ରିପୋର୍ଟ : ଧ୍ରୁବରାଜ ମିଶ୍ର
ସୁବର୍ଣ୍ଣପୁର, (୭/୬) : ସୁବର୍ଣ୍ଣପୁର ଜିଲ୍ଲାପାଳ ଅବୋଲୀ ସୁନିଲ ନରୱଣେ ଙ୍କ ଅଧ୍ୟକ୍ଷତା ରେ ଜିଲ୍ଲପାଳ ଙ୍କ କାର୍ଯ୍ୟାଳୟ ପରିସରରେ ଜିଲ୍ଲା ଅବକାରୀ ଅଧିକ୍ଷକ ଙ୍କ ଅକାଳ ବିୟୋଗରେ ଆଜି ସକାଳେ ଏକ ସ୍ମୃତି ଚାରଣ ସଭା ସହ ଅମର ଆତ୍ମା ର ସତଗତି ନିମନ୍ତେ ୨ ମିନିଟ ନିରବ ପ୍ରାର୍ଥନା କରାଯାଇଥିଲା l
ଜିଲ୍ଲା ଅବକାରୀ ଅଧିକ୍ଷକ ସ୍ୱର୍ଗତ ସାମୁଏଲ ଏକ୍କା ସୁବର୍ଣ୍ଣପୁର ଜିଲ୍ଲରେ ପ୍ରାୟ ୩ ବର୍ଷ ହେବ ଅବକାରୀ ଅଧିକ୍ଷକ ଭାବେ ନିଷ୍ଠାର ସହିତ କାର୍ଯ୍ୟ ନିର୍ବାହ କରୁଥିଲେ, ସେ ଯକୃତ ରୋଗ ରେ ପୀଡିତ ହେତୁ ହାଇଦ୍ରାବାଦ ର ଏକ ଘରୋଇ ଚିକିତ୍ସାଳୟ ରେ ଚିକିତ୍ସା ହେଉଥିବା ସମୟରେ ତା ୦୫/୦୬/୨୨ ତାରିଖ ରାତ୍ରିରେ ମୃତ୍ୟୁ ଘଟିଥିବା ସୂଚନା ମିଳିଛି l
ମରାଶରୀର ର ଅନ୍ତିମ ସଂସ୍କାର ପୈତୃକ ଗ୍ରାମ ସୁନ୍ଦରଗଡ ଜିଲ୍ଲା ଅନ୍ତର୍ଗତ ଭାଲୁଲତା ଠାରେ କରାଯାଇଥିବା ସୂଚନା ମିଳିଛି l ଆଜିର ଏହି ଦୁଃଖଦ କାର୍ଯ୍ୟକ୍ରମ ରେ ଅତିରିକ୍ତ ଜିଲ୍ଲପାଳ ସୂର୍ଯ୍ୟନାରାୟଣ ଦାଶ, ତଥା ଜିଲ୍ଲପାଳ ଙ୍କ କାର୍ଯ୍ୟାଳୟ ର ସମସ୍ତ ବିଭାଗୀୟ ଅଧିକାରୀ ଓ କର୍ମଚାରୀ ଯୋଗଦାନ କରି ନିରବ ପ୍ରାର୍ଥନା ସହ ତାଙ୍କ କର୍ମମୟ ଜୀବନ ର ସ୍ମୃତି ଚାରଣ ପୂର୍ବକ ଗଭୀର ଶ୍ରଦ୍ଧାଞ୍ଜଳି ଜ୍ଞାପନ କରିଥିଲେ l