ରିପୋର୍ଟ : ଅକ୍ଷୟ କୁମାର ପିଡ଼ିସିକା
କଲ୍ୟାଣସିଂହପୁର, (୧/୬) : ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକରେ ଥିବା ବୃହଦାକାର ବହୁମୁଖୀ ଆଦିବାସୀ ସମବାୟ ସମିତି ଲି. ଠାରେ ଓଡିଶା ସମବାୟ ସମିତି ନିର୍ବାଚନ ୧୯୯୨ ର ନିୟମ (୫) ଅନୁଯାୟୀ ନିର୍ବାଚନ ଅଧିକାରୀ ଭାବେ କସ୍ତୁରୀ ସନ୍ୟାସୀ ରାଜୁ ଉପସ୍ଥିତରେ ୧୫ ଜଣ ସଭ୍ୟ ସଭ୍ୟା ନାମାଙ୍କନ ପତ୍ର ଦାଖଲ କରିଥିଲେ ।
ଉକ୍ତ ସମିତି ଗଠନ ନିମନ୍ତେ ୧୫ ଗୋଟି ନିର୍ବାଚନ ମଣ୍ଡଳୀରୁ ଜଣେ ଲେଖାଏଁ ସଭ୍ୟ ସଭ୍ୟା ଙ୍କ ନିର୍ବାଚନ ଚୟନ କରାଯିବ । ଆଜି ନିର୍ବାଚନ ଅଧିକାରୀ ନିକଟରେ ନିର୍ଦ୍ଧାରିତ ଫି ଓ ଅମାନତ ସହ ମନୋନୟନ ପତ୍ର ଦାଖଲ କରିଥିଲେ । ଏଥିରେ ୧୫ ଜଣ ସଭ୍ୟ ସଭ୍ୟା ମନୋନୟନ ପତ୍ର ନିର୍ବାଚନ ଅଧିକାରୀ କସ୍ତୁରୀ ସନ୍ୟାସୀ ରାଜୁ ଙ୍କୁ ଦାଖଲ କରିଥିଲେ ।
ତାହାର ତାଲିକା ଅପରାହ୍ନରେ ପ୍ରକାଶନ କରାଯିବ । ୩୧ ତାରିଖରେ ମନୋନୟନ ପତ୍ର ଯାଞ୍ଚହେଇ ୧ ତାରିଖ ରେ ଅଭିଯୋଗ ଶୁଣାଣି ନିର୍ବାଚନ ଅଧିକାରୀ ଙ୍କ ଶୁଣାଣି, ୨ ତାରିଖରେ ଅଭିଯୋଗ ର ଶୁଣାଣି ନିଷ୍ପତି, ୩ ତାରିଖରେ ସଠିକ ତାଲିକା ପ୍ରକାଶ କରାଯିବ । ୪ ତାରିଖରେ ମନୋନୟନ ପତ୍ର ପ୍ରତ୍ୟାହାର କରାଯିବ ଓ ଚୂଡାନ୍ତ ତାଲିକା ପ୍ରକାଶ କରାଯିବ । ଆବଶ୍ୟକ ସ୍ଥଳେ ୧୯ ତାରିଖରେ ନିର୍ବାଚନ ବା ଭୋଟ ସକାଳ ୭ ଟାରୁ ଅପରାହ୍ନ ୪ ଟା ପର୍ଯ୍ୟନ୍ତ କରାଯିବ ବୋଲି ନିର୍ବାଚନ ଅଧିକାରୀ ସୂଚନା ଦେଇଛନ୍ତି ।
ଉକ୍ତ ବୃହଦାକାର ବହୁମୁଖୀ ଆଦିବାସୀ ସମବାୟ ସମିତି ଲି. ରେ ୧୮୩୨ ଭୋଟର ବା ସଦସ୍ୟ ମତଦାନ କରିବେ ବୋଲି ଜଣାପଡିଛି । ଏଥିରେ ୧୫ ଜଣ ସଦସ୍ୟ ଆବଶ୍ୟକତା ରହିଛି । ଏଥିରେ ଲ୍ୟାମ୍ପ ଶାଖା ପରିଚାଳକ ସି. ଏଚ. କୋଟେଶ୍ୱର ରାଓ ସମେତ ସମସ୍ତ କର୍ମଚାରୀ ଉପସ୍ଥିତ ରହି ସହଯୋଗ କରିଥିଲେ ।