ଧୁମ୍ ଧାମରେ ପାଳନ ହେଉଛି ଚୈତ୍ର ପର୍ବ

ଲମତାପୁଟ(କପିଳେନ୍ଦ୍ରଦେବ ସାମନ୍ତରାୟ): କୋରାପୁଟ ଜିଲ୍ଲା ଲମତାପୁଟ ବ୍ଲକ ଅଞ୍ଚଳରେ ଗତ ସାତ ଦିନ ଧରି ଧୁମ୍ ଧାମରେ ରେ ପାଳନ କରୁଛନ୍ତି ଚୈତ୍ର ପର୍ବ ।

ପ୍ରତ୍ୟେକ ଗାଁ ମାନଙ୍କରେ ବ୍ୟାଣ୍ଡ ପାର୍ଟି, ମାଇକ୍ ରେ ଗିତ ବଜାଇବା ସହିତ ଆଦିବାସୀ ମାନଙ୍କ ପାରମ୍ପରିକ ବାଦ୍ୟର ତାଳେତାଳେ ନୃତ୍ୟ କରୁଥିବା ଦେଖିବାକୁ ମିଳିଛି । ପର୍ବର ପୁର୍ବ ଦିନ ଗ୍ରାମର ଟିକିଏ ଦୁରରେ ଥିବା ଦେବୀଙ୍କର ପିଠରେ ଯାତ୍ରା କରି ସାରିବା ପରେ ପର୍ବ ଦିନ ଆମ୍ବ ନୁଆ ଖିଆଯାଇଥାଏ । ତାପର ଦିନ ଟିଙ୍ଗିରି ବେଣ୍ଟ ପାଇଁ ଜଙ୍ଗଲକୁ ଯାଇଥିବା ବେଳେ ସ୍ତ୍ରୀ ଲୋକ ମାନେ ରାସ୍ତା ଉପରକୁ ଆସି ରାସ୍ତାରେ ଯାଉଥିବା ଗାଡି ମାନଙ୍କୁ ଅଟକାଇ ପାଜୋର୍ ଆଦାୟ କରିଥାନ୍ତି । ପରେ ବେଣ୍ଟରୁ ଫେରି ଥିବା ପୁରୁଷ ମାନଙ୍କୁ ପାଜୋର ପଇସାରେ ପଣା ତିଆରି କରି ପିଇବାକୁ ଦେଇଥାନ୍ତି ଓ ଟିଙ୍ଗିରି ବେଣ୍ଟର ପର ଦିନ ବଡ଼ ବେଣ୍ଟ କରିଥାନ୍ତି ଓ ଜଙ୍ଗଲକୁ ଯାଇ ବେଣ୍ଟ ଶିକାର କରନ୍ତି । ଏହି ପର୍ବ ବିଶେଷତ୍ଵ ହେଉଛି ଆଠ ଦିନ ପର୍ଯ୍ୟନ୍ତ ବିଲବାଡ଼ରେ କୈାଣସି କାର୍ଯ୍ୟ ହୋଇ ନ ଥାଏ, ବିହନ ଅନୁକୂଳ କରନ୍ତି । ଓ ଆମ୍ବ ନୁଆ ଖାଇ ନାଚ ଗୀତରେ ମସ୍ ଗୁଲ୍ ହୋଇ ଚୈତ୍ର ପର୍ବକୁ ସେସ କରନ୍ତି।

Comments are closed.