ରେଡ଼କ୍ରସର ଜନ୍ମଶତବାର୍ଷିକ ଉପଲକ୍ଷେ ଭାଲାମପାଲୀରେ ଉଦଘାଟନ ଉତ୍ସବ

ମାଲକାନଗିରି ଜିଲ୍ଲା ପ୍ରତିନିଧି(ଅସୀମ ବିଶ୍ୱାସ): ମାଲକାନଗିରି ଜିଲ୍ଲା ରେଡ଼କ୍ରସ ଶାଖା ସହଯୋଗରେ ରାଜ୍ୟ ରେଡ଼କ୍ରସ ଶାଖା ତରଫରୁ ପଡ଼ିଆ ବ୍ଲକ ଅନ୍ତର୍ଗତ ଭାଲାମ ପାଲୀ ଗ୍ରାମରେ ଶ୍ରମିକ ଦିବସ ପାଳନ କରାଯାଇଛି |

ଭୁବନେଶ୍ୱରରେ ସ୍ଥିତ ରାଜ୍ୟ ରେଡ଼କ୍ରସ ଶାଖା ତରଫରୁ ପୂର୍ବରୁ ଭାଲାମ ପାଲୀ ଗ୍ରାମକୁ ପୋଷ୍ୟ ଗ୍ରାମ ରୂପେ ଗ୍ରହଣ କରାଯାଇ ଏଠାରେ ଆଦିମ ଯୁଗରୁ ବସବାସ କରୁଥିବା ଆଦିବାସୀ ମାନଙ୍କର ସର୍ବାଙ୍ଗୀନ ଉନ୍ନତି ପାଇଁ ବିଭିନ୍ନ ପଦକ୍ଷେପ ଗ୍ରହଣ କରାଯାଇଛି | ଏହି ଗ୍ରାମରେ ଶ୍ରମିକ ଦିବସ ପାଳନ ପାଇଁ ଏକ ସଭାର ଆୟୋଜନ କରାଯାଇଥିଲା | ଏହି ସଭାରେ ଜିଲ୍ଲା ଶ୍ରମ ଅଧିକାରୀ ମଦନମୋହନ ପାଇକ ମୁଖ୍ୟ ଅତିଥି ଭାବେ ଯୋଗ ଦେଇ ରେଡ଼କ୍ରସର କାର୍ଯ୍ୟର ପ୍ରସଂଶା କରିବା ସହ ଶ୍ରମିକ ଶ୍ରେଣୀ ପାଇଁ ସରକାର ଗ୍ରହଣ କରିଥିବା ବିଭିନ୍ନ ପଦକ୍ଷେପ ସମ୍ପର୍କରେ ବିଷଦ ଆଲୋଚନା କରିଥିଲେ | ଜିଲ୍ଲା ଜରୁରୀ କାଳୀନ ଅଧିକାରୀ ପ୍ରମୋଦ କୁମାର ବେହେରା ମୁଖ୍ୟ ବକ୍ତା ଭାବେ ଯୋଗ ଦାନ କରି ରେଡ଼କ୍ରସ ତରଫରୁ ଗ୍ରହଣ କରାଯାଇଥିବା ବିଭିନ୍ନ ପଦକ୍ଷେପ ସମ୍ପର୍କରେ ଜଣାଇ ଥିଲେ | ସଭାରେ ରେଡ଼କ୍ରସ ରାଜ୍ୟ ଶାଖାର ମାଲକାନଗିରି ଲାଗି ନିୟୋଜିତ କ୍ଷେତ୍ର ଅଧିକାରୀ ଲୀଳା ପୂର୍ଣ୍ଣତୀର୍ଥ ସ୍ୟାଇ ମଧ୍ୟ ଉପସ୍ଥିତ ଥିଲେ |

ସଭା ପରିଚାଳନା ଜିଲ୍ଲା ଯୁବ ରେଡ଼କ୍ରସର ସଂପାଦକ ଡ଼.ରଞ୍ଜନ କୁମାର ସ୍ୟାଇ ଙ୍କ ଦ୍ଵାରା କରାଯାଇଥିଲା | ଏହି ସଭାରେ ରାଜ୍ୟ ରେଡ଼କ୍ରସ ଶାଖା ତରଫରୁ ଶ୍ରମିକଙ୍କ ଶିଶୁ ମାନଙ୍କୁ ବିଦ୍ୟାଳୟ ପାଠପରା ସମ୍ପର୍କିତ ଉପକରଣ ପ୍ରଦାନ କରାଯାଇଥିଲା | ଏହି ସଭାରେ ୧୨୦ରୁ ଅଧିକ ଗ୍ରାମବାସୀ ଉପସ୍ଥିତ ରହି ରେଡ଼କ୍ରସ ଦ୍ବାରା ଗ୍ରହଣ କରାଯାଇଥିବା ବିଭିନ୍ନ ପଦକ୍ଷେପ ସମ୍ପର୍କରେ ସୂଚନା ଗ୍ରହଣ କରିବା ସହ ନିଜର ମତାମତ ରଖିଥିଲେ |

Comments are closed.