ରିପୋର୍ଟ : ସନ୍ତୋଷ କୁମାର ନାୟକ
ବଲାଙ୍ଗୀର/ଟିଟିଲାଗଡ, ତା (୦୬/୦୬) : ବଲାଙ୍ଗୀର ଜିଲ୍ଲା ଟିଟିଲାଗଡ ଥାନା ଅନ୍ତର୍ଗତ ଭୋଇଏସଲାଡ଼ ଗ୍ରାମରେ ଯୌତୁକ କୁ କେନ୍ଦ୍ର କରି ସପରିବାର ମିଶି ବୋହୁ କୁ ଆକ୍ରମଣ ଅଭିଯୋଗ ହୋଇଛି ।
ପ୍ରାପ୍ତ ସୂଚନା ଅନୁଯାୟୀ ଟିଟିଲାଗଡ ଥାନା ଅନ୍ତର୍ଗତ ବାହ୍ମଣୀପଡା ଗ୍ରାମ ର ମମତା ଭୋଇ ନିକଟସ୍ଥ ଭୋଇଏସଲାଡ଼ ଗ୍ରାମ ର ମୀନକେତନ ଭୋଇ ଙ୍କୁ ଵିଵାହ କରିଥିଲେ । ତିନି ବର୍ଷୀୟ ଏକ ପୁତ୍ର ସନ୍ତାନ ଥିବା ବେଳେ ବିବାହ ଦିନ ଠାରୁ ମମତା ଙ୍କୁ ଯୌତୁକ କୁ କେନ୍ଦ୍ର କରି ନାନା ପ୍ରକାର ର ନିର୍ଯ୍ୟାତନା ମାନ ଦେଇ ଆସୁଥିବା ବେଳେ ଗତ ରବିବାର ରାତିରେ ମମତା ଙ୍କ ଶାଶୁ, ତାଙ୍କ ବଡ଼ ଶାଶୁ ଓ ନଣନ୍ଦ ମିଶି ଆକ୍ରମଣ କରି ଜୀବନରେ ମାରିଦେବା ଧମକ ଦେଇଥିବା ଅଭିଯୋଗ କରିଛନ୍ତି । ଏପରି କି ଉକ୍ତ ମାଡ଼ ଧର କରୁଥିବା ବେଳେ ତାଙ୍କ ସ୍ୱାମୀ ମଧ୍ୟ ସହଯୋଗ କରୁଥିବା ଟିଟିଲାଗଡ ଥାନାରେ ଲିଖିତ ଅଭିଯୋଗ କରିଛନ୍ତି ।
ମମତା ଙ୍କ ଶରୀରରେ ବେଶ ହତା ହତ ଚିହ୍ନ ମାନ ରହିଥିବା ବେଳେ ପୋଲିସ ତାଙ୍କୁ ଏକ ମାମଲା ରୁଜୁ କରି ଡାକ୍ତରଖାନା ପଠେଇ ଥିବାବେଳେ ଡ଼ଃ କୃଷ୍ଣଚନ୍ଦ୍ର ପାଲ ଡାକ୍ତରୀ ମାଇନା କରିଛନ୍ତି । ପୋଲିସ ଏ ନେଇ ସବିଶେଷ ତଦନ୍ତ ଚଳାଇ ଥିବା ବେଳେ ମମତା ଓ ତାଙ୍କ ପରିବାର ଲୋକେ ଦୃଢ଼ କାର୍ଯ୍ୟାନୁଷ୍ଠାନ ଦାବି କରିଛନ୍ତି ।