ରିପୋର୍ଟ : ସନ୍ତୋଷ କୁମାର ନାୟକ
ବଲାଙ୍ଗୀର, ତା (୨୮/୦୫) : ବଲାଙ୍ଗୀର ଜିଲ୍ଲା ର ମୁରିବାହାଲ ବ୍ଲକ ଅନ୍ତର୍ଗତ ଲେବଡା ହାଇସ୍କୁଲରେ ଭ୍ରାମ୍ୟମାଣ ପାଠାଗାର ଅନୁଷ୍ଠିତ ହୋଇଯାଇଛି । ପିଲାଙ୍କ ନିକଟରେ ପହଞ୍ଚିଲା ଭ୍ରାମ୍ୟମାଣ ପାଠାଗାର ।
ଛାତ୍ରଛାତ୍ରୀଙ୍କ ପ୍ରତି ପୁସ୍ତକ ପଠନ ଆଗ୍ରହ ବୃଦ୍ଧି କରିବା ପାଇଁ ଶିଶୁ ସାହିତ୍ୟି ତଥା ଆବାହକ ବୃନ୍ଦାବନ କୁମ୍ଭାରଙ୍କ ପ୍ରଚେଷ୍ଟାରେ ପିଲାଙ୍କ ନିକଟରେ ଭ୍ରାମ୍ୟମାଣ ପାଠାଗାର ଆଜି ମୁରିବାହାଲ ବ୍ଳକ୍ ସ୍ଥିତ ଲେବଡା ହାଇସ୍କୁଲରେ ପହଞ୍ଚିଛି । ବିଦ୍ୟାଳୟ ର ଭାରପ୍ରାପ୍ତ ପ୍ରଧାନ ଶିକ୍ଷୟିତ୍ରୀ ସ୍ନିଧାମୟୀ ସାହୁ ଅଧ୍ୟକ୍ଷତା କରିଥିଲେ ।
ଏହି ସଭାରେ କୁବେର ଲାଲ ବେହେରା ପୁସ୍ତକ ପଠନ ଦ୍ୱାରା ଶିଶୁ ର ଅନ୍ତଃର୍ନିହିତ ଗୁଣାବଳୀ ର ବିକାଶ ହେବା ସହିତ ଜୀବନ ର ସବୁ ସମୟରେ ପୁସ୍ତକ ସାଥୀ ହୋଇ ରହିବ ବୋଲି ମତ ପ୍ରକାଶ କରିଥିଲେ । ସଭାରେ ଯଶ କୁମାର ସାହୁ ,ସାଧୁଚରଣ ଛତର କାର୍ଯ୍ୟକ୍ରମକୁ ସହଯୋଗ କରିଥିବା ବେଲେ ଯଶ କୁମାର ସାହୁ ଶେଷରେ ଧନ୍ୟବାଦ ଅର୍ପଣ କରିଥିଲେ ।