ଭୋଟ ବର୍ଜନ କଲେ ବାଲିଗୁଡା ବ୍ଲକର ଚାରୋଟି ଗ୍ରାମର ଛଅ ଶହରୁ ଉର୍ଦ୍ଧ୍ବ ଭୋଟର

ବାଲିଗୁଡା(ବିଭୁତି ଲହରିଆ): କନ୍ଧମାଳ ଜିଲ୍ଲାରେ ଦ୍ଵିତୀୟ ପର୍ଯ୍ୟାୟ ଭୋଟ୍ ଗ୍ରହଣ ଚାଲିଥିବା ବେଳେ ବାଲିଗୁଡା ନିର୍ବାଚନ ମଣ୍ଡଳୀର ବାଲିଗୁଡା ବ୍ଳକ ଅନ୍ତର୍ଗତ ବାଟାଗୁଡା ଗ୍ରାମପଞ୍ଚାୟତର ବୁଥ୍ ନମ୍ବର ୫୨ର ଗଙ୍ଗେରୀ ୧୦ନମ୍ବର ୱାଡ ଟଙ୍ଗମ ୧୧ନମ୍ବର ୱାଡର ଗଙ୍ଗେରୀ ଡୁକ୍ଲାମିଲା ପଲସିମିଲା ଟଙ୍ଗମ ଗ୍ରାମବାସୀ ପ୍ରାୟ ଛଅ ଶହରୁ ଉର୍ଦ୍ଧ୍ବ ଭୋଟର ଚଳିତ ସାଧାରଣ ନିର୍ବାଚନରେ ଭୋଟ ବର୍ଜନ କରିଛନ୍ତି ।

ଦୀର୍ଘ ୧୯ବର୍ଷ ହେବ ବିଜେଡି ଦଳକୁ ଭୋଟ୍ ଦେଇ ଆସୁଥିଲେ ମଧ୍ୟ ଗାଁରେ ଶିକ୍ଷା ସ୍ବାସ୍ଥ୍ୟ ଗମନାଗମନ ଭଳି ବହୁବିଧ ସମସ୍ୟା ରହିଛି, ଲୋକଙ୍କୁ ପିଇବା ପାଇଁ ପାଣି ମୁନ୍ଦାଏ ମିଳୁନି, ଏଥିରେ ଅତିଷ୍ଠ ହୋଇ ଗ୍ରାମବାସୀ ଭୋଟ ବର୍ଜନ କରିଛନ୍ତି | ନିର୍ବାଚନ ଆସିଲେ ନେତା ଭୋଟ୍ ପାଇଁ ଗାଁକୁ ଯାଆନ୍ତି ନିର୍ବାଚନ ସରିଲେ କୌଣସି ନେତା ଓ ସରକାରୀ ଅଫିସର୍ ଗାଁକୁ ଯାଉନାହାନ୍ତି | ଗାଁରେ ବିଜୁଳି ଆଲୁଅ ରାସ୍ତା ଘାଟ ପାନୀୟ ଜଳ ଯୋଗାଣ ବ୍ୟବସ୍ଥା ନେଇ ବହୁବାର ଗ୍ରାମବାସୀ ପ୍ରଶାସନିକ ଅଧିକାରୀ ବିଧାୟକଙ୍କୁ ଅବଗତ କରିଥିଲେ ମଧ୍ୟ ପ୍ରଶାସନ ନ ଶୁଣିବାରୁ ଗ୍ରାମବାସୀ ଚରମ ନିଷ୍ପତ୍ତି ନେଇଛନ୍ତି ।

Comments are closed.