Related Contents

ମାଲକାନଗିରି ଏମ.ଭି-୮୨ରେ ଯୁବତୀକୁ ତଣ୍ଟି କାଟି ହତ୍ୟା ଉଦ୍ୟମ

ମାଲକାନଗିରି(ଜିଲ୍ଲା ପ୍ରତିନିଧି ଅସୀମ ବିଶ୍ୱାସ): ମୋଟୁ ଥାନା ଅନ୍ତର୍ଗତ ଏମ.ଭି-୮୨ନଂ ଗ୍ରାମର ପ୍ରଣବ ହାଲଦାରଙ୍କ ଝିଅ ପ୍ରିୟଙ୍କା ହାଲଦାର(୧୯)କୁ ତଣ୍ଟି କାଟି ହତ୍ୟା କରିବାର ଉଦ୍ୟମ ହୋଇଛି ।

ରାତି ପ୍ରାୟ ୧ଘଂଟା ସମୟରେ ୪ଜଣ ଅଜଣା ଯୁବକ ଏହି ଘଟଣାକୁ ଘଟାଇଛନ୍ତି । ଯୁବତୀ ଜଣଙ୍କ ରାତି ୧ଟା ସମୟରେ ଶୌଚାଳୟ ପାଇଁ ବାହାରିଥିଲେ ଏହି ସମୟରେ ହଠାତ ୪ଜଣ ଅଜଣା ଯୁବକ ପ୍ରିୟଙ୍କାଙ୍କ ମୁହଁରେ ଗାମୁଛା ବାନ୍ଧୀ ଘରଠୁ କିଛିବାଟ ଟାଣି ନେଇଯାଇଥିଲେ । ନିକଟରେ ଥିବା ଏକ କୋଠରୀରେ ନେଇ ଘରକୁ ବହାରପଟୁ ବନ୍ଦ କରିଦେଇଥିଲେ । ଯାହା ଫଳରେ କେହି ଘରଠୁ ପଦାକୁ ବାହାରି ପାରିନଥିଲେ । ଯୁବକ ମାନେ ପ୍ରଥମେ ପରିନ ପ୍ରିୟଙ୍କାର ହାତ କାଟିବା ପରେ ତଣ୍ଟିରେ ମଧ୍ୟ ବ୍ଲେଡ଼ ଲଗାଇ ଆଘାତ କରିଥିଲେ । ପ୍ରିୟଙ୍କା ଟଳି ପଡିବା ପରେ ସେମାନେ ସେଠୁ ପଳେଇ ଯାଇଥିଲେ । ପରିବାର ଲୋକ କବାଟ ଖୋଲିଲା ପରେ ବାପା ମା ପ୍ରିୟଙ୍କାଙ୍କୁ ରକ୍ତାକ୍ତ ଅବସ୍ଥାରେ ନିକଟସ୍ଥ ଡାକ୍ତରଖାନାକୁ ନେଇଥିଲେ । ଅବସ୍ଥା ଗୁରୁତର ହେବାରୁ ମାଲକାନଗିରିକୁ ସ୍ଥାନାନ୍ତର କରିଥିଲେ ।

ବର୍ତ୍ତମାନ ପ୍ରିୟଙ୍କାଙ୍କ ସ୍ୱାସ୍ଥ୍ୟ ଭଲ ଅଛି ବୋଲି ଡାକ୍ତର ସୂଚନା ଦେଇଛନ୍ତି । ବର୍ତ୍ତମାନ ସୁଦ୍ଧା ଅଜଣା ଯୁବକଙ୍କ ପରିଚୟ ନ ମିଳିଥିଲେ ମଧ୍ୟ କେଉଁମାନେ ଏହି କାମ କରିଛନ୍ତି ମୋଟୁ ପୋଲିସ ପାଇଁ ଏହା ଏକ ଚାଲେଞ୍ଜ ପାଲଟିଛି ।

Comments are closed.