର୍ଷର ପୁରୁଣା ବିଦ୍ୟୁତ୍ ତାରକୁ ବଦଳାଯାଇ ନ ଥିବାବେଳେ ବିଭିନ୍ନ ସମୟରେ ବିଦ୍ୟୁତ୍ ତାର ଛିଣ୍ଡି ବହୁ ଧାନ ଜୀବନ ନଷ୍ଟ ହେଉଛି ।ବିଦ୍ୟୁତ୍ ବିଭାଗ ତରଫରୁ ତାର ଯାଇଥିବା ସ୍ଥାନରୁ ଡାଳପତ୍ର କାଟି ସଫା ରଖିବା କଥା କିନ୍ତୁ ବିଦ୍ୟୁତ୍ ବିଭାଗ ତରଫରୁ ଅବହେଳା କରାଯାଉଛି । ପ୍ରଶାସନ ଏଥିପ୍ରତି ଦୃଷ୍ଟିଦେଇ ସମସ୍ୟାର ସମାଧାନ ସହ ମୃତ ଗୋରୁ ଗାଈ ମାଲିକଙ୍କୁ କ୍ଷତି ପୂରଣ ଦେବାକୁ ଅଞ୍ଚଳବାସି ଦାବୀ କରିଛନ୍ତି ।

Comments are closed.