ଜିଲ୍ଲା ସ୍ତରୀୟ ବିଶ୍ୱରେଡ଼କ୍ରସ ଦିବସ ପାଳିତ

ମାଲକାନଗିରି ଜିଲ୍ଲା ପ୍ରତିନିଧି(ଅସୀମ ବିଶ୍ୱାସ): ରେଡ଼କ୍ରସର ସ୍ଥାପନା ଜିନ ହେନେରୀ ଡୁନାଣ୍ଟ ଦ୍ୱାରା ୧୮୬୩ ମସିହାରେ କରାଯାଇଥିଲା । ଲୋକଙ୍କ ସେବା ହେଉଛି ରେଡ଼କ୍ରସର ମୁଖ୍ୟ କର୍ତ୍ତବ୍ୟ, ପ୍ରଥମ ଓ ଦୁତୀୟ ବିଶ୍ୱଯୁଦ୍ଧ ସମୟରେ ତାହା ଦେଖିବାକୁ ମିଳିଥିଲା । ୧୯୨୦ ମସିହାରେ ଭାରତରେ ସ୍ଥାପନା ହେଲା ଏହି ସଂସ୍ଥା, ଏବେ ମୋଟ ୧୮୬ଟି ଦେଶରେ ଏହି ସଂସ୍ଥା ଅଛି । ୮ମେ ୧୮୨୮ ଦିନ ଜନ୍ମ ହୋଇଥିଲେ ଜିନ ହନେରୀ ଡୁନାଣ୍ଟ, ତେଣୁ ୮ମେ ଦିନଟାକୁ ବିଶ୍ଵ ରେଡ଼କ୍ରସ ଦିବସ ରୂପେ ପାଳନ କରାଯାଏ ।

ମାଲକାନଗିରିର ସରକାରୀ କନିଷ୍ଠ ବିଜ୍ଞାନ ମହାବିଦ୍ୟାଳୟରେ ମାଲକାନଗିରି ଜିଲ୍ଲା ରେଡ଼କ୍ରସ ବିଭାଗ ତରଫରୁ ଆଜି ଜିଲ୍ଲା ସ୍ତରୀୟ ବିଶ୍ୱ ରେଡ଼କ୍ରସଦିବସ ରୂପେ ପାଳନ କରାଯାଇଛି । ଭାରପ୍ରାପ୍ତ ଅଧ୍ୟକ୍ଷ ରତ୍ନାକର ମିଶ୍ରଙ୍କ ନେତୃତ୍ୱରେ କାର୍ଯ୍ୟକ୍ରମଟି ପରିଚାଳିତ ହୋଇଥିଲା । ଏହି କାର୍ଯ୍ୟକ୍ରମରେ ଜିଲ୍ଲା ରେଡ଼କ୍ରସ ବିଭାଗର ସଂପାଦକ ପ୍ରମୋଦ କୁମାର ବେହେରା ମୁଖ୍ୟବକ୍ତା ଓ ଜିଲ୍ଲା ଶ୍ରମ ଅଧିକାରୀ ମଦନ ମୋହନ ପାଇକ ମୁଖ ଅତିଥି ରୂପେ ଯୋଗ ଦେଇଥିଲେ । ଜିଲ୍ଲା ରେଡ଼କ୍ରସର ଆବାହକ ଡ଼.ରଞ୍ଜନ କୁମାର ସ୍ୱାଇ ସଂମାନିତ ଅତିଥି ରୂପେ ଯୋଗ ଦେଇ ହେନେରୀ ଡୁନାଣ୍ଟଙ୍କ ଅବଦାନ ସମ୍ପର୍କରେ ଆଲୋକପାତ କରିଥିଲେ । ଏହି ଶୁଭ ତିଥି ଅବସରରେ ବିଭିନ୍ନ ମହାବିଦ୍ୟାଳୟର ରେଡ଼କ୍ରସ ବିଭାଗର ପରାମର୍ଶ ଦାତା ମାନଙ୍କୁ ସେମାନଙ୍କର ରେଡ଼କ୍ରସ ପ୍ରତି ଆଗ୍ରହ ଓ ଉତ୍ସର୍ଗୀକୃତ ମନୋଭାବ ପାଇଁ ସଂମାନିତ କରାଯାଇଥିଲା ।

ମାଲକାନଗିରି ମହାବିଦ୍ୟାଳୟର ଡ଼.ରଂଜନ କୁମାର ସ୍ୱାଇଁ ବାଲିମେଳା ମହାବିଦ୍ୟାଳୟର ରେଡ଼କ୍ରସ ପରାମର୍ଶ ଦାତା ପ୍ରେମଚନ୍ଦ ପଟ୍ଟନାୟକ ,ପଡ଼ିଆ ମହାବିଦ୍ୟାଳୟର ରେଡ଼କ୍ରସ ପରାମର୍ଶ ଦାତା ଅମୁଲ୍ୟ ରତ୍ନ, ପଟେରୁ ମହାବିଦ୍ୟାଳୟର ରେଡ଼କ୍ରସ ପରାମର୍ଶ ଦାତା ମାଲବିକ ଜେନାଙ୍କୁ ଜିଲ୍ଲା ରେଡ଼କ୍ରସ ବିଭାଗରୁ ସଂମାନିତ କରାଯାଇଥିଲା । କାର୍ଯ୍ୟକ୍ରମ ଶେଷରେ ମହାବିଦ୍ୟାଳୟର ଛାତ୍ରୀ ମାନେ ଏକ ସୁନ୍ଦର ବଣ୍ଡା ନୃତ୍ୟ ପରିବେଷଣ କରିଥିଲେ । ମହାବିଦ୍ୟାଳୟର ରେଡ଼କ୍ରସ ବିଭାଗର ପରାମର୍ଶ ଦାତା ଡି.ଆଶୀଷ ରାଠୋର କାର୍ଯ୍ୟକ୍ରମରେ ଉପସ୍ଥିତ ସମସ୍ତ ବରିଷ୍ଠ ବ୍ୟକ୍ତି ସାମ୍ବାଦିକ ବନ୍ଧୁ, ଛାତ୍ରଛାତ୍ରୀ ଓ ସହକର୍ମୀ ମାନଙ୍କୁ ଧନ୍ୟବାଦ ଅର୍ପଣ କରିଥିଲେ।

Comments are closed.