ମୁରିବାହାଲ ଷ୍ଟେସନରେ କୋଇଲା ବୋଝେଇ ମାଲଗାଡିରେ ନିଆଁ

ମୁରିବାହାଲ(ଭଗବାନ ମହାନ୍ତି /ନିମାଇଁ ଚରଣ ବଘାର): ବଲାଙ୍ଗୀର ଜିଲ୍ଲା ମୁରିବାହାଲ ରେଳଷ୍ଟେସନରେ ଗତକାଲି ହେବାକୁ ଥିବା ଏକ ବଡଧରଣର ଅଗ୍ନି କାଣ୍ଡରୁ ବର୍ତ୍ତୀ ଯାଇଛି ଏକ କୋଇଲା ବୋଝେଇ ମାଲଗାଡ଼ି ଟ୍ରେନ | ଯାହାର ବଗି ସଂଖ୍ୟା (୨୪୧୨୧୮୧୦୫୪୬)ରେ ଧୂଆଁ ଉଠୁଥିବା ଦେଖି ମୁରିବାହାଲ ଷ୍ଟେସନ ମାଷ୍ଟର ଟ୍ରେନକୁ ଅଟକାଇଥିଲେ |

ଟିଟିଲାଗଡ଼ରୁ ରାୟପୁର ଅଭିମୁଖେ ଯାଉଥିବା ଏହି ରେଳଗାଡ଼ି ସଂଧ୍ୟା ୬ଟାରେ ଷ୍ଟେସନକୁ ପହିଞ୍ଚିବା ପରେ କୌଣସି କାରଣ ବଶତଃ ମାଲଗାଡ଼ିରେ ନିଆ ଲାଗିଯାଇଥିଲା | ରେଳଗାଡ଼ି ବଗିରୁ ଧୁଆଁ ବାହାରୁଥିବା ଦେଖି ରେଳବାହୀ କର୍ତୃପକ୍ଷଙ୍କ ତରଫରୁ ଅଗ୍ନିଶମ ବିଭାଗକୁ ଖବର କରାଯାଇଥିଲା | କିନ୍ତୁ ଦୁର୍ଭାଗ୍ୟର ବିଷୟ ଏୟାଯେ ସନ୍ଧ୍ୟା ୬.୨୦ଟାରୁ ପହଂଚି ଥିବା ଅଗ୍ନିଶମ ବିଭାଗ ରେଳବିଭାଗ ତରଫରୁ ରେଳ ଲାଇନ ଉପରୁ ଯାଇଥିବା ବିଦ୍ୟୁତ ପ୍ରବାହକୁ ବନ୍ଦ ନ କରିବା ଯୋଗୁଁ ବହୁତ ସମୟ ଯାଏଁ ସେଠି ଅପେକ୍ଷା କରି ରହିଥିଲେ ଓ ସନ୍ଧ୍ୟା ୮ଟାରେ ନିଆଁକୁ ଆୟତ୍ତ କରିଥିଲେ | ତେବେ ପ୍ରତ୍ୟେକ୍ଷ ଦର୍ଶୀଙ୍କ କହିବା ଅନୁସାରେ ଯଦି ରେଳଗାଡ଼ିରେ ଲାଗିଥିବା ନିଆଁ ଯଦି ବଡ଼ରୁପ ନେଇଥାନ୍ତା ଏବଂ ଲକ୍ଷ ଲକ୍ଷ ଟଙ୍କାର ସରକାରୀ ଧନସମ୍ପତ୍ତି ନଷ୍ଟ ହୋଇଥାନ୍ତା ତେବେ ଏଥି ପାଇଁ ରେଳ ବିଭାଗ ହିଁ ସମ୍ପୂର୍ଣ ଦାୟୀ ବୋଲି ଜନସାଧାରଣ ମଧ୍ୟରେ ଆଲୋଚନା ଦେଖିବାକୁ ମିଳିଥିଲା |

ଅଗ୍ନିଶମ ଅଧିକାରୀଙ୍କୁ ପଚରା ଯିବାରୁ ସେମାନେ ମଧ୍ୟ ନିଆଁ ଲିଭା ପ୍ରକ୍ରିୟାରେ ବିଳମ୍ବର କାରଣ ରେଳବିଭାଗ ଯୋଗୁଁ ହିଁ ହୋଇଛି ବୋଲି ମତପ୍ରକାଶ କରିଥିଲେ | କଣ୍ଟାବାଞ୍ଜିରୁ ରେଳ କର୍ମଚାରୀ ଆସି ବିଦ୍ୟୁତ ସଂଯୋଗ ବିଛିର୍ଣ୍ଣ କରିବା ପରେ ନିଆଁକୁ ନିୟନ୍ତ୍ରଣ କରାଯାଇଥିଲା |

Comments are closed.