Related Contents

ପାଣି ଓ ଚାଷ ର ବାଟ ଓଗାଳୁଛି ନିଳଗିରି

ଲମତାପୁଟ(କପିଳେନ୍ଦ୍ରଦେବ ସାମନ୍ତରାୟ): ପିଇବା ପାଣି ଓ ପନିପରିବା ଚାଷ କରିବାର ବାଟ ଓଗାଳୁଛି ନିଳଗିରି ଗଛ । କୋରାପୁଟ ଜିଲ୍ଲାର ଲମତାପୁଟ ବ୍ଲକ ଏକ ଆଦିବାସୀ ଅଧ୍ୟୁଷିତ ଅଞ୍ଚଳ। ଏହି ବ୍ଲକର ୧୫ଟି ପଞ୍ଚାୟତର ୨୬୩ଟି ଗାଁର ପ୍ରାୟ ୪୦-୫୦ଟି ଗାଁର ପାଣି ଯୋଗାଇବା ପାଇଁ ସଂପୂର୍ଣ୍ଣ ଅସମର୍ଥ ସରକାର କାରଣ ଜଳସ୍ତର ହ୍ରାସ ପାଉଥିବା ଯୋଗୁଁ । ବ୍ଲକ ପ୍ରଶାସନ ବର୍ଷକୁ ୮୦ଲକ୍ଷରୁ ଉର୍ଦ୍ଧ ପାନିୟଜଳ ସକାଶେ ଖର୍ଚ୍ଚ କରୁଛନ୍ତି କିନ୍ତୁ ଲୋକ ପାଣି ପାଇ ପାରୁନାହାନ୍ତି ।

ଏ ଅଞ୍ଚଳରେ ଏକର ଏକର ଚାଷଜମିରେ ନିଳଗିରି ଗଛ ଲାଗିଛି । ଚାଷୀମାନେ କିଛି ଟଙ୍କା ଲୋଭରେ ନିଜ ଜମିକୁ ବିକ୍ରୀ କରୁଛନ୍ତି ଓ କିଛି ଚାଷୀ ନିଜେ ନିଜେ ଗଛ ରୋପଣ କରୁଛନ୍ତି । ଲମତାପୁଟ ବ୍ଲକରେ ଚାଷୀ କୁଳ କ୍ଷୟକ୍ଷତି ସହିବା ସହିତ ବିଭିନ୍ନ ପ୍ରକାର ଚାଷ ପ୍ରଣାଳୀ ସମ୍ପୂର୍ଣ୍ଣ ଭାବେ ବନ୍ଦ ହୋଇଯାଇଛି । ଜିଲ୍ଲା ପ୍ରଶାସନ ଜୈବିକ ଚାଷ ପ୍ରଣାଳୀରେ ଚାଷୀ ଚାଷ କରି କିପରି ଉପକୃତ ହେବେ ବିଭିନ୍ନ ଯୋଜନା ସହ ସହାୟତା ଯୋଗାଇବା ପାଇଁ ଆଗେଇ ଆସିଛି । ଏଥିମଧ୍ୟରୁ କିଛି ଏନଜିଓ ଅଞ୍ଚଳରେ ଥିବା ଜୈବିକ ଚାଷ ପ୍ରଣାଳୀରେ ଚାଷୀଙ୍କୁ ପ୍ରଶିକ୍ଷଣ ଦେବାରେ ଲାଗିଛନ୍ତି କିନ୍ତୁ ଅଞ୍ଚଳର ଚାଷୀ ନିଳଗିରି ଗଛ ଦ୍ଵାରା କିଛି ପରିମାଣରେ ଲାଭ ପାଉଥିବା ନେଇ ମୁଖ୍ୟ ଚାଷକୁ ଭୁଲି ଯାଇଛନ୍ତି । ଦିନ ଥିଲା ଏ ଅଞ୍ଚଳରୁ ଅନେକ ପ୍ରକାର ଚାଷ ଧାନ, ମାଣ୍ଡିଆ, ଅଳଷି, ଆଳୁ, ବାଇଗଣ, ଫୁଲକୋବି, ଟମାଟୋ, ଆଦି ଅନେକ ପ୍ରକାରର ପନିପରିବା ବାହାର ରାଜ୍ୟକୁ ରପ୍ତାନି ହୋଇଥିଲା । କିନ୍ତୁ ବିଡ଼ମ୍ବନାର ବିଷୟ ଏବେ ଧିରେଧିରେ ପାଣି ପରିମାଣ କମିବା ସହ ଚାଷ କରିବା ସମ୍ପୁର୍ଣ୍ଣ ଭାବେ ଲୋପ୍ ପାଇ ଗଲାଣି । ସ୍ଥାନୀୟ ବୁଦ୍ଧିଜୀବୀ ମାନେ କହିଛନ୍ତି ଯେ ଆଗାମୀ ଦିନରେ ନିଳଗିରି ଗଛ ଚାଷ ଯଦି ରୋକା ନ ଯାଏ ତାହେଲେ ଚାଷ କରିବା ତ ଦୂରର କଥା ପିଇବା ପାଇଁ ଭି ଟୋପାଏ ପାଣି ମିଳିବନି ।

Leave a Reply

This site uses Akismet to reduce spam. Learn how your comment data is processed.